ينفع ب ١٧٠ ألف اشتري jetta بنيكل على أطر النوافذ؟

[i_engineer]

مساء الخير لكل أعضاء المنتدى الكرام. هذه أول مشاركة ليا و أحب أن أقول أني استمتعت جداً بقرأة تعليقاتكم في كافة المواضيع خاصة أن وجدت ناس لها نفس اهتماماتي و أنا إلي كنت فكر نفسي دايس في العربيات. سؤالي لحضراتكم بخصوص el jetta. هل النيكل المحيط بإطار النوافذ محصور بفئة معينة دون غيرها. يعني ينفع ب-١٧٠ أو ١٧٥ اشتري jetta متنكلة علما أني مش فرقة معايا أي كماليات أو اضافت أخرى. وشكراً
و شكر خاص جداً للباشا صاحب إقتراح yamli

[hanady]

كلا

الأجابة هى لا (و أنا أتحدث هنا عن أسعار التوكيل لأنى جايبة العربية منهم).
فئة 170.000 و فئة 185.000 لا يوجد أطار النيكل للنوافذ.
الأطار فقط فى موديلات 202.000 و الموديل الكامل 212.000. علما بأن أطار النافذة الواحد سعره عند التوكيل لو عايز تضيفه لعربيتك اللى من غيره بعد ذلك هو 1500 جنيه (اى الأربع نوافذ=6000 جنيه)

[sa3dawy]

سوءال غريب اوى !!! هو حضرتك تقصد اطارات النوافذ ؟؟!!
اعتقد مش فارقة خالص ولا ليها اى لازمة
بالنسبة لسوءالك اعتقد الجيتا الهالالاين فقط هيا الى فبها موضوع النواكل دى

[i_engineer]

شكراً جدا على اهتمامك ، أنا كنت فاكر انها بتيجي من برة متنكلة جاهزة.
على كدة أنا أقدر اشتريها بالسعر إلي أنا عايزه و أضف النيكل دة بعدين أصله بصراحة بيفرق أوي في شكل ال-jetta.

[i_engineer]

بحس انها بتدي فخامة للعربية يا أستاذ sa3dawy. و شكراً لرد حضرتك

[asarhan]

السلام عليكم
النواكل حول الزجاج سعرها 1800 في التوكيل كلها و ليس للزجاج الواحد

[i_engineer]

دة كدة ممتاز جداً. شكراً لحضرتك أستاذ asarhan. هي العربية جميلة جداً و تغري الواحد أنه يغامر مع توكيل زي بتاع volks

[hanady]

أرجو من Asarhanالتأكد

الرجاء من الأستاذ Asarhan التأكد مرة ثانية لأنى لسه سأله عليهم و أنا بأعمل صيانة من شهر واحد و مسئول قطع الغيار فى التوكيل هو اللى قال لى على السعر ده (1500 جنيه للأطار النيكل للنافذة، و للتأكيد سألته يعنى 6000 للأربعة قال لى أيوه)، فهل أنت متأكد و أين توجد بسعر 1800 للأربعة هل فى محلات قطع غيار خارج التوكيل، و فى هذه الحالة هل هى بنفس جودة النواكل اللى فى التوكيل.
رجاء التأكد قبل الأجابة

[asarhan]

الرجاء من الأستاذ Asarhan التأكد مرة ثانية لأنى لسه سأله عليهم و أنا بأعمل صيانة من شهر واحد و مسئول قطع الغيار فى التوكيل هو اللى قال لى على السعر ده (1500 جنيه للأطار النيكل للنافذة، و للتأكيد سألته يعنى 6000 للأربعة قال لى أيوه)، فهل أنت متأكد و أين توجد بسعر 1800 للأربعة هل فى محلات قطع غيار خارج التوكيل، و فى هذه الحالة هل هى بنفس جودة النواكل اللى فى التوكيل.
رجاء التأكد قبل الأجابة

الرجاء منك انت التأكد ,,لاني سأل عليهم عند اتوميشو مدينة نصر الموزع المعتمد لفولكس و لسة متأكد منه تاني بالتليفون هو قاللي ان التوكيل بـ 1800 ج و انه حـ يعملهم لي 1500 ج و انا إن شاء الله مستني يجيلي فلوس و اركبهم لاني لسه مفحوت من ثمن العربيه و الميه تكدب الغطاس و ممكن تسألي عليهم هناك و تركبيهم

[sshafie]

3and arabcom b 1400 el 4 windows

[asarhan]

هو ده الكلام ...طب عنوان عربكوم ده فيين يا Mr. Sshafie وهل الحاجة اللي عنده أصلي و لا مضروب ؟؟؟

[sshafie]

هو ف مدينة نصر عمارات رامو خلف سيتى ستارز ناحية الاوتوستراد.

المفروض ان 90% من حاجته أصلى و انا لما سألت عاى النواكل فى التوكيل قالولى موجودة عند ارابكوم

[Merit]

Arabcom وأنت جاى من الدائري نازل مدينة نصر تدخل يمين قبل فتحة شارع City Stars مباشرة بعد حوالى 100 متر هيكون علي الشمال، وبالنسبة لموضوع أصلي ولا لأ هو على حسب الaccessories إذا يوجد منها أصلي هتلاقيه ولو لا يوجد ممكن تلاقي بعض البدائل وهما هايدلوك لأنهم فعلا ناس محترمين جدا

[Ahmosality]

على فكرة انا كنت سألت عند ارابكوم وقالولي ب 900 الطقم كامل وده من حوالي 3 اسابيع

[i_engineer]

اشكر كل الأعضاء الكرام على ردهم. بخصوص تفاوت الاسعار المهم الجودة علشان منبوظش الطبخة علشان شوية ملح.