مشكلة لعب في العدادات !!!

[melouk1]

ببساطة جداً و بدون مقدمات شفت ناس كتير باي لاب توب عليه سوفت وير للجيتا او البسات ممكن يلعبو في قراءة العداد
طيب ازاي نتفادى الأمر ده للي مقبل على شراء مستعمل و ايه الحل من وجهة نظركم ؟

[TaoTao]

الحالة العامة للسيارة ، وحالة دواسات البنزين والدبرياج (لو مانيوال) بيبان عليها الاستهلاك بالنظرة الخبيرة.
وقياس كبس الموتور وحالته العامة (نظرة الميكانيكي الخبير برضه بتفرق).

[melouk1]

بس في حالات كتيرة جداً ماشية رقم كبير و حالتها كويسة جداً
الفكرة انهم بينزلو العداد عشان يعلوا في السعر
طيب صيانات التوكيل مش بتبين ؟

[devil_storm]

اشتري عربيه بتعمل الصيانات الدوريه حيكون باين الصيانات و مواعيدها و التوكيل طبعا يقدر يعرف اذا كان العداد سليم ولا لا

[melouk1]

بالظبط تمام كده

[mohamed ebeid]

ممكن فعلا يغير في قراءه العداد و لكن اعتقد انه بيظهر علي السوفتوير بتاع الكشف بالكومبيوتر ان في تغيير حصل

[melouk1]

لو كده يبقى المشكلة محلولة ..

[mshamy]

النقطة المهمة في كشف التوكيل ان صيانة العربية مرتبطة بالكيلومتر او بالزمن أيهما اقرب
يعني حيقولك العربية عملت مثلا صيانة ال 80 الف شهر 10 سنة 2015..طبعا حضرتك حتقارن عداد العربية الحالي مع كلام التوكيل وتشوف اذا كان الموضوع ماشي صح ولا لأ

[AMRPEGAS]

عداد abs

[melouk1]

عداد abs

يعني ايه !؟

[sala7]

سهل جدا يتعرف العداد ملعوب فيه و لا لا
عن طريق برنامج اخر
و بدون الخوض في التفاصيل .. مش من السهل انك تجيب البرنامج و تكشف كدا ببساطه و انت بتشتري
الا اذا انك هتاخدها عن حد عنده البرنامج و تفحص


لكن الانسان الغشاش مصيره بيكون زي الزفت و حياته بتتقلب جحيم من الدعاء عليه

[melouk1]

سهل جدا يتعرف العداد ملعوب فيه و لا لا
عن طريق برنامج اخر
و بدون الخوض في التفاصيل .. مش من السهل انك تجيب البرنامج و تكشف كدا ببساطه و انت بتشتري
الا اذا انك هتاخدها عن حد عنده البرنامج و تفحص


لكن الانسان الغشاش مصيره بيكون زي الزفت و حياته بتتقلب جحيم من الدعاء عليه

طب ممكن تقولنا نكشف عند مين و تفيدنا كلنا
الغشاش ده أصلاً حياته بائسة لأن مفيهاش بركة