انا نفسى اعرف اتصرف ازاى مع صاحب العربيه البولو ده ؟

[eljokar8]

:k15:انا يا جماعه كنت راكب عربيه مازدا موديل 1986 وخلاص الحمد لله بعتها وكنت عايز اركب بولو بصراحه انا قدامى عربيه بولو 2001 وماتور 1000سىسى وصاحبها فى الاول كان طالب فيها 50 الف هقولكم كماليات السياره : هيا لونها اسود _تكييف وباور_ماشيه 48000 كانت مرفوعه سنتين على كلامه _هيا فبريكه من بره ومن جوه فيها بس اكصدام امامى وخلفى مرشوشين مركبلها جنوط 14 كويسه وجايب كوتش جديد انا اتفرجت عليها عجبتنى من بره انا واديتها عند مركز خدمه فولكس بس شكله مش جامد بس هوا قالى ان العربيه مش وحشه فيها بارات دريكسيون واولسيهات للفتيس بمعنى ان فى زيت هوا شافه من تحت بس حاله العربيه من بره حلوه يا جماعه انا مش عارف اعمل ايه اخر سعر هوا مش عايز ينزل تانى 48000 وانا بقوله 45000 مش عارف اعمل ايه وانهرده اخر يوم لازم ابقى عارف هتصرف ازاى انهرده

[M!NA]

ازاي 48 ألف كيلو من سنة 2001 (حتى لو مرفوعة سنتين)؟ هل تأكدت من الكيلومتر؟
نصيحة راجع على العربية في مركز خدمة كويس و خليهم يقروا الكيلومتر من الكمبيوتر مش من العداد... و يراجعوا أساسيات العربية كويس... شاسيه.. فيتيس... عفشة... كبالن... موتور...

كمان 48 ألف كتير عليها...سعر السوق 44-45 ألف

[iBiZa]

ايوة بس ال44 او 45 مش الحالة اللى هو بيتكلم فيها (لو هيا فعلا كدة).

وح لحد كويس يجيبلك المفيد (انا برشح محمد سمير) و لو فعلا زى ما انت بتقول يبقى اوصل معاة لحاجة فى النص, 46 او 47.

حالة العربية لو بالوصف دة متسبهاش.

[dr_3eshoo]

روح لمحمد سمير
و على فكره بارات الدركسيون و الاوسيه مش غاليين قوي

[zizophone]

أشتريت ولا لسة ؟