هل أسعار الجيتا المستعملة منطقية ؟

[melouk1]

هل أسعار المعروض على مواقع السيارات منطقي و جاد
صديق لي باع سيارة جيتا ب ١١٥ فابريكة و كيلو متر قليل مواصفات كاملة بدون فتحتة سقف
في أن المقابل ليها على الانترنت يزيد ١٠ و ١٥ الفاً ..
مادعاني أن اناقش هذا الموضوع رغبة اخي الاصغر في شراءو احدة و هو عديم الخبرة فقررت المساعدة
سؤال ثاني هل السيفيك خيار جيد مقابل الجيتا ؟
رجاءاً افيدوني برأيكم يا خبراء الجيتا
و كل عام وأنتم بخير

[yasser_ds]

تسعيرها مشكله

اداء السياره و شكلها لا خلاف عليه المشكله اللى بتواجه البائع و المشترى فى العربيه دى هى اسعار قطع الغيار و فى سوق سيارات زى مصر المشكله فيه ان المستهلك مبيفكرش اد ايه قطع غيارها معمره و ان العربيه فعلا اثبتت كفاءه و لا لا بيفضل يقارنها بالكورى و الكماليات فبناء عليه اللى بيبيع بيبقى فى بعض الاحيان عايز يخلص فبيضطر ينزل شويه لانها فعلا ثقيله جدا فى البيع انا ببيع بتاعة اخويا بقاللى تقريبا 3 شهور لحد معجبت حد و يخدها بعد اجازة العيد و للاسف الشديد حتتباع تقريبا ارخص من سيراتو 2010

[melouk1]

اداء السياره و شكلها لا خلاف عليه المشكله اللى بتواجه البائع و المشترى فى العربيه دى هى اسعار قطع الغيار و فى سوق سيارات زى مصر المشكله فيه ان المستهلك مبيفكرش اد ايه قطع غيارها معمره و ان العربيه فعلا اثبتت كفاءه و لا لا بيفضل يقارنها بالكورى و الكماليات فبناء عليه اللى بيبيع بيبقى فى بعض الاحيان عايز يخلص فبيضطر ينزل شويه لانها فعلا ثقيله جدا فى البيع انا ببيع بتاعة اخويا بقاللى تقريبا 3 شهور لحد معجبت حد و يخدها بعد اجازة العيد و للاسف الشديد حتتباع تقريبا ارخص من سيراتو 2010

كلام حضرتك مظبوط فعلاً
ممكن حضرتك تقولي مواصفاتها ايه و بكام من باب التزويد بالخبرة و انا بدور انا كمان
و بالنسبة لقطع غيارها غالية فعلاً
و كل عام و أنت بخير

[A7medelfe2y]

هي ثقافه سوء مش اكتر
وزي ما حضرتك قولت احنا دايما نقارن بالكوري مع شتان بين هذا وذاك

[melouk1]

هي ثقافة غريبة و مش صح بدليل في ناس بتبيع تويوتا كورولا ٢٠٠٥ المتخلفة جدا من وجهة نظري المتواضعة ب ١٢٠ الف و البوما عشان فيها فتحة سقف ب ١٢٠
هل ده شيء يعقل ؟؟!!
أتمنى حد بس يقولنا متوسط اسعار الجيتا الصحيحة

[melouk1]

مفيش حد باع جيتا او اشترى واحدة يقولنا الأسعار ايه

[mamjob]

متابع علشان انا بدور على جيتا او باسات وجاد جدااااااا

[melouk1]

يارب حد يساعدنا فعلاً

[iso_loma]

للاسف العربيات الالمانى كلها سعرها بيقع لما تيجى تبعها عشان خاطر اسعار قطع غيارها غاليه جدا ومش اى حد بيركبها الا اللى بيقدرها وبيقدر على اسعار قطع غيارها بالنسبه لنقطه صغيره بالنسبه لمقارنه اليبانى بالالمانى احب اوضح ان اليبانى اقل اعطال ومشاكل فى الوطن العربيى من الالمانى وده عن تجربه الاتنين كنت امتلك جولف 4 و بعدها لانسر بومه ومن وجه نظرى الالمانى بالذات لازم حاله ممتازه وموديل حديث عشان متكرهش نفسك واسعار الجيتا 2005 الى 2006 اسعارها قليله عشان كان فيها عيب فى الفتيس لكن من بعد 2007 مسكه سعر كويس بتبتدى من 90 وانت طالع

[mohamedaghali]

انا كنت اشتريت جيتا 2008 فابريقة بالكامل وعاملة عداد قليل 80000 كم ب 111000 بس كانت محتاجة صيانة كاملة وحاجاتت فى العفشة ودة اللى اكتشفته بعد مااشتريت وعملت الحاجات دى وركبتها 4 شهور وبعتها ب 110000 لتكرار اعطالها رغم ان الحالة العامة كانت جيدة جدا ومشاكل فتيس الجيتا من 2009 النص التانى وانت طالع

[melouk1]

الفتيس كان ١٦٠٠ الست نقلات وكان فيه مشاكل برده
يعني مش dsg بس ؟