البولو وصوت ماكينة البور

[وائل رفيق]

الأخوة الأفاضل أعضاء المنتدى - فولكس
السلام عليكم
أنا عندى بولو 1000cc مو 99 ولسه شاريها من فترة قريبة وماكينة البور صوتها عالى ـ خاصة والسيارة واقفة ـ على الرغم من إن صاحبها السابق غيرها قبل كدة وبرضه الصوت موجود.
فهل العيب ده سببه الماكينة نفسها ولا نوع الزيت؟
والحل إيه، نغير الماكينة تانى؟ وهل هى موجودة جديدة ولا أجيبها استيراد ومنين؟ ولا أروح بيها التوكيل؟
وياريت حد يدلنى على ميكانيكى كويس متخصص فى البولو ؟ ولو حد من الزملاء عنده الكتالوج بتاع السيارة أكون شكر ليه لو أصوره منه لأن كمبيوتر السيارة بيظهر رسائل مختلفة وعاوز أعرف كيفية التعامل السليم مع تلك البيانات؟
ملحوظة: السيارة أنا اشتريتها لأختى، وليس لدى سابق خبرة فى الفولكس لأن سيارتى الحالية هيونداى.
ولكم جزيل الشكر،،،

[MMamdouh]

اول حاجة راجع مستوى زيت الباور لان نقص الزيت يسبب صوت

تانى حاجة طلمبة الباور لو فيها مشكلة المفروض ان صوتها يعلى مع لف الدركسيون... انت بيحصل معاك كدة؟؟

انا كان عندى مشكلة مشابهة و كنت شاكك جدا فى طلمبة الباور و فى الاخر طلع الصوت من بلى الدينامو... اتاكد الاول من مصدر الصوت قبل ما تصرف فلوس على الفاضى

اكيد اكيد الطلمبة الجديدة مكلفة جدا... هات واحدة استيراد ارخص بس اتاكد الاول ان المشكلة منها قبل ما تشترى

MMamdouh

[original]

كان عندى صوت وغيرت بلية شداد سير الدينامو وبعد كده غيرت الدينامو نفسه وطلع العيب فى بلية كمبريسور التكييف..
الكتالوج بتاع الصيانة عندى

بس الكتالوج بتاع العربية مش عندى
لو عايز تشيل service OIL or service INSP من الشاشة من غير كابل :
شيل المفتاح وبعد كده إضغط على الزرار اللى بيصفر العداد يمينك ثوانى هيظهرلك (0.0) وماتشيلش إيدك من عليه لحد ما تحط المفتاح تانى وإفتح الكنتاك بس ماتدورش هيظهرلك الكيلوات اللى صفرتها تانى وإستنى ثوانى هيظهرلك (---)

[original]

لو الزيت اللى موجود فى الباور زيت أحمر يبأا عشان كده الصوت موجود حتى بعد ما إتغيرت وتقريبا حتى لو حطيت الزيت الأصلى الصوت مش هيروح غير لما تغير مجموعة الباور بالكامل (إسكاترة + طرمبة ) وماينفعش أى نوع موجود فى السوق يتحط للفولكس ولا موبيل ولا ألمانى معبأ ولا حتى Gunk الشفاف لأن الأصلى G002000 مفيش أى نوع فى السوق مطابق ليه بس الشركة اللى بتنتج Gunk عامله للفولكس مخصوص بس مانزلش مصر واللى موجود مش بتاعها وبيبوظ مجموعة الباور بعد فترة والأصلى أكيد موجود فى التوكيل بتاع فولكس

[redawilliam]

لو ممكن ترسل اللينك بتاع الكتالوج اكون شاكر ليك جداا
hopyman2008@hotmail.com

[redawilliam]

انا عندى بولو 95 بتعمل صوت لما اكسر الدريكسون على الاخر
قالوا ان الترمبة ضعيفة وعايزة تتغير
اية رايك
وكمان الولعة ما كانتش شغالة ولما شوفت علبة الفيوزات بردة ما لاقتش الفيوز بتاعة موجود فركبت واحد وبردة مش شغالة يبقى فين المشكلة
فى انتظر ردك

[umoussa]

لو الزيت اللى موجود فى الباور زيت أحمر يبأا عشان كده الصوت موجود حتى بعد ما إتغيرت وتقريبا حتى لو حطيت الزيت الأصلى الصوت مش هيروح غير لما تغير مجموعة الباور بالكامل (إسكاترة + طرمبة ) وماينفعش أى نوع موجود فى السوق يتحط للفولكس ولا موبيل ولا ألمانى معبأ ولا حتى Gunk الشفاف لأن الأصلى G002000 مفيش أى نوع فى السوق مطابق ليه بس الشركة اللى بتنتج Gunk عامله للفولكس مخصوص بس مانزلش مصر واللى موجود مش بتاعها وبيبوظ مجموعة الباور بعد فترة والأصلى أكيد موجود فى التوكيل بتاع فولكس

الجزء بتاع زيت الباور الأحمر دا صحيح 100% الزيت الأصلي حسب مواصفات فولكس لونه أخضر ودا موجود في الشركة وسعل العبوة نص كيلو حوالي 120 جنيه وموجود عند أشرف الشهابي في شارع دمشق كمان. بس طبعاً لو بتستعمل زيت احمر يبقى باي باي علبة دريكسيون وطرمبة ولازم الاتنين يتغيرو لأن كمان شوية حتحتاج 2 رجاله يلفوا معاك الدركسيون. أفضل حاجة تجبهم استيراد لأن طبعاً زيرو تكلفة باهظة.

