زهقت من عفشة التيجوان

[ak007]

السلام عليكم
انا عندي مشاكل في عفشة العربيه هيا موديل تيجوان
بسبب الطرق الجميله بتاعتنا
فيه اللي يقولي عايزه اسكاترا...ومساعدين...وبيض وجلب مقصات...ميزان وتيش ميزان
محسسني اني هاغير العفشه كلها
وقبل كدا عملت شغل في العفشه عن واحد في اسكندريه ماعجبنيش

عايز اجرب الحرفيين...ياريت تدلوني علي مركز محترم اتعامل معاه
وهل فيه حد كويس لقطع الغيار دي ؟
شكرا

ملحوظه ياريت ماحدش يقولي وديها التوكيل لاني زهقت من التوكيل

[ahmed.biso13]

فى واحد اسمة عبودة العفشجى
عند محطة غاز تك منطقة التعاون بالمطرية
بس تروح له بدرى من الساعة 10صباحا لان عنده ضغط
عشا ن تخلص قبل المغرب
ويبيعت حد معاك لقطع الغيار بتوك توك وانت براحتك تشترى صينى او يابانى
ولو تقدر تستحمل بعد العيد يبقى افضل

[foxhonda2008]

استاذي الفاضل صاحب السياره
معلش انا هنخرج عن الموضوع بس بما انك مالك هذه السياره و انا بفكر اشتري هذه السياره و انا محتار جدا و قلقان من المشاكل الموجودة في الفولكس فاجن
فكان عندي كام سوْال
اولا انا قدامي واحده ٢٠٠٨ و اخري ٢٠٠٩ أيهما تفضل مع العلم ان الاتنين منوال
اخبار قطع الغيار ايه متوافرة و لا بدوخ و طالع عينك
هل أعطالها كتير و لا اعتماديه
يا تري في ناس فاهمه فيها ولا لازم توكيل
هل فعلا ممتعه في سواقتها ولا عاديه وموتورها صوته عالي و مش ممتع
مع العلم انا كان معايا سيفيك ٢٠٠٨ و كنت مستمتع بيها جدا
رجاء تقدر تقولي و معلش لو فيها ازعاج رقم تليفونك عشان حابب أتكلم معاك قبل اتخاذ القرار
و شكرًا ليك مقدما و كل سنه وحضرتك طيب

[elgohary10]

متابع