سمكرى فولكس و بيتل

[ahit]

ياريت لو حد يفيدنا علشان انا عندى شوية شغل سمكره عاوز اعملهم

بص يا هاشم
إنت روح لحمدى السمكرى و إتفق معاه على المصنعية و الوقت و بعدين قولى عملت إيه و إن شاء الله ممكن أكلمه عشان ينزل شوية من المصنعية و نتابعه سوا فى شغله عشان النتيجة تكون كويسة , و هو بصراحة كويس و خبره و أقربلك من عمرو زكريا اللى فى جسر السويس.
بس يا ترى إيه هوا شغل السمكره اللى عاوز تعمله فى عربيتك؟

[ihab]

يا ترى لو الواحد عايز يجيب العربية على الصاج و ينفضها من اولها لاخرها هل حمدى ليه فى الحتة دى

[ahit]

يا ترى لو الواحد عايز يجيب العربية على الصاج و ينفضها من اولها لاخرها هل حمدى ليه فى الحتة دى

إزيك يا إيهاب باشا
واحشنى يا راجل يا عسل
حمدى السمكرى تقريبا بقاله 19 سنه سمكرى فولكس و اللى بيميزه إنه نظيف و سريع و ممكن حضرتك تعدى عليه و تشوف شغله و إن شاء الله يكون خير.

[ابوهاشم]

انا عندى الرفرف اللى ورا ضعيف وعاوز تقويه وتحت مفصلة الباب فى شرخ بسيط عاوز يتظبط وعاوز اروحله
واشوف هتتكلف قد ايه وهو بيعمل دوكو ولالا لان اكيد مناطق اللحام عاوزه تترش
واعرف منه التكلفه قد ايه واهم من كده هيخلصها بسرعه ولالا
لانى مش عاوز العربيه تبات هناك يعنى عاوز استلمها فى يومها

[ihab]

انا عندى الرفرف اللى ورا ضعيف وعاوز تقويه وتحت مفصلة الباب فى شرخ بسيط عاوز يتظبط وعاوز اروحله
واشوف هتتكلف قد ايه وهو بيعمل دوكو ولالا لان اكيد مناطق اللحام عاوزه تترش
واعرف منه التكلفه قد ايه واهم من كده هيخلصها بسرعه ولالا
لانى مش عاوز العربيه تبات هناك يعنى عاوز استلمها فى يومها

بمناسبة موضوع التقوية ده
انا سمعت ان بعض السمكرية بيجيب سيخ حديد و يلحمه فى الرفرف مع الدوران فى الشفة علشان يديله عزم و مش اى خبطة تطبقه ايه رايكوا فى الموضوع ده

[wailowailo]

السلام عليكم
حمدلله على السلامة يا أحمد . .
والحمد لله انك كنت عند حمدى في شغل رفارف بس . . لأن ده آخره يدق رفرف . . .
انا اتعاملت معاه في سمكرة كاملة للعربية وقرفني آخر قرف وياريت عمل العربية كويس . . ده غير انه سرق حاجات كتير من العربية
نصيحة ما حدش يتعامل معاه في أكتر من دق رفرف وتبقى قاعد قصاده كمان

[wailowailo]

الأخ ايهاب . . .
هو لحام سيخ داخل الرفرف فغلا بيقويه . . . بس لو الرفرف خدله خابطة طبقته بيبقى فيه صعوبة انه يترد ولو الخبطة قوية شوية الرفرف هيتقطع . . . غير ان ممكن حرف السلك مع الخبطة القوية يخش في جسم العربية . . .
انا رأي انه بلاش الموضوع بتاع السلك ده . .

