إعـــــــلان

Collapse

.

,
See more
See less

أخيرًا جبت بولو

Collapse
X
Collapse
 
  • Page of 7
  • Filter
  • الوقت
  • Show
Clear All
new posts
السابق 1 2 3 4 5 6 7 template التالي
  • #46
    السلام عليكم ورحمة الله وبركاته ازيك عماد اخبارك ايه معلش بقى انا بقالى زمان مشاركتش فى المنتدى

    بقولك يا عماد انا طلعت على مطب جامد مكنتش شايفه المهم فالأكصدام الى ادام انكسر من ناحيه السير الاسود الى فى الاكصدام من تحت مع كسر فى الفيبراو البلاستيك الى فوق الشبكه السوده الى تحت دى من الناحيه الشمال ناحية السواق

    فا إيه حل الموضوع دا ؟
    ويا ريت تقولى لو فرضا عالجتها وأعدت بيه فتره الاكصدام دا وبعدين حبيت اغيره واجيب واحد استيراد مثلا او جديد هيبقى بكام يا عماد ؟

    Comment

    • #47
      انا طبعا مش عارف الكسر اد ايه, بس اى حد بتاع فيبر مش بياخد اقل من 50 الى 100 عشان يعمل حاجة نضيفة, و بعدين هترشة عشان شكلة يبقى كويس.

      انا مش عارف الاكصدام الامامى دلوقتى استيراد بكام, بس لو لقيت واحد بسعر كويس و نفس لون عربيتك يبقى احسن يادوب هتفك و تركب.

      ابعد عن الجديد لان خامتة بتبقى ضعيفة و الصبة بتاعتة مش مظبوطة فا مش هيظبط شكل العربية + انة لازم يترش.
      [SIGPIC][/SIGPIC]
      speed never kills anyone, suddenly becoming stationary does
      [FONT=&quot]Fiat 128-Mazda 323 BD-Seat Ibiza 021A[/FONT][FONT=&quot]-Peugeot 205 GTI-VW Polo 6n2-VW Passat B5-Seat Ibiza 6k VR6 -Seat Leon 1M[/FONT]

      Comment

      • #48
        ماشى كدا تمام

        طيب بالنسبه للجنوط إيه اكبر مقاس يركب للبولو 2001 وميعملش مشاكل للعفشه ولا يحك فى الرفارف طبعا ودا طبعا مع مراعاة انى هجيبه مستعمل نفس نوع العربيه طبعا عشان يبقى نظيف مظبوط ؟

        ومين عندكوا فى القاهره الى إن شاء الله لو حبيت اجيب الجنوط دى أجيبها من عنده وتكون اسعاره معقوله وهل هتبقى بنفس الاسعار الى كنت قولتهالى ولا رخصت شويه وبرده كنت عايز اعرف اسعار الكوتش الرفيع الى بيركب للجنوط دى انظف نوع بيبقى بكام ؟ ومين برده احسن واحد اسعاره معقوله أروحله ؟

        وجزاك الله كل خير

        Comment

        • #49
          مقاسات الجنوط مكتوبة على غطاء باب تانك البنزين

          ودي تقدر تشوف الي انت عايزة وكمان حتلاقي ضغط الهواء داخل الإطارات مع عدد الي بيركبوا جوا العربية

          الجنوط استيراد مش حتلاقي نضيف ولو لقيت نضيف مش حتلاقي 4 خرم ولو لقيت 4 خرم مش حيكون أصلي ومعتقدش كمان حيعجبك حتلاقيه بتاع حاجات كوري وتايواني والكلام ده.

          أنا جربت أنواع الكاوتش التالية
          1. كونتيننتال
          2. بريللي
          3. فولدا
          4. روودستون
          5. بريدجستون

          عن تجربة شخصة أفضل عجلة فيهم هي البريدجستون أدرينالين "بوتينزا" بس دي كانت غالية الفردة مقاس 15 كانت عاملة 650 جنيه من سنة ودا ياباني مش ماليزي

          كان فيه منه ماليزي بس أنا ركبت الياباني

          ممكن تروح عند أرابكوم وتشوف تشكيلة الجنوط الموجودة عنده، حتلاقي حاجات كتير تعجبك، بس متجبش حاجة صيني لأنه حيتكسر بسرعة ومش حيستحمل.

