عشاق و ملاك البيتلز بالمنتدى

[Ali Wazery]

السلام عليكم
انا كنت ناوى اشترى بيتلز و الفكره ملحه عليا جدا بس كنت بدور الاول على العفشجيه و الميكانيكيه و قطع الغيار عشان ابقى مطمن انى مش هتعب لو اشتريت إن شاء الله بس كلام الاستاذ ادهم خلانى قلقان بخصوص الميكانيكيه وخصوصا بعد التجارب اللى حكاها واللى انا كنت متابعها يا ريت تفيدونى و تدلونى بواحد عنده ضمير و مش حرامى و اكون شاكر ليكم جدا لو تعروفنى احسن طريقه اشترى بيها العربيه السوق ولا اعلانات النت شكرا

[Ashgan]

السلام عليكم
أنا معايا عربية بيتلز موديل 74 عاوزة أبيعها هى للأسف امبارح حصلت فيها مشكلة تقريبا فى الموتور وفى ناس قالولى ان الموتور قفش للأسف مع إنى لسه عمالها نص عمرة من كام شهر
محتاج مشورتكم هل أبيعها على حالها ده ولو بيعتها على الحال ده والموتور قافش ممكن تتباع بكام؟

[Ashgan]

السلام عليكم
أنا معايا عربية بيتلز موديل 74 عاوزة أبيعها هى للأسف امبارح حصلت فيها مشكلة تقريبا فى الموتور وفى ناس قالولى ان الموتور قفش للأسف مع إنى لسه عمالها نص عمرة من كام شهر
محتاج مشورتكم هل أبيعها على حالها ده ولو بيعتها على الحال ده والموتور قافش ممكن تتباع بكام؟
ولو حبيت اصلحها عاوزة اعرف سعر الموتور لو استيراد بكام ؟
جزاكم الله خيراً

[smsmxxxxxx]

ارخص موتور 1200cc الالماني بيبدأ من 3500 جنيه
و ال 1300 cc من 4000 وال 1600 من 6000
و ال 1200cc المكسيكي من 5500 علشان احدث من الالمانى واقوي

انا راي انك تشوف العربيات اللى قريبة من حالة عربيتك رينج سعرها كام
وبعد كدة تعرضها للبيع على حالتها من غير موتور وتشوف هتجبلك كام
وبعد كدة تقارن مابين السعرين
لو هتكسب اكتر لو جبتلها موتور يبقي هتلها موتور

[Ashgan]

شكرا لاهتمامك وعلى المعلومات
جزاك الله خيرا

[أحمد جودة]

بسم الله الرحمن الرحيم

السلام عليكم ورحمة الله وبركاتة

أولاً أنا بشكر صاحب هذه الصفحة الجميلة على هذه المعلومات القيمة وبشكر كمان كافة الاعضاء


وأرجو أن تقبلوني أخي وصديق لكم جميعاً إنشاء الله

أنا أخوكم أحمد جودة من سكان مدينة حلوان

الحمد لله ربنا كرمني وتقريباً أشتريت العربية الجميلة دي وبصراحة كل أصحابي شكروللي فى العربية هيا لونها أسود في برتقالي وسوف أرفع لكم الصور قريباً وهيا ماشاء الله حالتها ممتاز أشتريتها بـ 18 ألف جنوت جديدة كاوتش جديد ماتور ممتاز فرش جلد ممتاز بصراحة تحفة


بس بصراحة أخوكو دي أول عربية لية ولسة بتعلم السواقة فأرجو منكم النصيحة


وفى النهاية أرجو أن أكون أخ وصديق وضيف خفيف على قلوبكم جميعاً

[smsmxxxxxx]

اهلا بيك بين محبي البيتل اخ وصديق

نصيحة مجرب اتعلم على العربية بتعتك احسن لان البيتل بتختلف عن اى عربية

هي بتستحمل المطبات الجامدة اللى المبتدئين بيقعوا فيها

اصعب حاجة واهم حاجة هي ابعاد العربية يعنى تبقي عارف اخر عربيتك من الجنبين وورا وقدام
علشان لو ماشي فى الزحمة متخبطش حد
ودى بتيجي بالتعود لانك مستحيل تشوف الرفرف اليمين والاكصدام الامامي او الخلفي

ومتحرقش ابدا على الغيار علشان الموتور ميبوظسش منك
يعنى الاول اقصي حاجة ليه سرعة 20
والتانى 40
والتالت 70
والرابع علشان توفر بنزين متعديش بيه ال 100

دى طريقة السواقة الهادية اللى تحافظ على الموتور وتوفر بنزين


بالنسبة للصيانة
يفضل تغير زيت وتنضف الكاربراتير وتظبط تاكيهات وتغير بوجيهات وتطمن على حالة الابلتين والكوندنسر وتغير فلتر البنزين

وتزود زيت الفتيس وتغير فلتر الهواء لو عمة الكاربراتير هواء او تنضفها فى البنزينة لو العمة زيت

وتكشف على مستوى مية البطارية وتظبط الكاوتش بتاعك على 28 مش 30

دى كل الصيانة اللى ممكن تعملها
هى مهمة ومش هتكلفك كتير بس هتحافظ على الموتور علشان يستحمل حر الصيف

[asaeed]

اهلا بيك بين محبي البيتل اخ وصديق

نصيحة مجرب اتعلم على العربية بتعتك احسن لان البيتل بتختلف عن اى عربية

هي بتستحمل المطبات الجامدة اللى المبتدئين بيقعوا فيها

اصعب حاجة واهم حاجة هي ابعاد العربية يعنى تبقي عارف اخر عربيتك من الجنبين وورا وقدام
علشان لو ماشي فى الزحمة متخبطش حد
ودى بتيجي بالتعود لانك مستحيل تشوف الرفرف اليمين والاكصدام الامامي او الخلفي

