شاركونى

[mesaharaty]

عربية بيتلز موديل 66 موتور موديل 76 معروضة عليا بمبلغ 14000 جنيه
العربية صوتها وسحبها ناعم وكل حاجة فيها بتاعت بلدها حتى الإزاز ، دهان حديث

إيه رأيكم فى السعر ؟

[El.Hossieny]

يا ريت تقولنا ايه حالة الرقبة ؟؟ و دي من اهم الحاجات اللي تبص عليها في العربية ؟

[Fadi Ezzat]

انا هقولك حاجة الى عايز يشترى عربية مستعملة دلوقتى
يجبها بعد التمانينات لا المرور بيشيل العربيات القديمة دلوقتى
بدا بالتاكسيات والمكروباصات

[ahit]

عربية بيتلز موديل 66 موتور موديل 76 معروضة عليا بمبلغ 14000 جنيه
العربية صوتها وسحبها ناعم وكل حاجة فيها بتاعت بلدها حتى الإزاز ، دهان حديث

إيه رأيكم فى السعر ؟

البيتل مش مهم الموديل و لكن المهم حالة العربية من ماتور و عفشة و دواخل و رقبة و سقف.
طبعاً لازم ميكانيكى كويس و أمين و فاهم يبص على العربية كويس , و بعدين السعر بيكون حسب الحالة و بعدين الموديل طبعاً.
و أكيد كل أعضاء البيتل الكرام مستعدين لخدمتك لوجه الله تعالى.
و دا تليفونى لو إحتجت أى حاجة فى البيتل :
أحمد حسن : 0100058284

[ابوهاشم]

بعد كلام الاستاذ احمد حسن مافيش كلام تانى

[ابوهاشم]

انا هقولك حاجة الى عايز يشترى عربية مستعملة دلوقتى
يجبها بعد التمانينات لا المرور بيشيل العربيات القديمة دلوقتى
بدا بالتاكسيات والمكروباصات

حضرتك بتقول كلام قديم جدا
هما فعلا كان بيفكرو يكهنو الملاكى القديم
لكن اللى حصل ان مجلس الشعب رفض الكلام ده رفض نهائى لان الملاكى هى ملكيه خاصه وصاحبها بس هو يقرر مصيرها بس طبعا تعدى من الفحص الفنى سليمه فى المرور لكن التاكسيات منفعه عامه ممكن تضر ركابها نفسيا ومعنويا علشان كده لغو ترخيص القديم منه واعادة تجديده ملاكى وليس تكهينه

[أحمد سالم]

البيتلز مش بالموديل
البيتلز بالحاله واهم حاجه فيها
الرقبه ماتكونش واكلها الصدأ او فيها لحامات وهى بتكون موجوده تحت التانك والافضل علشان تشوفها كويس ترفع التانك
لاكن الميكانيكى المحترف بيعرف يشوفها من تحت العربيه من قدام
ثانيا الماتور لان عمرته مش رخيصه بس بتعيش عمر طويل انا سمعت مره ان واحد عمر ماتور البتلز عاش معاه 15 سنه
انا شفت بيتلز ب 8000 جنيه
64 وشفت حاجه وستين برده مش فاكر بالظبط كانت ب 18000 وشفت بيتلز امريكى ب 17500 وشفت اللى ب 27000 فى الايام دى

فالمقصود ان البيتلز حاله
مش موديل

[ابوهاشم]

وكمان مهم جدا اذا كانت متعدله سبعينات ولالا
يعنى الطنابير 5 خرم ولا 4 والدنجل والشكل العام لانها لو مش متعدله يبقى السعر ده كتير عليها

[original]

الرقبه ماتكونش واكلها الصدأ او فيها لحامات وهى بتكون موجوده تحت التانك والافضل علشان تشوفها كويس ترفع التانك
لاكن الميكانيكى المحترف بيعرف يشوفها من تحت العربيه من قدام

مفيش صور أو رسمة لمكان الرقبة بالضبط؟؟

[El.Hossieny]

ده يا باشا رسم موضح فيه مكان الرقبة ( علي حدود معرفتي )

[ابوهاشم]

تسلم ايديك يا حسينى