جيتا 2007 ولا سيفيك 2007 هموووووت يا ناااس

[wolverine_egy]

السلام عليكم

يا جماعه انا هتجنن خلاص والله و دماغى فوتت

انا نفسى استقر على عربيه و مش عارف . بصراحه انا كنت فى الأول بفكر فى الجيتا عشان المانى و صاجها جامد و معمره و بصراحه شكلها عاجبنى اوى بس بعد ما سمعت عن مشاكل الفتيس بصراحه خوفت منها لتعملها معايا . واحد صاحبى بقى اقترح عليا السيفيك و قالى العربيه تقريبا مفيهاش مشاكل جوهريه اوى غير بس علبة الدركسيون و قاعدة الموتور تقريبا و دول مقدور عليهم

الفكره بقى بعد كل الرغى ده مش عارف اختار : هل اغامر مع الجيتا و ربنا يستر ولا اخلينى فى الsafeside و اجيب civic

ايه رايكو يا جماعه ؟؟؟؟ اجيب ايه و ياريت لو اللى يختار يقولى ايه سبب الأختيار و يا سلام بقى لو حد مجرب الأتنين

و الله الموفق و المستعان

[ahmedshady]

توكل علي الله وهات جيتا طبعا
مفيش مشاكل فتيس في الموديل ده نهائي
واللي يقول علي موديلات من 2006-2008 واول 2009
يبقي مجرد حافظ كلام مش اكتر انما ولا جرب ولا شاف
والعربية قعدت معانا 7سنين بدون اي مشاكل لا فتيس ولا موتور
مشاكل الفتيس في الموديلات الحديثة فقط في الفتيس ال7نقلات dsg
بسبب الزحمة والحرارة
انما الموديل اللي حضرتك بتقول عليه مفهوش مشاكل(6 نقلات
سواء جيتا او باسات

[hilal]

طالما تبحث عن القوة والمتانة والثبات يبقى الالماني يكسب
لو ركبت الماني مش هتعرف تركب غير الماني بعد كده
ربنا يوفقك

[wolverine_egy]

متشكر جدا لرد حضرتك . طمنتنى والله

[wolverine_egy]

طالما تبحث عن القوة والمتانة والثبات يبقى الالماني يكسب
لو ركبت الماني مش هتعرف تركب غير الماني بعد كده
ربنا يوفقك

منا عشان ركبت المانى (polo) مع انها مش مستوى الجيتا خالص بس خليتنى مش عايز اركب غير المانى

[hamo81]

خليك في الجيتا وهتدعيلنا
الموديل ده يستحق الأقتناء فعلا المهم تكون حالتها سليمة

[wolverine_egy]

طيب هى رانج سعرها كام تقريبا لو واحده نضيفه

[ahmedshady]

100 ل 110

[melouk1]

جيتا طبعا و ياريت لو هاي لاين ... هتستمتع بركوبة محترمة