أسوء توكيل فى مصر فولكس فاجن طيب ليه بنشتريها؟

[tamerafifi]

انا قريت كل ماهو متعلق بتوكيل فولكس فاجن فى مصر لائيت ان الناس بنسبة 98% متفقين انه اسؤ توكيل فى مصر من عدة جوانب منها على سبيل المعرفه وليس الحصر
عدم توافر قطع الغيار بصورة دائمة والتأخير فى احضارها من الخارج لفترات تتعدى الشهرين والثلاث
عدم وجود عدد مراكز صيانه بصورة ادت الى تكدس السيارات وطول فترة الانتظار وعدم السماح بوجود مراكز معتمدة لصيانة موديلات فولكس فاجن
برودة المهندسين والمتعاملين مع العملاء فى مراكز الصيانه وعدم اكتراثهم بوقت العميل
اذا حدث لأحد حادثة لاقدر الله فيتم حجز مكان للتصليح بعد شهرين او ثلاث
اذا حدث لا قدر الله ووجدت قطع الغيار متوفرة وهذا سيكون غريب تجد ان اسعارها مغالى فيها بشكل بشع
طيب مع وجود هذه المساؤى ليه الناس بردو بتشترى موديلات فولكس فاجن؟؟؟؟؟؟؟
هل لسبب من هذه الاسباب
1- المنظرة ان راكب فولكس فاجن؟؟
2- التقسيط اللى خلى ناس كتير تركب عربيات بسهوله؟
3- الجهل وعدم السؤال على صيانة ما بعد البيع ؟
طبعا انا عارفان فولكس فاجن محترمة وسيارة تنجح فى اى مكان بس المشكله انها مع وكيل غريب لا يهمه عملاء ولا خدمة ما بعد البيع كل اللى يهمه مكسب وبس وتتحرق الناس طيب لو احنا امتنعنا عن شراء فولكس فاجن تحديدا لمدة ثلاث شهور ونرسل ميلات الى الشركة الام فى المانيا مش ممكن يتغير الوكيل دا او على الاقل يهتم بالعملاء وخدمة ما بعد البيع؟
اكيد ممكن تسئلو انا ليه فتحت الموضوع دا؟ لانى كنت بفكر اشترى السيارة السوران ومازلت افكر وقارن بينها وبين النيسان صنى ونزلت معرض سيارات واتفرجت على السوران وركبتها بس طبعا كل اصدقائى نصحونى بانى ابعد عن وكيل الفولكس فى مصر فتابعت نايل موتورز وقرأت كل اللى كتبو الاخوة عن توكيل فولكس ولائيت ان الناس كلها متفقه على الكلام انه اسؤ وكيل عربيه فى مصر وايضا كله متفق عل ان موديلات الفولكس من افضل السيارات فى العالم يبئا مشكلتنا مع الوكيل ؟؟
وياريت لو فى اى حد عنده تجربة كويسه مع توكيل فولكس فاجن ياريت يحكلنا عنها لعله يصلحلنا الفكرة السيئة او حد من ادارة الموقع المتميز نايل موتورز ينقل شكوى العملاء الى مسؤل فى توكيل فولكس فاجن يمكن هما مش بيقرو ولا بيشوفو ولا بيسمعو اللى الناس بتقولو على توكلهم
وأرجو المشاركة حرصآ على مصلحتنا كمستهلكين وعملاء
وأرجو ان انتو تسامحونى لو فى غلطه املائيه ولا غلطه نحويه علشان انا مديرى دايما بيطلعلى غلطات املائيه ونحويه وانا مش باخد بالى

[mohamed_hamdi]

