زيت الباور، زيت على البوجيه ، بولو 2001 ، ارجو المساعدة

[kaza1]

لو سمحتوا
انا عربيتى بولو 2001 من اسبوع حسيت ان الدريكسيون بيزيق فى الملفات و بقى تقيل شوية و ديتها لميكانيكى قالى تعايزة زيت باور و زودلى الزيت بعدها بيومين لاقيت العربية بتقطع و بتاكل بنزين وديتها لواحد تانى قالى الموتور بيجيب زيت على سن البوجيه مع ان معيار الزيت مش بيقل نهائى و غيرلى بوجيه و مشيت بالعربية شوية كويس و رجعت تانى نفس المشكلة و امبارح صوت الدريكسيون رجع يزيق تانى ببص على زيت الباور لقيته ناقص كتير جدا .. هل دول ليهم علاقة ببعض و الميكانيكى كان بيقولى موضوع البوجيه ده تغير موتور ..، ارجو المساعدة .... شكرا

[pepo2011]

اولا زيت الباور مالهوش علاقة بالبوجيه
الزيت علي البوجية يعني الشنبر بيفوت زيت لغرفة الحريق وده مش المفروض يحصل طبعا
هاتعمل طقم شنبر يعني عمرة

[Mecha]

الدركسيون لما الزيت ينقص الطرمبه تاخد هوا وتنعر ، التزييق سير يا بيض يا حاجه بتحك زي اللعب في الكاوتش، لزمن تنزل تحت العربيه وتعرف الزيت بييجي منين .علي كلامك زيت المتور مبينقصش يبا ممكن جلد صباب بيهرب تحت.لو طرمبة الباور عندك دايره ديرك من المتور ممكن زيتها بينزل ع الكرتيره ومش هتشوف تنفيط وزيت المكنه يعلا

[kaza1]

طب اعمل ايه ولا اروح لمين

[pepo2011]

تروح لميكانيكي طبعا

[kaza1]

ميكانيكى معين ولا اى حد هيعرف يحل الموضوع ده

[pepo2011]

لا مش اي حد
لازم يكون بيفهم وعنده ضمير وانت تعرفة وتثق فيه