طلب مساعدة لحل مشكلة فى تكييف باسات 2007

[amr1901]

السلام عليكم ورحمة الله وبركاته،،
أنا معايا باسات 2007 وحصل مشكلة فى التكييف إنه فصل فجأة وبقى ما بيسقعش، ولما كشفت عليه عرفت إن المشكلة فى الكمبوريسور وإنه محتاج يتغير. فهل فيه حد بيعمل صيانة للكمبوريسور؟ ولو مفيش مين شغال فى التكييفات دى كويس ومين عنده إستيراد كويس وهل أجيب جديد أفضل ولا إستيراد؟
وجزاكم الله خيراً

[Ola 3abdalrah]

انا برضه
نفس المشكله
السربنتينا بابظه
و عاوزه فنى تكييف
و نصلح و لا نشترى استيراد

[hesham22]

[QUOTE=amr1901;3875987181]السلام عليكم ورحمة الله وبركاته،،
أنا معايا باسات 2007 وحصل مشكلة فى التكييف إنه فصل فجأة وبقى ما بيسقعش، ولما كشفت عليه عرفت إن المشكلة فى الكمبوريسور وإنه محتاج يتغير. فهل فيه حد بيعمل صيانة للكمبوريسور؟ ولو مفيش مين شغال فى التكييفات دى كويس ومين عنده إستيراد كويس وهل أجيب جديد أفضل ولا إستيراد؟
وجزاكم الله خيراً[/QUO
وعليكم السلام .... حضرتك خلى بالك فصل الكمبرسور مش معناه انو باظ ..... الفصل ده ممكن يكون نتيجه مش سبب والسبب ممكن انسداد بدايرة الغاز فيفصل حمايه حاول تكشف عند حد تانى ولو اتأكدت انو بايظ الاستراد احسن عن تجربه واوفر وفى كمبرسور يابانى ممكن يركب لو مداخل المواسير واحده وده اداءه اعلى والحمل على الموتور اقل

[hesham22]

انا برضه
نفس المشكله
السربنتينا بابظه
و عاوزه فنى تكييف
و نصلح و لا نشترى استيراد

السربنتينه ملهاش اصلاح لازم تتغير يفضل بجديد بعد التأكد منها انها هى اللى بتسرب عن طريق ضغط الدايره ورؤية مكان التسريب علشان ماتتغيرش على الفاضى .. وفى حد كويس انا اتعاملت معاه وهو مكانه فى المعادى لو قريب من حضرتك

[Ola 3abdalrah]

السربنتينه ملهاش اصلاح لازم تتغير يفضل بجديد بعد التأكد منها انها هى اللى بتسرب عن طريق ضغط الدايره ورؤية مكان التسريب علشان ماتتغيرش على الفاضى .. وفى حد كويس انا اتعاملت معاه وهو مكانه فى المعادى لو قريب من حضرتك

متشكره جدا على سرعه الرد ربنا يكرمك
المعادى مش قريبه
انا فى جسر السويس
بس مش مشكله طالما ماهر خلاص
يمكن يكون فيه حاجه بسيطه و يصلحه
و يوفر على شرا واحد جديد

[ahmedshady]

حصلت معايا اتاكد ان واصله كهربا كان عندي غيرنا الفيوز بتاعه راح الكمبريسور شغال