          عملية التجنيط دي مش حتكلفك أقل من 4000 - 4500 علشان تبقى عارف

          ولو موتورك 1000 متجبش جنوط 15 أعتقد انها حتكون كتير على العربية
          ممكن تستخدم جنوط 14 حتكون كويسة وكمان هات الجنط الي صبته ناشفة وخفيف

          ومتنساش لما تركب الجنط ال 14 تخلف بيض المقصات، يعني تجيب البيضة اليمين في الشمال والشمال في اليمين علشان زاوية الكاستر تتغير والعجل يترحل للأمام 1 سم

          عادة مع جنط 14 العجل مش حيحك وممكن تسيب البيض في مكانه بس الزوايا بتاعة العربية عمرها ما حتتظبط والكاوتش حيتاكل

          الجنوط أرابكوم
          الكاوتش بريدجستون

          متجبش كاوتش فولدا إطلاقاً
          بريللي حلو بس صبة ناشفة عايزة أرض حرير
          الكونتيننتال يعني هو الفبريكية بتاع العربية بس الموجود في السوق برتغالي
          الروودستون معدل تآكله سريع، هو شكل وبس
          [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
          [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
          [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

          Comment

          • #50
            متشكر جداً يا أسامه على المعلومات دى .
            وبعدين انا اساسا مش هعمل الموضوع دا حاليا بس انا كنت بسأل عشان لما انوى هيبقى النظام إيه ؟

            بس فى حاجه مش الكوتشات الرفيعه دى بتبقى برده احجام يعنى مثلا :-

            الجنط ال14 له كوتش رفيع بسمك طخين
            والجنط ال15 له كوتش رفيع بسمك ارفع شويه
            والجنط ال16 له كوتش رفيع بسمك ارفع أكتر ........ وهكذا

            فالمفروض ان قلة سمك الكوتش بيعوض كبر حجم الجنط فاهمنى ؟
            هى دى وجهة نظرى مش اكتر انا مش فاهم طبعا ومعنديش خبره بس بستفسر عشان ابقى فاهم ايه الى بيحصل بالظبط .

            والحاجه التانيه الى كنت عايز استفسر عنها بالنسبه للجنوط كنت بسمع على حاجه اسمها ( نيكل كروم ) ودى على حد علمى بتبقى براقه بتلمع وفى نفس الوقت جامده متينه يعنى وكمان شكلها جميل فإيه بقى حكاية النيكل كروم دا ؟

            Comment

            • #51
              شوف يا سيدي في أوروبا والدول المتقدمة معندهمش شوارع مكسرة ولا بلاعات ولا مطبات صناعية..

              والنتيجة؟

              1. بيوطوا العربيات زي مهما عايزين
              2. بيستخدموا كاوتش رفيع
              3. بيستخدموا مساعدين غاز لأنها أقوى

              عندنا في المحروسة لو عملت أي حاجة من التلاتة دول

              النتيجة:

              1. الشكمان مات إكلينيكياً والعربية العزل بتاعها من تحت اتكشف والبارومة مستنية تاخد فرصة في الحفلة دي دا غير الخبطات بقى الي مسمعة في الشاسيه من تحت.

              2. الجنوط بتبوظ وتتكسر لأن الكاوتش ياعيني عليه رفيع واي مطب بتاخده يروح مسمع في الجنط على طول وتقضي حياتك عند بتوع استعدال الجنوط والترصيص.

              3. العفشة بتبوظ والبطاحات بتتاكل

              طيب الحل؟

              في المحروسة،

              1. بنستخدم كاوتش اكبر درجة من الالكاوتش بتاع العربية يعني بدل من 185/45/15 بنحط 185/50/15 علشان الجنط يستحمل أرض المحروسة بس خلي بالك لما تيجي تركب كاوتش أكبر من المقاس الأصلي سرعة العربية الي انت شايفها في العداد أقل من سرعة العربية الحقيقية. يعني العداد لو 90 العربية حتلاقيها على 94 مثلاً. وبكدا بتوع الرادار حتعمل معاهم اشتراك. هي ليها معادلة بتحسب السرعة النهائية حبقى اكتبهالك.