ليه حضرتك رابط قرارك بوكيل فولكس في مصر؟. هوفعلا سيء و كل ملاحظاتك عليه سليمة مائة في المائة و لكن مش معقول نمنع نفسنا من ركوب احدى افضل ماركات السيارات في العالم لمجرد سوء الوكيل في خدمة مابعد البيع. ناس كتير والعبد لله منهم بيعملوا صيانة برة عند ناس فاهمة كويس في الفولكس عند محمد سمير مثلا و قطع الغيار موجود منها الأصلي عند الشهابي في شارع دمشق ( غالية بس اصلية و موجودة) و ناس تانية عندها تقليد و موجودة برضه. العربية المحترمة زي الفولكس فاجن لو حافظت عليها كويس مش هاتحتاج غير زيت و فلتر كل 10000 كم ثم فلاتر الهواء و البنزين و البوجيهات و التيل بعد كده كل 10000 كم برضه. احتمالية احتياجك الشديد للتوكيل في الحاجات الكبيرة قوي نسبتها 10-20% زي الفتيس مثلا لا قدر الله ساعتها يحلها ربنا.
دي مجرد وجهة نظر قد اكون مخطىء فيها و لكنها واقع موجود بدليل ان نسبة بيع الفولكس الخليجي غير عادية.
محمد حمدي

[iBiZa]

و لكن مش معقول نمنع نفسنا من ركوب احدى افضل ماركات السيارات في العالم لمجرد سوء الوكيل في خدمة مابعد البيع. ناس كتير والعبد لله منهم بيعملوا صيانة برة عند ناس فاهمة كويس في الفولكس عند محمد سمير مثلا و قطع الغيار موجود منها الأصلي عند الشهابي في شارع دمشق ( غالية بس اصلية و موجودة) و ناس تانية عندها تقليد و موجودة برضه.

انا من قبل ما اشترى عربيتى و انا عارف ان الوكيل وحش و معاملة زى الزفت فا عامل حسابى انى اتعامل مع ناس برة سواء فى الصيانة او قطع الغيار.

العربية المحترمة زي الفولكس فاجن لو حافظت عليها كويس مش هاتحتاج غير زيت و فلتر كل 10000 كم ثم فلاتر الهواء و البنزين و البوجيهات و التيل بعد كده كل 10000 كم برضه.

بالظبط كدة مش محتاجة حاجة غير الصيانات العادية, زيت و فلتر كل10 و بوجيهات و فلتر بنزين و فلتر هواء كل 20.

احتمالية احتياجك الشديد للتوكيل في الحاجات الكبيرة قوي نسبتها 10-20% زي الفتيس مثلا لا قدر الله ساعتها يحلها ربنا.

انا نسبتها 0% عشان عمرى ما هروح لة, انا معايا العربية بقالها سنتين و ما فيش حاجة عمرى ما لقيتهاش.

و موضوع فتيس دةلو فكرت تروح التوكيل ممكن يدخلك فى 50 الف لو Jetta او Passat الجديدة, فا بردة هيبقى احسنلك تعملها برة.

[tamerafifi]

كويس اوى الردود دى انت انتو بدافعو عن الفولكس وانا بهاجم دا يدينى فى الاخر الانطباعات بشكل حيادى انا عارف ان فولكس من احسن الماركات مش فى مصر بس لا فى العالم كله بس انت لما بتشترى عربيه تبدأ من 100 الف جنيه اكيد بتبئا متوقع خدمه كويسه بعد البيع وصيانه معقوله للاسف دا مش موجود فى مصر فهل اروح اشتريها انا واحط صباعى تحت درس الميكانيكى؟ انا مضايق علشان عايز اشترى السوران وخايف

[د.محمد الشيخ]

