عشاق و ملاك البيتلز بالمنتدى

[VW_1303]

انا شايف انك تجيب افضل 1300 بحاله كويسه
افضل من انك تشترى 1303 محتاجه مصاريف وتجديد
خصوصا انها مكلفه جدا خصوصا فى العفشه
وصدقنى كا ماتشترى عربيه مش محتاجه مصاريف
هتريحك وتوفرلك فلوس وجهد ولف على الصنايعيه

تمام اخى الفاضل هاشم

بس ال 1303 احلى بكتير فى الشكل من وجهة نظرى

فكنت بقول اجيب واحدة محتاجة شوية تظبيط بس تكون اساسياتها كويسة

واظبط فيها انا واحدة واحدة بقى

ولا اية رأى حضرتك

والف شكر على ردك الكريم

[ابوهاشم]

والله طالما انت معجب بيها
وعندك القدره فى الفلوس والوقت واللف على الصنايعيه
يبقى مافيش مشاكل توكل على الله
ال1303 عربيه ممتازه وتحفه وتستاهل المغامره

[VW_1303]

دلوقتى يا جماعة انا شفت بيتلز موديل 63 موتور 1300

العربية رشة وصاحبها بيقول نظافة بس انا لسة مشفتهاش كويس

نضيفة من جوة كتابلوة وفرش بس محتاجة شوية شغل علشان تبقى تمام من برة

لسة مجربتهاش والموتور معرفش حالتة

فكنت حابب اعرف منكم دى تعمل فى حدود كام ؟؟؟

[ابوهاشم]

انت لسه ماجربتهاش ولا تعرف حالة الموتور
يبقى ازاى عاوز تسعرها

[abdelrahman87]

هو فين الناس ...........؟؟؟؟؟؟؟؟؟؟........

[gomangy]

انا برحب بيكو كلكو وكل سنه وانتو طيبين
انا معايا برده بيتل 1302 موديل 72 ومركبلها جنط 15 واحب اضمن لعشاق البيتلز

[caution]اللون الأحمر مخصص للمشاركات الإدارية فقط
القوانين العامه الواجب اتباعها لجميع الاخوه أعضاء المنتدى
مشرف الأوروبى 2 [/caution]

[archi_bibo]

يا حماعه انا عضو جديد في المنتدى وبصراحه اتفاجأت بكميه الناس الي بتعشق العربيه دي وكم المعلومات الي متوفره هنا الي في كتيير منها تعبت جدا علشان اوصله او افهمه ولقيته هنا متوفر وبمنتها السهوله..... المهم مطولش عليكوا انا معايا عربيه بيتلز 1300 برازيلي موديل 1981
هيا بقالها معايا حوالي سنه وفضلت راكبها على حالتها لحد ما ربنا كرمني وبشدها اليومين دول وان شاء الله هستعيين بيكوا كتيير في المشوار ده وافيدكوا برده بكل الي مريت بيه انا اتعاملت مع صنايعيه كتير ومعظمهم ناس متخصصه وممتازه والحمد لله وان شاء الله اقدر افييد المنتدى والناس هنا زي ما اكييد هستفييد من المنتدى جدا.....

[/IMG]

صوره للعربيه زي ما جبتها ....

[/IMG]

[/IMG]

ودي حالتها دلوقتي
انا طبعا حرقت العربيه كلها على الصاج زي ما انتوا شايفين وان شاء الله ناوي اغير لونها مش حابب اللون الابيض بس يا ريت الناس تدينا رأيها في الالوان الي ممكن ارشها .

عبدالرحمن مجدي

[ابوهاشم]

اهلا بيك معانا ومنورنا
ومنتظرين مشاركتك فى ما يخص البيتل

[ابوهاشم]

انا برحب بيكو كلكو وكل سنه وانتو طيبين
انا معايا برده بيتل 1302 موديل 72 ومركبلها جنط 15 واحب اضمن لعشاق البيتلز

وكلنا بنرحب بيك معانا
ومنتظرين مشاركتك وتجاربك مع البيتل

[tejani]

السلام عليكم
النهاردة اشتريت فولكس بيتلز برتقالي 1300 موديل 1981 برازيلي
ان شاء الله هصورها بس الصبح وهحط الصور بتاعتها
بس لقيت مشكلة ربنا يستر ومتكونش كبيرة بتجيب زيت من تحت
انا كنت شفت المشاركة اللي كان في واحد من الاعضاء مشتكي من نفس الشكوى وكان الموضوع عيب في حاجه من التلاته دول
- لو الزيت اللى بينزل تحت علبة الزيت على طول يبقى المشكلة فى مسمار علبة الزيت و بتبقى حلها بسيط و بتحتاج جوان كاوتش أو اللى بيغير الزيت يلف عليها خيط.
3- لو الزيت اللى نازل من الماتور على الأجناب تحت علبة التيكهات يبقى العيب فى جوان التاكيه و دا بيتغير بـ 5 جنية للواحد تقريباً ؟
4- بص على بكرة الكرانك لو الزيت بينزل منها أو من تحت الماتور من الداخل يعنى آخر الماتور من تحت تبقى المشكلة مشكلة أولسيهات و فى هذة الحالة لازم تسقط الماتور و تغير الأولسيهات.
بس مقالش موضوع الاولسيهات ده هيتكلف كام
على فكرة العربية عاملة عمرة في شهر 9 ورشة فرن
والعمرة صاحب العربية قالي انها خلت الموتور 1600 بدل 1300