              2. الي بيركب جنط اسبور يبقى عارف إزاي يتعامل معاه علشان ميكسرهوش لأن الجنوط الاسبور ضعيفة وجزء كبير دلوقتي من الموجود في السوق صيني.

              3. في ناس بتحط المساعدين الغاز زي "البليشتاين" بس بيرجعوا يقولوا العربية بترزع وعلشان كده منصحش حد بالمساعدين دي خالص..

              الجنوط الاسبور عادة بتكون واخدة طبقة نيكل ودي الي بتديها اللون النيكل وتكون بتلمع وبراقة وفي جنوط اسبور ألوان، أبيض وأحمر وإسود

              أنا استعملت جنوط Bbs وmomo ومنفعوش معايا واتكسروا.

              حالياً بستعمل جنط حديد متنكل "هو برازيلي الصنع" بس بيتميز بأنه خفيف وشكله كويس وفي نفس الوقت 15 بوصة

              لو عندك أي استفسار، متترددش
              [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
              [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
              [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

              Comment

              • #52
                انت توهتنى يا عم أسامه انا فاهمك طبعا بس انا كان سؤالى بيدور حول نقطه تانيه فا أنا هحاول اشرحلك استفسارى السابق بشىء من التفصيل والوضوح اكثر جايز تفهمنى اكتر المره دى

                الجنط بتاع العربيه الحالى مش 13 تقريبا كويس والكوتش بتاعه نقول مثلا ارتفاعه عن الارض سمكه يعنى بتاع 10 سم مثلا تمام .
                لو فرضا اتغير بجنط 14 اى كان نوعه او شكله مش بيرتفع عن الجنط 13 فى المقاس طيب فو فرضنا ان ركبناله نفس الكوتش بتاع العربيه الاصلى دا الى هو سمكه 10 سم بس طبعا بمقاس الجنط 14 مش هتلاقى العربيه علت عن الاول وطبعا الكوتش قرب يحك فى الرفرف مثلا يعنى لاء دا احنا بنجيبله كوتش رفيع سمكه ولنفرض بدل ماكان 10 بقى 7 سم وهكذا لو جيبنا جنط 15 مثلا بنجيبله كوتش يركبله سمكه 4 سم .

                أصبح كبر حجم الجنط بيعوضه صغر سمك الكوتش فا أنا يعنى بيتهيقلى والله أعلم طبعا لان انا اساسا مليش فى الموضوع بس مجرد وجهة نظر إن المفروض بيبقى ارتفاع العجله هو هو وبالتالى أرتفاع العربيه برده هو هو .

                دا اذا مكنش بقى كل ما بتجيب جنط اعلى بكوتشه المناسب بيعرض فأصبح الوقتى دى قضيه تانيه لان ممكن ودا من وجهة نظرى المحدوده برده انه ساعتها مثلا ميركبش او يبقى معاكس فى مشيها او يحك مثلا فى اى حاجه حوليه وهكذا ......

                بس واتمنى أكون وصلت وجهة نظرى المرجوه

                Comment

                • #53
                  وهل ممكن اجيب جنوط زى الى فى الصوره دى حتى لو استعمال بس استعمال نظيف ولا صعب؟

                  والمقاس دا كويس للعربيه ولا صعب عليها ولا بيركب بس برده بيحك او بيبوظ بسرعه نظرا للطرق بتاعتنا الجميله؟


                  Comment

                  • #54
                    المشاركة الأصلية كتبت بواسطة elshrpeny مشاهدة المشاركة
                    انت توهتنى يا عم أسامه انا فاهمك طبعا بس انا كان سؤالى بيدور حول نقطه تانية
                    هو اسامة باشا قام بالواجب اهة, و هو رد عليك بس فى وسط الكلام.

                    بص يا سيدى, كلامك صح بس الموضوع مش اى مقاس و خلاص, العربية لها مقاساتها و المفروض نمشى عليها بس لو عملنا كدة الكاوتش هيبقى رفيع اوى و مش هيستحمل البلاعات ولا الشوارع بتاعنا, فا بنجيب الكاوتش زى اللى مكتوب فى الكتالوج بس اعلى درجة, و دة بيفرق فى قرأه العداد عشان محيط العجلة بقى اكبر.