انا قريت كل ماهو متعلق بتوكيل فولكس فاجن فى مصر لائيت ان الناس بنسبة 98% متفقين انه اسؤ توكيل فى مصر من عدة جوانب منها على سبيل المعرفه وليس الحصر
عدم توافر قطع الغيار بصورة دائمة والتأخير فى احضارها من الخارج لفترات تتعدى الشهرين والثلاث
عدم وجود عدد مراكز صيانه بصورة ادت الى تكدس السيارات وطول فترة الانتظار وعدم السماح بوجود مراكز معتمدة لصيانة موديلات فولكس فاجن
برودة المهندسين والمتعاملين مع العملاء فى مراكز الصيانه وعدم اكتراثهم بوقت العميل
اذا حدث لأحد حادثة لاقدر الله فيتم حجز مكان للتصليح بعد شهرين او ثلاث
اذا حدث لا قدر الله ووجدت قطع الغيار متوفرة وهذا سيكون غريب تجد ان اسعارها مغالى فيها بشكل بشع
طيب مع وجود هذه المساؤى ليه الناس بردو بتشترى موديلات فولكس فاجن؟؟؟؟؟؟؟
هل لسبب من هذه الاسباب
1- المنظرة ان راكب فولكس فاجن؟؟
2- التقسيط اللى خلى ناس كتير تركب عربيات بسهوله؟
3- الجهل وعدم السؤال على صيانة ما بعد البيع ؟
طبعا انا عارفان فولكس فاجن محترمة وسيارة تنجح فى اى مكان بس المشكله انها مع وكيل غريب لا يهمه عملاء ولا خدمة ما بعد البيع كل اللى يهمه مكسب وبس وتتحرق الناس طيب لو احنا امتنعنا عن شراء فولكس فاجن تحديدا لمدة ثلاث شهور ونرسل ميلات الى الشركة الام فى المانيا مش ممكن يتغير الوكيل دا او على الاقل يهتم بالعملاء وخدمة ما بعد البيع؟
اكيد ممكن تسئلو انا ليه فتحت الموضوع دا؟ لانى كنت بفكر اشترى السيارة السوران ومازلت افكر وقارن بينها وبين النيسان صنى ونزلت معرض سيارات واتفرجت على السوران وركبتها بس طبعا كل اصدقائى نصحونى بانى ابعد عن وكيل الفولكس فى مصر فتابعت نايل موتورز وقرأت كل اللى كتبو الاخوة عن توكيل فولكس ولائيت ان الناس كلها متفقه على الكلام انه اسؤ وكيل عربيه فى مصر وايضا كله متفق عل ان موديلات الفولكس من افضل السيارات فى العالم يبئا مشكلتنا مع الوكيل ؟؟
وياريت لو فى اى حد عنده تجربة كويسه مع توكيل فولكس فاجن ياريت يحكلنا عنها لعله يصلحلنا الفكرة السيئة او حد من ادارة الموقع المتميز نايل موتورز ينقل شكوى العملاء الى مسؤل فى توكيل فولكس فاجن يمكن هما مش بيقرو ولا بيشوفو ولا بيسمعو اللى الناس بتقولو على توكلهم
وأرجو المشاركة حرصآ على مصلحتنا كمستهلكين وعملاء
وأرجو ان انتو تسامحونى لو فى غلطه املائيه ولا غلطه نحويه علشان انا مديرى دايما بيطلعلى غلطات املائيه ونحويه وانا مش باخد بالى

كأنك بتحكى اللى حصل معايا تماما دون مبالغة والاخوة اللى بيقولوا قطع الغيار الاصلية موجودة فده صحيح للموديلات الموجودة فى السوق من فترة ومعروفة لكن حاجة زى السوران انا لا اتوقع ان تجد لها اى قطعة غيار بره التوكيل ده لو لقيتها فى التوكيل اساسا !!
الحقيقة ان سمعة التوكيل الاكثر من سيئة كرهتنى فى الماركة !!

وبعدين ما دام التوكيل بكل عيوبه بيبيع كويس جدا منتظر منه ايه !!!
يحسن من اداؤه او يحترم نفسه او حتى يراعى ربنا !!
للاسف ده بيحصل عند الكفرة بره اللى كل ما باع اكتر تلاقيه يريح زبونه اكتر عشان يحافظ على مكانته.
صحيح انه مفيش توكيل من غير عيوب لكن فى توكيل تلاقى حد بيعيب فيه واخر يشكر فيه لكن انك تلاقى الناس كلها بل الموزعين والمناديب اللى بتبيع ماركة فولكس والدنيا كلها والناس والليلة والمعازيم وانا وانت كلهم بيلعنوا فى التوكيل !!!!!
الحقيقة هو ده الشىء الغريب والمستفز !!!!!!