[ابوهاشم]

وممكن يكون الزيت اللى فى الموتور زياده
لانك المفروض تحط 2.5ك بالتمام لو زياده
الموتور يجيب زيت من تحت

[tejani]

في مشكلة كده انا مكشفتش علىالعربية قبل ما اشتريها لاني صراحه انا جبتها من راجل محترم معاه دكتوراه في الفلسفة بس رحت عند ميكانيكي عشان اشوف موضوع الزيت وهو كان قالي انها حاجه بسيطه لكن فوجئت ان الميكانيكي بيقولي انها عربيه متسواش واني لو اعرف ارجعها احسن وانها محتاجه عمرة كامله رغم ان الموتور مش بيدخن ولا حاجه وان الصاج من تحت كله مرمات انا شاري العربية ب 10 الاف جنيه ثمانيه فوري والفين على شهرين على الفور كلمت الدكتور صاحب العربية وقالي ان دول ميكانيكيه نصابين وانه هيوديني عند الميكانيكي اللي اكان عامل العمرة وان اي حاجه في العربيه غير اللي قالي عليها هيصلحها هو وانه منصبش عليه وقعد يحلف ان الميكانيكية دول عاوزين يعملو عليا شغل ورفض يرجع العربيه رغم اني قلتله خد الف ونصف كشرط جزائي وهنروح بكره عند احمد رجب الميكانيكي بتاعه في الطالبية عشان يحللي مشكلة الزيت
يا رب يكون العربية فعلا سليمه ومفيهاش مشاكل
انا مشكلتي اني مش بعرف اسوق وكنت هتعلم على العربية دي وكمان مش معايا رخصة ولازم اخد معايا حد يسوقلي لو طلعت بره امبابه
يا ريت اسمع نصايحكم

[ahit]

السلام عليكم ورحمة الله وبركاته

الأخ tejani

ممكن حضرتك تاخد العربيه و تروح لعاطف عبده فرج الميكانيكى يكشفلك عليها كويس و يقولك تسوى كام و لو لقيت نفسك خسران 1000 جنيه مثلاً مش مشكله لكن لو قالك العربيه حالتها مش كويسه و مش سليمه يبقى لازم تضغط على اللى إنت شارى منه العربيه و يرجعهالك بأى طريقه و خساره قريبه أفضل من خساره بعيده.
و روح لعاطف الميكانيكى قبل ما تروح معاه عند الميكانيكى بتاعه لأنه أكيد هايلملك العربيه أى كلام .
و ربنا يسترها معاك و معانا.

[alhathik]

ما هو عنوان عاطف عبده فرج بالتفصيل (كيفية الذهاب اليه من الاتوستراد او صلاح سالم

[tejani]

السلام عليكم ورحمة الله وبركاته

الأخ tejani

ممكن حضرتك تاخد العربيه و تروح لعاطف عبده فرج الميكانيكى يكشفلك عليها كويس و يقولك تسوى كام و لو لقيت نفسك خسران 1000 جنيه مثلاً مش مشكله لكن لو قالك العربيه حالتها مش كويسه و مش سليمه يبقى لازم تضغط على اللى إنت شارى منه العربيه و يرجعهالك بأى طريقه و خساره قريبه أفضل من خساره بعيده.
و روح لعاطف الميكانيكى قبل ما تروح معاه عند الميكانيكى بتاعه لأنه أكيد هايلملك العربيه أى كلام .
و ربنا يسترها معاك و معانا.

الف شكر يا باشا على النصيحة والاهتمام
انا حاولت فعلا اضغط عليه لدرجة اني قلتلو اسيبلك الفين جنيه واخد فلوسي
بس الراجل قالي انه جاب عربية جديدة ومعدش يقدر يرجع الفلوس
وانه برده متاكد من كلامه
المهم خدني عند الميكانيكي بتاعه وقالي الراجل هناك ان الموتور كويس جدا وحلفلي انه لسه مغير بساتم وشمايس وطقم شنبر جديد وان الزيت اللي بيخر ده من الجوانات بتاعة الموتور وانه هيغيرها على حساب البايع وقالي برده ان الكاربيراتير مش كويس واني لازم اغيره عشان متكلش بنزين
المهم اتفقنا على اننا نقسم تمن الكاربيراتير علينا وهو قال 400 جنيه استيراد
يا ترى فعلا هو ده سعره
وقالي ان هستلم منه العربية السبت بالليل 100 100
مفيش في ايدي اني اصدقه
وان شاء الله هكمل ليكم باقي حكايتي لما اجيب العربية