                    يعنى مثلا على ما اتذكر كانت هى ديه مقاسات الفبريكة:
                    • 195/45/15
                    • 185/55/14
                    • 175/65/13


                    و لو هتجيب اى جنط تتاكد ان مقاس المسامير هو 4x 100

                    المشاركة الأصلية كتبت بواسطة elshrpeny مشاهدة المشاركة
                    وهل ممكن اجيب جنوط زى الى فى الصوره دى حتى لو استعمال بس استعمال نظيف ولا صعب؟

                    والمقاس دا كويس للعربيه ولا صعب عليها ولا بيركب بس برده بيحك او بيبوظ بسرعه نظرا للطرق بتاعتنا الجميله؟
                    الجنط اللى فى الرسمة دة لو اصلى يبقى BBS و شكلة كدة 15 و ممكن يركب و كل حاجة بس تمشى و عينيك فى وسط راسك.عشان ممكن بلاعة تقطعلك الكاوتش و حصلت معايا قبل كدة مرتين فى العربية اللى قبل كدة و كنت مركب 195/15/50.
                    [SIGPIC][/SIGPIC]
                    speed never kills anyone, suddenly becoming stationary does
                    [FONT=&quot]Fiat 128-Mazda 323 BD-Seat Ibiza 021A[/FONT][FONT=&quot]-Peugeot 205 GTI-VW Polo 6n2-VW Passat B5-Seat Ibiza 6k VR6 -Seat Leon 1M[/FONT]

                    Comment

                    • #55
                      الجنط الي في صورة ده انا مكسر منه اتنين

                      يعني غيرت الطقم أول مرة والمرة التانية اتكسر برضو

                      أول مرة كنت راجع من الجونة وخدت قالب طوب في الجنط الشمال الأمامي والجنط اتفرتك والحمد لله انه وصلني لحد القاهرة ورحت استعدلته وطلع عيني وبرضو مرجعش زي الأول وكنت قرفان منه وكنت مركب معاه كاوتش روودستون ولاحظت معدل التآكل السريع وضعف الجنط..

                      لقيت طقم تاني، رحت جايبه ومعاه كاوتش فولدا، ماشي يا سيدي في أمان الله في مدينة نصر الجميلة لقيت بلاعة حاولت افاديها خدتها بزاوية راح الكاوتش عامل بلونة والجنط باظ

                      رحت مرجع الجنط ورا وريحت دماغي هوب رحت خدت مطب تاني في مدينة نصر الجميلة راح جنط تاني وفردة بايظيين

                      رحت رامي الطقم ده ومغير للطقم البرازيلي الي قولتلك عليه وغيرت الكاوتش لبريدجستون

                      ومن ساعتها معرفش إذا كان في في العربية جنوط وكاوتش ولا لأ
                      [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
                      [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
                      [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

                      Comment

                      • #56
                        المشاركة الأصلية كتبت بواسطة iBiZa مشاهدة المشاركة
                        هو اسامة باشا قام بالواجب اهة, و هو رد عليك بس فى وسط الكلام.

                        بص يا سيدى, كلامك صح بس الموضوع مش اى مقاس و خلاص, العربية لها مقاساتها و المفروض نمشى عليها بس لو عملنا كدة الكاوتش هيبقى رفيع اوى و مش هيستحمل البلاعات ولا الشوارع بتاعنا, فا بنجيب الكاوتش زى اللى مكتوب فى الكتالوج بس اعلى درجة, و دة بيفرق فى قرأه العداد عشان محيط العجلة بقى اكبر.

                        يعنى مثلا على ما اتذكر كانت هى ديه مقاسات الفبريكة:
                        • 195/45/15
                        • 185/55/14
                        • 175/65/13

                        و لو هتجيب اى جنط تتاكد ان مقاس المسامير هو 4x 100



                        الجنط اللى فى الرسمة دة لو اصلى يبقى BBS و شكلة كدة 15 و ممكن يركب و كل حاجة بس تمشى و عينيك فى وسط راسك.عشان ممكن بلاعة تقطعلك الكاوتش و حصلت معايا قبل كدة مرتين فى العربية اللى قبل كدة و كنت مركب 195/15/50.