[smsmxxxxxx]

ربنا يخليك يا اخ wailowailo على النصيحة دى
وفعلا السيخ ممكن يسبب ضرر فى حالة الخبطات الجامدة لا قدر الله

هو السمكرى سرق ايه من العربية علشان الواحد لو اتعامل مع حد تانى يخلي باله ويبص على الحجات اللى ممكن تتاخد

وفى انتظار حد يقولنا على سمكرية يكونوا كويسين

------------------
محمد سالم

[ابوهاشم]

منورنا يا وائل باشا
ومتشكرين جدا على النصيحه
والحقيقه احنا لحد دلوقتى مش عارفين سمكرى بيتلز
كويس وعنده ضمير
والبحث جارى

[wailowailo]

من الحاجات اللي بتتسىق من العربية عند السمكري :
- صاجة وش الرقبة ( او صاجة الطيارة ) ( او الصدادة ) وديه نادرة انك تلاقيها
- طبب وغطيان الفتحات الفابريقة
- فايظ تنك البنزين القابريقة
- الهوايات اسقل الأبواب
- ممكن ياخد الباب القديم اللي انت مغيره عنده ويضرب عليه العواف
- يكون كان عندك مرايا جانب ألماني وتيجي في الآخر يقولك ما كانش فيه
وممكن ما تلقيش حاجة ناقصة لكن يكون بدلها بحاجة تانية حالتها أسوأ

نصيحة . . . ما تسبش عربيتك عند السمكري لو بتعمل سمكرة كاملة من غير ما تبقى واقف في فك العربية وواخد كل حتة بتتفك على داير مسمار معاك
ولو سبت العربية يومين او تلاتة عند السمكري تسلمه العربية وتقوله ان فيها كذا وكذا حاجات فابريقة و تيجي تستلم العربية مش بس تستلم شغل السمكرة ، لأ . . . تستلم العربية كاملة على داير مسمار ولمبة فانوس برة وجوة . . قطمة الدركسيون . . دراعات الإشارات . . .
وربنا يوفق . . .

[wailowailo]

بالنسبة للسمكرية . . . اي سمكري صنايعي يقدر يشتغل في العربية ديه على فكرة وعن تجربة
لو عاوزين سمكري بيتل فيه علاء في فم الخليج . . . شغله كويس وصنايعي ومحترم في التعامل ( وبشتغل عربيات تانية غير البيتلز ) بس هو غالي في مصنعياته
وفيه سمكري تاني بعد المؤسسة قي اول طريق اسكندرية الزراعي . . . استاذ سمكرة ودوغري . . هو غالي سنة بس كويس وهو ده اللي انا سمكرت العربية التانية عنده . . . هو عمل موضوع التقوية بسلك ده للرفارف هو مقويها بس الخوف من ضرره في حالة الخبطات الجامدة لا قدر الله . . .
وربنا يسلم عربياتنا من شر الميكروباصات الترامكو و مطبات الشوارع والعيال اللي بتنطط على الكبوت الأمامي وشر البارومة :)

[ahit]

بالنسبة للسمكرية . . . اي سمكري صنايعي يقدر يشتغل في العربية ديه على فكرة وعن تجربة

ده كلام صحيح بس المهم يكون فاهم الصنعة صح
و ده اللى أنا عملته فى العربية قريب , روحت لسمكرى عربيات عادى فى البساتين و ظبطلى اللى أنا عاوزه و كنت واقف على إيده و لما خلصت رشيت رفرفين و الديل و الحمد لله على كل شىء.

[ابوهاشم]

شكرا على النصيحه ياوائل
وواضح انها نابعه من تجارب عديده
وربنا يجازيك خير

[smsmxxxxxx]

شكرا يا وائل على معلوماتك المهمة والقيمة

-----------------
محمد سالم

[gomangy]

شكرا يا اخواني الفولكساويه علي النصايح الغاليه وربنا يسترها معانا دنيا واخره


[caution]اللون الأحمر مخصص للمشاركات الإدارية فقط
القوانين العامه الواجب اتباعها لجميع الاخوه أعضاء المنتدى
مشرف الأوروبى 2 [/caution]