علبة الدركسيون تعملها 600-800 جنيه على حسب حالتها وخلي بالك علبة الدركسيون بتعتك إلى بيضة البارات بتعتها قصيرة والتيش طويل علشان متجبش العكس دي بتاعة الموديل الأحدث منها هي حتركب أه مش مشكلة بس الزوايا بتاعة العربية مش حتتظبط. أحسن حد تظبط عنده زوايا هو أي مركز لشركة بريدج ستون علشان عندهم أجهزة عليها قياسات العربية. طرمبة الباور تعملها 450 جنيه.

[original]

الجزء بتاع زيت الباور الأحمر دا صحيح 100% الزيت الأصلي حسب مواصفات فولكس لونه أخضر ودا موجود في الشركة وسعل العبوة نص كيلو حوالي 120 جنيه وموجود عند أشرف الشهابي في شارع دمشق كمان. بس طبعاً لو بتستعمل زيت احمر يبقى باي باي علبة دريكسيون وطرمبة ولازم الاتنين يتغيرو لأن كمان شوية حتحتاج 2 رجاله يلفوا معاك الدركسيون. أفضل حاجة تجبهم استيراد لأن طبعاً زيرو تكلفة باهظة.

علبة الدركسيون تعملها 600-800 جنيه على حسب حالتها وخلي بالك علبة الدركسيون بتعتك إلى بيضة البارات بتعتها قصيرة والتيش طويل علشان متجبش العكس دي بتاعة الموديل الأحدث منها هي حتركب أه مش مشكلة بس الزوايا بتاعة العربية مش حتتظبط. أحسن حد تظبط عنده زوايا هو أي مركز لشركة بريدج ستون علشان عندهم أجهزة عليها قياسات العربية. طرمبة الباور تعملها 450 جنيه.

الله ينور عليك
أنا جبت زيت الباور الأصلى من توكيل فولكس فى الإمارات واحد لتر كللفنى بالمصرى 75جنيه

لو ممكن ترسل اللينك بتاع الكتالوج اكون شاكر ليك جداا
hopyman2008@hotmail.com
رد باقتباس

http://www.nilemotors.net/Nile/showthread.php?t=54571

[redawilliam]

سلمى للجميع
ومتشكر جداا على الكتالوج بتاع البولو
عندى مشكلة تانى مع البطارية
انا عندى بطارية جافة ولما بعمل حاجة واشغل الكاسيت او النور لمدة نصف ساعة مش متوصل بلاقى العربية ما بدروش واخدها اشحنها على التانجر
فى ناس قوللى السائلة انطف من الجافة عشان لو البطارية الجافة نامت
ما بتدورش
انتو اية رايكو
هل الانذار ممكن يخلى العربية تنام

[redawilliam]

وكمان قالو ان شحن البطارية على التانجر ممكن تتلف

[umoussa]

المشكلة ان الواحد لما يكون مركب في العربية حاجة مش أصلي عادة بتعمل مشاكل.

طيب البطارية بتضعف وانت مشغل العربية؟

يعني لو ماشي بيها ومشغل الكاسيت والنور والتكييف البطارية بتضعف؟

وبعدين مفيش حاجة اسمها تروح تشحن بطارية نامت عن الراجل بتاع البطاريات، دا بيشتغلك يا بيه.

لو البطارية نامت على الأرض وعملت واصلة ودورتها بعد 3 دقائق البطارية حتتشحن ولا محتاج تونجر ولا نيله كل دي اشتغالات

[original]

انا عندى بطارية جافة

ياترى البطارية كم أمبير؟؟؟
والدينامو كم أمبير؟؟
طبعا لو العربية باور وتكييف هيكون الدينامو 90 أمبير ولو مافيهاش هتبأا 70 أمبير
لو كنت مغير الدينامو ممكن يكون 70 مش 90 أمبير أو يكون التاجر مغير البلاستكة اللى مكتوب عليها 70 ومركب ال90 أمبير!!
لو البطارية أكبر من المطلوب مش هيئدر الدينامو يشحنها وطبعا هيتلف مع الزمن.
إتأكد من الدينامو عشان ممكن يبأا شحنه ضعيف مع إنه شغال

[ibf]

لو سمحتو حد يقولى مكنة الباور بتاعت جولف 3 موديل 1992 كاملة بكام ومنين ارجو الرد

[original]

انزل الحرفيين لو كنت ساكن فى القاهرة
والسعر حسب التاجر..