[tamerafifi]

مين صاحب شركة اتو موتيف

سؤال للدكتور بئا ادام انت معاك فولكس وبتروح التوكيل

هو مين صاحب شركة اتوموتيف دى ؟ مش هى الشركة دى وكيل فولكس فى مصر؟ يا ترى مين صاحبها ومين واقف وراه زى ما وقفنا ورا حسن شحاته لغاية اما جاب بطولة افريقيا بس صاحب توكيل فولكس جاب للعملاء بتوعه الضغط والسكر اكنهم اعداءه
يحسن من اداؤه او يحترم نفسه او حتى يراعى ربنا !!
للاسف ده بيحصل عند الكفرة بره اللى كل ما باع اكتر تلاقيه يريح زبونه اكتر عشان يحافظ على مكانته.
صحيح انه مفيش توكيل من غير عيوب لكن فى توكيل تلاقى حد بيعيب فيه واخر يشكر فيه لكن انك تلاقى الناس كلها بل الموزعين والمناديب اللى بتبيع ماركة فولكس والدنيا كلها والناس والليلة والمعازيم وانا وانت كلهم بيلعنوا فى التوكيل !!!!!
الحقيقة هو ده الشىء الغريب والمستفز !!!!!!
[/color][/size][/font][/b] [/center][/quote]

[sshafie]

طبعا سمعة التوكيل سيئة جدا و المشكلة ان حتى لم حد بيعمل شكوى بره بتتبعت لمصر و يترد عليها من مصر يعنى من غير اى فائدة. انا اتعاملت معاهم مرتين بس فى صيانة ال 5 و ال 15 صحيح محصلش مشاكل لكن ماحستش بالراحة او الاهتمام خالص.
انا سامع انهم قربوا يفتحوا مركز ابو رواش و بيجهزوا واحد تانى فى القطامية

[tamerafifi]

طبعا سمعة التوكيل سيئة جدا و المشكلة ان حتى لم حد بيعمل شكوى بره بتتبعت لمصر و يترد عليها من مصر يعنى من غير اى فائدة. انا اتعاملت معاهم مرتين بس فى صيانة ال 5 و ال 15 صحيح محصلش مشاكل لكن ماحستش بالراحة او الاهتمام خالص.
انا سامع انهم قربوا يفتحوا مركز ابو رواش و بيجهزوا واحد تانى فى القطامية

مركز ابو رواش انا اتصلت بيهم وسئلتهم انتو شغالين من امتى؟ ردت عليا انهم شغالين من 3 سنوات؟؟؟؟؟؟ ودى ارقامهم فى ابو رواش

المركز المصرى لخدمة وهندسة السيارات الكيلو 28 طريق مصر / الاسكندرية الصحراوى المنطقة الصناعية - أبو رواش
ت: 35391484 (10 خطوط )
ممكن يكونو شغالين فى السر زى محطة المطار السرى

[mohamed_hamdi]

ياريت تبعد عن أي سيارة فولكس فاجن متجمعة في الصين زي البولوسيدان و السوران مش لأنها سيارة سيئة - مادامت تحمل اسم Vw فبالتأكيد سيارة محترمة - و لكن لأن قطع الغيار ليها برة التوكيل قليلة لأن حجم انتشارها بالسوق ضعيف. مع كامل الاحترام للمالكين الحاليين للسيارات اللي قولت عليها أحسن يزعلوا مني.

[tamerafifi]

السوران مش صينى

ياريت تبعد عن أي سيارة فولكس فاجن متجمعة في الصين زي البولوسيدان و السوران مش لأنها سيارة سيئة - مادامت تحمل اسم Vw فبالتأكيد سيارة محترمة - و لكن لأن قطع الغيار ليها برة التوكيل قليلة لأن حجم انتشارها بالسوق ضعيف. مع كامل الاحترام للمالكين الحاليين للسيارات اللي قولت عليها أحسن يزعلوا مني.