                        الجنط ده فعلا 15 وموجود عند أرابكوم ومنصحكش تجيبه لأنه طري
                        [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
                        [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
                        [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

                        Comment

                        • #57
                          اولا الف مبروك اخى الكريم وربنا يستر طريقك ان اشاء الله
                          الطارة ممكن تكسيها جلد بس هتسبها عن السروجى يوم علشان يعملهالك

                          Comment

                          • #58
                            بدل ميكسي الطارة

                            أحسن يجيب طارة إيرباج شكلها أفضل وخامتها أفضل بكتير

                            لأن كدا كدا المكسية بتقشر والشمس بتبوظها

                            لكن الطارة الإيرباج بتعيش

                            مش عارف إذا كان صاحب الموضوع عراف شكلها ولا لأ بس أكيد شكلها أجمد بكتيييييييييييييييييييير
                            [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
                            [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
                            [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

                            Comment

                            • #59
                              المشاركة الأصلية كتبت بواسطة iBiZa مشاهدة المشاركة
                              هو اسامة باشا قام بالواجب اهة, و هو رد عليك بس فى وسط الكلام.

                              بص يا سيدى, كلامك صح بس الموضوع مش اى مقاس و خلاص, العربية لها مقاساتها و المفروض نمشى عليها بس لو عملنا كدة الكاوتش هيبقى رفيع اوى و مش هيستحمل البلاعات ولا الشوارع بتاعنا, فا بنجيب الكاوتش زى اللى مكتوب فى الكتالوج بس اعلى درجة, و دة بيفرق فى قرأه العداد عشان محيط العجلة بقى اكبر.

                              يعنى مثلا على ما اتذكر كانت هى ديه مقاسات الفبريكة:
                              • 195/45/15
                              • 185/55/14
                              • 175/65/13


                              و لو هتجيب اى جنط تتاكد ان مقاس المسامير هو 4x 100



                              الجنط اللى فى الرسمة دة لو اصلى يبقى BBS و شكلة كدة 15 و ممكن يركب و كل حاجة بس تمشى و عينيك فى وسط راسك.عشان ممكن بلاعة تقطعلك الكاوتش و حصلت معايا قبل كدة مرتين فى العربية اللى قبل كدة و كنت مركب 195/15/50.
                              طيب يا عماد انت بقى تنصحنى بجنط نوعه أيه وشكله إيه ويا ريت الى هترشحهولى تبقى تبعتلى صورته لو أمكن .

                              وكذلك الكوتش الى يركب عليه يبقى مقاسه كام بس بحيث ميحكش فى الرفرف طبعا ويستحمل الى حد ما المطبات والبلاعات زى ما بتقول.

                              اما من حيث الانواع فكان اسامه قالى عليهم وفضلى البريدجستون.

                              وأسعارهم بقى يا ريت يا أبو عماد

                              Comment

                              • #60
                                انا شايف (و دة رأى الشخصى طبعا) ان الجنط ال14 احسن حاجة عليها.

                                من حيث تجيب اية؟؟ فا ممكن تدور فى الاستيراد على جنط Vw اصلى و هتلاقية من 1000 الى 1500 و مقاس الكاوتش هيبقى 185/60/14 و مش بيحك عندى.

                                لو لقيت 15 يبقى هتركب 195/50/15 و مش عارف هيحك ولا لأ, نشوف اسامة فا الموضوع دة.
                                [SIGPIC][/SIGPIC]
                                speed never kills anyone, suddenly becoming stationary does
                                [FONT=&quot]Fiat 128-Mazda 323 BD-Seat Ibiza 021A[/FONT][FONT=&quot]-Peugeot 205 GTI-VW Polo 6n2-VW Passat B5-Seat Ibiza 6k VR6 -Seat Leon 1M[/FONT]

                                Comment

                                السابق 1 2 3 4 5 6 7 template التالي
                                Working...
                                X