ومتحرقش ابدا على الغيار علشان الموتور ميبوظسش منك
يعنى الاول اقصي حاجة ليه سرعة 20
والتانى 40
والتالت 70
والرابع علشان توفر بنزين متعديش بيه ال 100

دى طريقة السواقة الهادية اللى تحافظ على الموتور وتوفر بنزين


بالنسبة للصيانة
يفضل تغير زيت وتنضف الكاربراتير وتظبط تاكيهات وتغير بوجيهات وتطمن على حالة الابلتين والكوندنسر وتغير فلتر البنزين

وتزود زيت الفتيس وتغير فلتر الهواء لو عمة الكاربراتير هواء او تنضفها فى البنزينة لو العمة زيت

وتكشف على مستوى مية البطارية وتظبط الكاوتش بتاعك على 28 مش 30

دى كل الصيانة اللى ممكن تعملها
هى مهمة ومش هتكلفك كتير بس هتحافظ على الموتور علشان يستحمل حر الصيف

الله ينور عليك استاذ محمد سالم
دائمًا في خدمة الناس محبي البيتلز

[smsmxxxxxx]

عمرو باشا اخبارك ايه

[herculez31]

بشكركم يا جماعة على المعلومات الجميلة دى والموضوع الهايل ده

انا عاوز اشترى بيتلز بحالة ممتازة
فى حد يرشحلى عربية عاوز يبعها او يعرف حد عاوز يبيع عربيته؟

ومنتظر الردود وشكراً مقدماً

اخي العزيز
انا عايز ابيع عربيتي
1300 موديل 75
مفهاش اي غلطة فابريكة دواخل من الاف الي الياء عربية بحالة الزيرو
بس علبة الدركسيون مش كويسة اوي
لو مهتم ابعتلي
شكرا

[s0144862631]

معروض عليا بيتلز 1980 ماتور 1200استيراد استندر حالة ممتازة وموفر جدا فى البنزين رقبة سليمة عفشة جديدة فتيس سريع فرامل ممتازة بطارية جديدة من اسبوع لا يوجد اى خبطات بالسيارة ولا اى بارومة .

معروضه علي ب 12000قابله للتفاوض البسيط ايه رايكم يا بيتلزاويه

[prince.of.navy]

الموضوع فعلا عجبنى ... انا لسه شارى بيتلز 74 1300cc وحالتها حلوه الحمد لله ...
هيا معايا بقالها حوالى شهر .. و لسه مشتكتش منها ولا حصل منها حاجه وحشه غير حجات بسيطه كده عايز اخد رأيكم فيها ... اول ما اشتريت العربيه من القاهره طلعت بيها الغردقه لإن شغلى هناك .. لقيتها ضعيفه فى وش الهوا و المطالع (عرفت بعد كده انها اسطوانه ) حتى فى الطريق العادى بعيدا عن الهوا و المرتفعات العربيه بتجيب 100 او 110 بسسسسسسس .
رجعت من الغردقة على طنطا (انا اصلا طنطاوى ) .
رحت اغسلها لقيت الموتور من تحت مرشح زيت ... غسلتها و غيرت الزيت و ظبطها .
و بعدين سافرت بيها من طنطا للإسكندريه ورجعت وبعدها بيومين طلعت القاهره ورجعت ..
العربية ما شاء الله انا حاسس انى مسيطر على الطريق وسط العربيات (انا اصلا بجرى ) بس مع الزحمه و العربيات الكتير حاسس انها بتجرى وواخد فى شى (طبعا مش شطاره ربنا يسترها علينا ) .
بس بغض النظر سحبها يعنى شويه مش عاجبنى بالنسبه لقوه الموتور الى انا بحس بيها فى السلانسيه والمطالع الصعبه ..
بس بوجه عام انا راضى عن العربية بشكل كبيير جدا و مش مستخسر فيها الفلوس رغم انها غاليه .. المشكله الى هتقابلنى فيها بعد كده بس إن علشان اعمل فيها اى حاجه لازم اسافر بيها القاهره لأن عندى فى طنطا مفيش صنايعيه ليها خالص و انا بصراحه مش عايز حد يلعب فيها ويخربها .. خصوصا انها مظبوطه على الشعره زى ما قلتلكم فى السلانسيه و الكهربا و الدواره ..
انا اسف مش عارف ارفع صور ليها علشان انا مليش فى المنتديات قوى .. و دى تعتبر اول مشاركه ليا فى حياتى لأنى بجد معجب بالعربيه و مهتم بالمواضيع المتعلقه بيها ..
هل فيه اى نصايح تقدروا تنصحونى بيها يا بيتلزويه يا كباااااار ؟؟؟

[وائل عصمت]

ارجو الافادة -انا ناوى اشترى من صديق ليا بيتلز 1303 وهى ماشاء الله مجددة بالكامل -بي اناس بيخوفونى من قطع الغيار -ارجو الافادة

[Mohamed bebo2]

السلام عليكم ورحمة الله وبركاته
لو سمحت محتاج اي حد مشاء الله كل الناس هنا فعلا محترمه محتاح حد يساعدنى محتاس اوى والله اللى حابب يساعدنى يكتبلى رقمو الناس كلها محترمه وهتحب تساعد انا عارف اعتبرونى صديقكم منا بيتلزاوى جديد شكرا

[Mohamed bebo2]

السلام عليكم ورحمة الله وبركاته
لو سمحت محتاج اي حد مشاء الله كل الناس هنا فعلا محترمه محتاح حد يساعدنى محتاس اوى والله اللى حابب يساعدنى يكتبلى رقمو الناس كلها محترمه وهتحب تساعد انا عارف اعتبرونى صديقكم منا بيتلزاوى جديد شكرا 01111049407