هيا السوران مش صينى صناعة برازيلى او ارجنتينى وموتور باسات 8كامات

[Mostafa Taher]

مركز ابو رواش انا اتصلت بيهم وسئلتهم انتو شغالين من امتى؟ ردت عليا انهم شغالين من 3 سنوات؟؟؟؟؟؟ ودى ارقامهم فى ابو رواش

المركز المصرى لخدمة وهندسة السيارات الكيلو 28 طريق مصر / الاسكندرية الصحراوى المنطقة الصناعية - أبو رواش
ت: 35391484 (10 خطوط )
ممكن يكونو شغالين فى السر زى محطة المطار السرى

:k48::k48: لا يا باشا مش هو ده بتاع فولكس فاجن

بتاع فولكس فاجن هيشتغل بعد اسبوعين ان شاء الله في منتصف فبراير

[tamerafifi]

:k48::k48: لا يا باشا مش هو ده بتاع فولكس فاجن

بتاع فولكس فاجن هيشتغل بعد اسبوعين ان شاء الله في منتصف فبراير

يا راجل!!!! انا جبت الامعلومات دى من سيت تانى وكلمتهم فى التليفون فعلا
يبئا البنت كانت بتشتغلنى ولا ايه؟ تلائيها جاسوسة لتوكيل فولكس يعرف تحركتنا ايه؟

[tamerafifi]

طيب يا استاذ مصطفى انت معاك جولف واكيد بتعمله صيانتها الطبيعية فى التوكيل قولنا انطباعك ايه عن توكيل فولكس؟

[hraouf]

:k48::k48: لا يا باشا مش هو ده بتاع فولكس فاجن

بتاع فولكس فاجن هيشتغل بعد اسبوعين ان شاء الله في منتصف فبراير

ايوا دا توكيل كيا ودى بقيت التليفونات و العنوان
المصرية العالميه للتجاره و التوكيلات - اى اى تى




الكيلو 28 الكيلو 28 القطعه رقم 99 المنطقه الصناعيه ابورواش
35391484 - 35391486 - 35391480 - 35391495 - 35391482

المعادى القطاميه طريق العين السخنه قطعه 27 المعادى
29179600 - 23783930 - 29178033 - 29178022 - 29178011

النهضه المنطقه الصناعيه العاشره قطعه رقم 10 منطقه ب مدينه العبور
44770444 - 44770902 - 44770901

العامريه العامريه الكيلو 24 صحراوى بجوار شركه البيبسى
4700166 - 4700165

جليم 81 ش عبد السلام عارف جليم
5822478 - 5822476 - 5822474

[umoussa]

توضيح بسيط:
شوية اسئلة برضو:

- انت عايز التوكيل بعد انتهاء الضمان في أيه؟
- لو موتور عربيتم باظ حتجيب واحد من التوكيل؟
- طب لو الفتيس؟
- بالش يا عم، لما تروح تعمل صيانة 50 ألف سيور وبلي وشدادات حتروح التوكيل؟
- طقم دبرياج حتروح التوكيل؟
- العربية اتخبطت وفيها باب باظ، حتروح التوكيل يجيبو باب جديد ويحسبوك رش وفك وتركيب و و و و وو و؟

يا سيدي الفاضل، اي واحد بيشتري اي عربية زيرو بيستفيد من التوكيل فقط خلال فترة الضمان وبعد كده على حسب رأي الموثوق فيهم بتشوف مين المركز أو الورشة أو الميكانيكي الكويس وتروحله.

العملية مش فولكس ولا تويوتا ولا بي إم دبليو ولا حاجة. المنظرة الحقيقية يا باش هي ان الناس بتحب اوي تقول كلمة "أنا بصلح العربية في التوكيل!!!" ولا أنا غلطان؟؟

ومعلومة صغيرة أوي: أحد اصدقائي المقربين بيسافر كل 3 شهور يعمل كونتينر قطع غيار في الصين ويجي يبيعه هنا في السوق، من ضمن قائمة توريده توكيل اوتوموتيف بتاع العبور وانا مش محتاج احلف والدليل الأقوى والأكبر على صدق كلامي ان التوكيل في قطع غيار مضروبة هو تاكسي العاصمة لأن أكيد الشركة صاحبة تاكسي العاصمة مش حتروح تغير تيل فرامل للتاكسي بـ 500 جنيه!!!