سؤال في باسات 2012

[Omar Amin]

السلام عليكم ورحمة الله

كل عام وحضراتكم جميعا بخير

أرجو من خبرا الباسات يفيدوني في موديل 2012

معروض عليا عربية ب 200 الف عاملة 70 الف كيلو

ومتخوف جدا من المشاكل اللى سمعتها عن الفتيس

فهل موديل 2012 اتحلت فيه مشاكل الفتيس اللى كانت موجودة في 2009 و 2010 و 2011

وهل لازم بنزين 95 أساسي ؟؟؟؟


وأشكركم جزيل الشكر

[AHMEDJUDDY]

والله العظيم انه لحد النهارده ما اتحلتش مشكله الفتيس ده ، وربنا يحاسبني علؤ هءا الحلفان ، ولتاني مره والله العظيم عندنا عربيه باسات في الشغل بتاعه واحد عندنا ومش عارف موديل كام بالظبط 2014 او 2015 والله لتاني مره يغير فتيس العربيه اول 30 الف كم غيرت فتيس و هي دلوقتي 60 الف كم و برده حاليا بتغير فتيس ، و تقريبا هي جوا الضمان ، بس بره الضمان الفتيس بعد ارتفاع سعر الدولار الاخير بقا 90 الف جندي ، ولك ان تتخيل فتيس بسعر عربيه تانيه ، و حتي لو جوا الضمان كفايه العطله و تقعد بتاع شهر ولا اتنين عقبال ما الفتيس ييحي من برا و يتركب و سمعه العربيه متنيله اصلا و هتتعكنن منها و تفكر تبيع و بعد كدا تلاقي واحد يتقمر عليك و يقولك سعر هيزعلك اوي ...
نصيحه بلاش منها احسن ، شوفلك حته انسيجنيا مع ان الاوبل برده رذل في بيعه بس العربيه حلوه بدون مشاكل ان شاء الله بس موديلات بعد 2014 ، ابعد عن 2014 فيما اقل ، اشتري من اول 2015 .

[Omar Amin]

أحمد باشا شرفتني بمرورك الكريم في موضوعي

تسلم على المعلومة اللى تساوي تقلها دهب

وان شاء الله كل كلامك اتحفر في دماغي لدرجة اني صرفت نظر تماما

يا نهار ابيض عربية الماني بربع مليون جنيه تبهدل اصحابها البهدلة دي

يارب عوضهم بأفضل منها وضروري جدا يتعمل حاجة جماعية ضد التوكيل لأن ده خراب بيوت

[AHMEDJUDDY]

شكرا يا باشا