برجاء الرد للضرورة وضيق ﻻلوقت ...جيتا وﻻ ﻻنسر

[man_law_egypt]

]السلام عليكم رجالة وشباب المنتدى الكرام
اوﻻ انا سعيد بان دى اول مشاركة ليا معاكم
وبامانة فى اشد اﻻحتياج لنصايخكم الغالية
انا بشترى عربية اليومبن دول وللاسف فى ظل اﻻسعار الرهيبة الغريبة العجيبة
ومحتار بين اﻻتنين دول 1. ﻻنسر 2008 مانول 1600 ccفبريكة بدون نقطة بوية واحدة اول يد من الزيرو
ماشية 80 الف محتاجة فقط دسك واسطوانة
استعمال طبيب عنده كبير فى السن
متمسك عند ال 90 الف جنيه

ثانيا جيتا 2008 1600ccتاتى فئة اتوماتيك
ماشية 160000 رشة كله معادا السقف
مطلوب فيها 100000 نهائى
مع العلم انى كنت راكب ﻻنسر 1300 موديل 2008 بس الحمدلله اتسرقت

برجاء المساعدة في اﻻختيار وجزاكم الله كل خير

[abo_salah]

وعليكم السلام ورحمه الله وبركاته
بص انا ركبت اللانسر
عربيه محترمه ومفيهاش غلطه
لو حضرتك متاكد انها فابريكه بالكامل زي ما بتقول يبقي اشتريها و خليك في المضمون
بالنسبه للجيتا انا ماركبتهاش شخصيا بس كانت مع واحد قريبي ماقعدتش معاه فتره كبيره وبيعها
بسبب ان ارتفاعها عن الارض بسيط جدا
وبتحك في المطبات بطريقه غريبه
ده غير ان حضرتك بتقول انها مش فابريكه ولا حاجه الله اعلم ايه اللي يكون حصل فيها

ماحدش يقدر ينكر طبعا ان الالماني ممتاز طبعا
بس الفكره ان اللانسر باين انها عربيه صاحبها محافظ عليها

[man_law_egypt]

كتر الف خيرك ل اهتمام حضرتك والله
طيب السعر المطلوب فى ال ﻻنسر مش مبالغ فيه ؟؟؟

[abo_salah]

والله يا باشا سعر العربيات كلها اليومين دول مبالغ فيه
بس من كلام حضرتك ان العربيه ما شاء الله جميله كانها جديده
لو حضرتك شايف انها تستاهل
اتكل علي الله و مبروك عليك مقدما

[samyomar]

سعر اللانسر نظرا لحالتها و مواصفاتها و اسعار السوق حاليا يعتبر سعر واقعى جدااااااااااا و لقطه كمان .. نصيحه توكل ع الله فى اللانسر