تقييم سريع للجيتا

[mohamed_hamdi]

عزيزي asarhan

موضوع طلب الكود كل ساعة انا خايف يكون عيب صناعة في الكاسيت نفسه لأن حتى لو جبت الكود من الشركة الأم مش منطقي افضل ابرمجه للجهاز كل ساعة لما يفصل لأنه اصلا لو الجهاز مش شايف الكود مكانش اشتغل معاك اول ساعة - صح ولا انا غلطان يا زعيم؟ رأي الشخصي حاول تغير الكاسيت كله لو معاك ضمان و حاول تعلي صوتك عليهم جامد علشان تاخد حقك انتى شاري عربية VW مش صيني يا باشا.

[Ahmosality]

السلام عليكم
انا كنت عاوز كتب تقييمي للعربية بعد استعمال 1000 كم اليوم بس كملت الالف كيلو
1- العربية ممتازة في الثبات فعلا انا وصلت ل 160 و الثبات و الهدوء ممتاز
2- تكنولوجيا العربية فعلا تحفه و المالتي فنكشن استعماله جميل و بتتحكم في حاجات ظريفة في العربية
3- مثبت السرعه من احسن الحاجات الي عجباني في العربية
4- شنطة العربية مساحتها جبارة
5- صوت الموتور بيكون عالي وخشن شوية في بداية المشي و لو انت بتقرص على العربية في الغيار بس لما بتاخد سرعتك صوت الموتور بيختفي تماما
6- الفتيس ناعم و مابتحسش بالنقلات خالص بس عيبه انه بينقل بسرعه جدا انا مش عارف ده عيب مني ولا من الفتيس بس هو انا بدات اخد عليه شوية بس هو فعلا بينقل الغيارات بسرعه ياعني انت ممكن تبقى ماشي على 60 و العربية واخده سادس
7-كاسيت العربية والنظام الصوتي فيها ممتاز جدا جدا
8- الفرامل ممتازة وا استجابتها سريعة. انا جربت ال abs مرتين بس لاحظت انه بيعمل صوت عالي شوية مش عارف هل الabs كده و لا في مشكلة عندي انا اول مرة اركب عربية فيها النظام ده واول مرة اجربه
9- نظام التيبترونيك و الشيفتات الموجودة في الدريكسيون حلوة و مريحة جدا
10- عيوب السيارة من وجهة نظري :
أ- اقوى عيب لاحظته و فعلا حسيت بيه هو ضعف الموتور على السيارة ياعني في الشد و السحب متلاقيش الي انت بتفكر فيه او مستنيه من الVW بس ده طبعا في مصر بس علشان السي سي و الجمارك والحوار الي انتو عارفينه
ب- ارتفاع السيارة عن الارض منخفض نسبيا للمطبات المصرية الرائعة ... انا يوم مارخصت العربية اتحكت بكاملها من تحت في مطب ذهبي
ده تقييمي حتى هذه المرحلة.
انا نفسي حد يدلني لحل لمشكلتي انا لظروف انتظاري الطويلة للعربية (3 شهور انتظار و حجز ) جاتلي عربية بنفس المواصفات الي كنت عاوزها فيما عدا ارم ريست او مخدع امامي الي بين الكرسيين و ده الي بيكون في ضهره فتحات التكييف الخلفية ياعني انا معنديش فتحات تكييف خلفية و لا مخدع ورحت التوكيل الي اكتشفت فعلا انه اي كلام ولا عرفت اسأل مين ولا حد عاوز يرد عليا ده غير الخناقات الي شفتها هناك .. المهم هما قالولي ان العربية مينفعش يركبلها مخدع علشان لو هيا من غير مخدع بتبقى مش مجهزة للموضوع ده وانا مش مقتنع
طيب هل فيه مكان اقدر اشتري منها المخدع بس يكون الاصلي واركبه بره التوكيل انا شفت مخدع عند ارابكوم هو مش اصلي و كان زي الزفت معجبنيش خالص
اسف على الرغي الكتييير

[Ahmosality]

انا لاقيت في موقع فورتكس حاجة زاي الي انا عاوزها
ده عنوان الموقع http://forums.vwvortex.com/zerothread?id=4098179




ازاي اقدر اشتري القطع دي و مين ممكن يركبهالي

[heromiro]

انا حاجز 2009 وكييل و هستلمها اخر سنه بس انا خايف الشكل يتغير خصوصا ان الباسات غيرت الشكل حد عنده معلومه عن الموضوع ده؟

[asarhan]

عزيزي asarhan

موضوع طلب الكود كل ساعة انا خايف يكون عيب صناعة في الكاسيت نفسه لأن حتى لو جبت الكود من الشركة الأم مش منطقي افضل ابرمجه للجهاز كل ساعة لما يفصل لأنه اصلا لو الجهاز مش شايف الكود مكانش اشتغل معاك اول ساعة - صح ولا انا غلطان يا زعيم؟ رأي الشخصي حاول تغير الكاسيت كله لو معاك ضمان و حاول تعلي صوتك عليهم جامد علشان تاخد حقك انتى شاري عربية VW مش صيني يا باشا.

شكرا يا استاذ محمد على اهتمامك ,انا الحمد الله روحت مركز الصيانه و فكوا الكاسيت و اخدت السيريال و تم ارساله بالفاكس امس وجاني الرد بالكود والكاسيت شغال زي الفل الحمد الله, واهى خبره لغيري لو تعرض لنفس الموقف

[tmedhat]

العربية دى تحفة

الف مبروك يا ريس

[mohamed_hamdi]

الف مبروك حل مشكلة كود الكاسيت و ربنا يبارك لك في السيارة و يكفيك شرها.

