لمبة الزيت فى بولو 2000

[linuxsmile]

السالم عليكم يا احلى شباب
عندى سؤال و يا ريت تساعدونى انا عندى لمبة الزيت بتنور يعنى 30 ثانية و تطفى لو مشيت كتير على الاول او التانى بالرغم من انى بقيس الزيت كل يوم و هو مضبوط
العربيو نوعها بولو 2000

[original]

نوع الزيت إيه؟؟
ويا ترى بتغير الفلتر بتاع الزيت وللا لأ ونوعه إيه وبتغيره كل أد إيه؟؟
وإحتمال طرمبة الزيت فيها مشكلة!!

[linuxsmile]

انا بستعمل زيت موبيل 3000 و بغير فلتر زيت كل 6000 كم

[pharonicking]

ضغط الزيت عندك فيه مشكلة "ممكن تكون الطرمبة"

[umoussa]

أولاً حضرتك بتستعمل زيت معدني مع الموتور ده؟ أنت كدا قربت تجيب أجله خلاص!!! حتى لو حطيت زيت تخليقي دلوقتي ملوش أي لازمة.

ثانياً: إلي يعمل كدا حساس الكرنك، نتيجة التحميل الزائد

يافندم موتور البولو 2000 ضعيف ومش بتاع تحميل على أي نقلة وكدا انت فعلاً حتحتاج قريب جداً طقم دبرياج وربنا يستر على الموتور. حساس الكرنك بقى ممكن يكون باظ ودا غالباً هو السبب ورا أن لمبة الزيت بتنور نتيجة التحميل وإن منترول الموتور مش عارف يقيس الضغط السليم

روح عند حد عنده جهاز خليه يكشف على العربية ولو العيب اتكرر تاني إعرف إنك لازم تغير حساس الكرنك

الاحتمال التاني هو طرمبة الزيت ودي ملهاش حل ومش حتعرف إذا كانت بايظة ولا لأ إلا لو رحت عند حد وفك كرتيرية الزيت وكشف على الطرمبة ولو باظت فغالباً وعلى الأرجح دا نتيجة الزيت التقيل الي انت بتستعمله والي أصلاً مش مطابق لمواصفات المصنع

[original]

أولاً حضرتك بتستعمل زيت معدني مع الموتور ده؟ أنت كدا قربت تجيب أجله خلاص!!! حتى لو حطيت زيت تخليقي دلوقتي ملوش أي لازمة.

ثانياً: إلي يعمل كدا حساس الكرنك، نتيجة التحميل الزائد

يافندم موتور البولو 2000 ضعيف ومش بتاع تحميل على أي نقلة وكدا انت فعلاً حتحتاج قريب جداً طقم دبرياج وربنا يستر على الموتور. حساس الكرنك بقى ممكن يكون باظ ودا غالباً هو السبب ورا أن لمبة الزيت بتنور نتيجة التحميل وإن منترول الموتور مش عارف يقيس الضغط السليم

روح عند حد عنده جهاز خليه يكشف على العربية ولو العيب اتكرر تاني إعرف إنك لازم تغير حساس الكرنك

الاحتمال التاني هو طرمبة الزيت ودي ملهاش حل ومش حتعرف إذا كانت بايظة ولا لأ إلا لو رحت عند حد وفك كرتيرية الزيت وكشف على الطرمبة ولو باظت فغالباً وعلى الأرجح دا نتيجة الزيت التقيل الي انت بتستعمله والي أصلاً مش مطابق لمواصفات المصنع

يا بشمهندس ردودك مالهاش حل وجامده ومفيده جدا ومن الآخر بس بحس إن مفيش فايده

[umoussa]

يا سيد أورجينال، جزاكم الله خيراً

المشكلة مشكلة ثقافة مجتمع، بنسمع من أي حد نحس انه هو المصدر مع ان الحد ده في غالبية المواقف رأيه مش لازم يكون صح.

عربية زي دي إزاي يتحط فيها زيت معدني؟

دا حتى فولكس لما صنعت الموتور ده حطت مواصفات غريبة شوية للزيت الأصلي "تصنيع كاسترول" وهو إن الزيت خليط معين من زيوت نصف معدنية وزيوت تخليقية. وبما إن زيت كاسترول مش موجود في مصر وسعر اللتر = 4 لتر موبيل 1 فالناس بتحط موبيل 1 وتريح دمغها بناءً على نصيحة الوكيل.

لما يكون خليط من زيوت نصف معدنية وزيوت تخليقية يبقى الإجمالي معناه إن الزيت ده جزيئاته صغيرة ومتساوية. ودا على العكس تماماً من مواصفات الزيت المعدني

وفي الآخر الناس ترجع وتقول دي عربيات بنت ستين في سبعين وبتاكل بنزين وقطع غيار غالية و و و و و و و

والسؤال هنا بيقول، أنت مشيت العربية أصلاً على مواصفتها أو أقرب ما يكون لمواصفتها؟

والإجابة معروفة: ............

[original]

وللاهى عندك حق والمشكله إن أغلبية الناس بتستسهل وبتحط زيوت معدنى 3000 أو 5000كم عشان أرخص

[umoussa]

المصطلح الأصح

بتسترخص

على اعتبار انهم كدا بقى لما يحوطوا زيت 3000 أو 5000 بيدلعوا العربية مع إن والله العظيم في فرق بين البولو والعربيات الفيات بس مين يسمع ومين يصدق ومين بيفهم

[saidbakr]

لو المشكلة دي من قريب، يبقى جايز يكون فلتر الزيت عاوز يتغير، جايز جدا انه يكون معيوب، جرب بس تغيره الأول.

[original]

على اعتبار انهم كدا بقى لما يحوطوا زيت 3000 أو 5000 بيدلعوا العربية

لو الناس عايزا تدلع العربية تنزل زيت ال10000 بعد 5000 أو 6000كم وأكيد هيبأا أرخص من الزيت الأصلى اللى اللتر منه بتمن 4 موبيل 1

[umoussa]

على فكرة أنا فعلاص بعمل كدا

بعد 6000 أو 7000 بغير الزيت والفلتر علشان أنا لو الحج موبيل أو الحج شل أو حتى الشيخ إمارات مصر حلفلي إن الزيت يقعد 10.000 في مصر عمري محصدقه. دا كفاية التراب الموجود في الجو والأوتوبيسات إلي ماشية تطلع جاز في العادم بتاعها. تفتكر حد من اصحاب العربيات العاديين يعرف إيه أضرار العنصرين دول بس على إداء المحرك والزيت؟ أشك..............................