أفيدوني ضروري

[alcomando]

السلام عليكم

أنا النهاردة رحت سوق السيارات يا جماعة اللي في العاشر شفت بيتلز كتير أوي بتاع 16 واحدة ولا حاجة بس كان غاليين أوي اللي ب 25000 واللي قالي 28000 المهم في واحد أبن حلال عنده واحدة برتقالي ب 14500 الراجل ده أنا ارتحتله هيا قالي انها راشة دواخل لأنها نضافة موديل 1972(1302) فأكيد لازم ترش وقالي أن لونها الأصلي كان لبني وهوا بس رش عشان كان اللون مقشر وكدجا وقديم العربية أنا الصراحة مكشفتش لسة على حاجة دورها قدامي دارت من أول مرة صوت متورها حنين هيا 1300 سي سي بس بصراحة عجبتني ناقصها حاجات بسيطة كدة صوت وكاسيت و بتاع الإشارات والمساحات السمكرة كويسة مفاهاش حاجة أنا قلتله بكرا نتكلم ولو ممكن أوديها لميكانيكي

أرجو ياريت
1- هل بالحالة ديه كويسة وهل 1302 كويسة ولا فيها عيوب
2- ياريت تقولولي ميكانيكي يكشف عليها والنبي لحسن أنا معرفش حاجة وحروح معاه لوحدي

أسف للإطالة وجزاكم الله كل خير

[ahit]

السلام عليكم

أخى الفاضل سعر العربية بيتحدد بالحالة و الموديل
يعنى موديل الستينات له رنج سعر و السبعينات كذلك
و لكن للمعلومة سعر ال 1302 و 1303 دايماً غالى لو العربية سليمة من حيث العفشة و الماتور و الصاج و هكذا و هل كانت عاملة حادثة ولا لأ و الصقف سليم و كدا

المهم فى ميكانيكى إسمه الحاج/ محمد على بشارع جسر السويس - محطة العرب
و تليفونه : 0129305520

دا راجل أمين جداً و ممتاز و ممكنجداً يفيدك فى الكشف على العربية

و أنا ممكن أساعدك لوجه الله
دا تليفونى : 0100058284
أحمد حسن

[alcomando]

طيب أستاذ أحمد بكرا لو كلمني الصبح حاخده وحروح عند الحاج محمد لو وحشه حوصيه هوا يدورلي بقى أنا فعلا حاسس إني تايه شكرا لردك

[hotboja]

ياباشا اشترى حلوة وربنا يبركلك فية

انا معاى 1302 حلوة وجميلة وتختلف عن 1300 فى المطبات هتكون مرتاح اكتر فى 1302 او 1303