بخصوص تغيير شكل الجيتا فعلى حد علمي انه مش قبل شهر 9 -2010 في اوروبا يعني مش هايوصل مصر قبل صيف 2011 و بنسبة كبيرة الشكل الخارجي مش ها يتغير و لكن بعض التغييرات الداخلية كاستبدال اضائة العدادات باللون الأبيض بدلا من الأزرق الحالي.
أما بخصوص الباسات فالموديل المقصود هو باسات سي سي وده فئة تانية خالص غير الباسات العادية يعني الاتنين موجودين في نفس الوقت.

[mohamed_hamdi]

بخصوص معلومة ان شكل الجيتا هايتغير 2011 و التغييرات المتحققة وقتها فبرجاء الاطلاع على الموقع التالي المنقول من احد الزملاء بالمنتدى هنا و اعتقد اسمه AHEGAZY للأمانة و شكرا جزيلا له :

http://consumerguideauto.howstuffwor...agen-jetta.htm

[sshafie]

السلام عليكم
انا عندى حاجة فى العربية مش عارف ده عيب ولا عادى فيها
انا معايا جيتا 2008 وكيل المستوى التانى عاملة 14000
لاحظت ان اتكييف و هو مطفى بيجيب هوا من برة سالتهم فى التوكيل قالولى اقفل بواية الريسيكل قبل مطفى التكييف بس برده بيجيب هوا من بره و هو مطفى جربت اقفل فتحات الهوا ال فوق لاقيتة بيجييب من عند الرجلين و بعد كدة لاحظت انى منا مشغل التكييف و قافل الريسيكل بشم روائح من بره زى العوادم و الدخان ده غير انه اول ما بيشتغل بيطلع ريحة غريبة بس وحشة
ممكن اعرف موضوع الهوا ال بيدخل و التكييف مطفى ده عادى ولا لا عشان انا رايح صيانة ال 15000 اخر الشهر؟
شكرا

[heromiro]

سوال كمان يا أ محمد انت تنصحنى بالوكيل و لا الخليجى انا حاجز الفءه ال ب 185؟
العربيه بتنزل ب بلو توث و لا بيتركب ؟ وشكرا ليك

[mohamed_hamdi]

انا عربيتي خليجي و زي مارديت قبل كده ، الخليجي أفضل لأنه بنفس المبلغ باحصل على كماليات أعلى و تكييف أفضل وكده كده وكيل فولكس في مصر مش فارقه معاه ضمان من عدمه ده غير ان في معارض بتدي ضمان على الخليجي دلوقتي زي ناشيونال موتورز سنة او 20000كم و ايضا جابر عبد الشهيد ضمان سنتين.
بخصوص البلوتوث، موجود فقط عند جابر عبد الشهيد في أعلى فئة ولكن ممكن الاستغناء عنه بتركيب بلوتوث parrot فرنساوي سعره مابين 1000-1500 جنيه.

[asarhan]

سوال كمان يا أ محمد انت تنصحنى بالوكيل و لا الخليجى انا حاجز الفءه ال ب 185؟
العربيه بتنزل ب بلو توث و لا بيتركب ؟ وشكرا ليك

الخليجي افضل طبعا وانا الحمد الله العربيه ماشيا معايا زي الفل وبضمان ناشونال 20000 او سنة وفيها مواصفات اعلي من الوكيل وارخص منه بالاضافة ان في اوبشن مش موجودة عنده زي الشفتات السرعة في الدريكسيون و الزجاج الملون

[hanady]

كلا لا تحتوى على بلوتوث

الفئة 185.000 (المستوى الثانى فى الأتوماتيك) لا تحتوى على البلوتوث
فهو موجود فقط فى المستوى الثالث فئة 212.000 أو المستوى الجديد بين الثانى و الثالث (هو المستوى الثالث بس بدون فرش جلد) و 202.000
سعر تركيب البلوتوث عند التوكيل 2500 جنيه

[sshafie]

البلوتوث ممكن تركب لوحدها من غير حاجة اسمها مالتى كام هى المسئولة عن تشغيل الزرار المرسوم عليه سماعة فى الدركسيون و دى سعرها 1500 جنيه. انا ركبت البلوتوث ب 800 عند باروت ال ف شارع نوال الدقى

[som3aa]

انا حاجز 2009 وكييل و هستلمها اخر سنه بس انا خايف الشكل يتغير خصوصا ان الباسات غيرت الشكل حد عنده معلومه عن الموضوع ده؟

شكل الجيتا لسه قدامه سنتين على ما يتغير , فعلا فى 2011 و دا كلام مؤكد.
معلش يا جماعة ممكن كل واحد يكتب الفرق بين الخليجى و المصرى؟
يعنى كل واحد يكتب مواصفات عربيته الخليجى و سعرها .
المصرى فى 3 فئات:
1- اللى ب 170000 (بتتباع ب 165000 عند الموزعين) دى فاضية خالص.
2-اللى ب 185000 (بتتباع باقل عند الموزعين , معرفش بتوصل ل 180 و لا لأ) دى فيها حساس ضغط الهواء فى الاطارات , multifunction, cruise control , جنوط 16.
3-اللى ب 202000(معرفش بيخفضوا فيها و لا لأ) دى بتزيد بزينون و فتحة سقف و فوج لايت و جنوط 17.

مفيش و لا فئة فيها كراسى كهرباء فى المصرى و اول مرة اسمع على اللى ب 212 الف , اعتقد دى اتلغت.

عايز اعرف من اللى اشتروا خليجى ايه المكانيات اللى خدوها زيادة و فرق السعر قد ايه سواء ارخص و لا اغلى.
يعنى يا يت كل واحد يكتب بالظبط مواصفات عربيته و سعرها
شكرا