عملت للكاربيراتير اكس و باب و طقم اصلاح للبيتل و بقى جديييييييييييييييييد

[amo400]

الحمد لله رحت لواحد بتاع صيانة كاربيرتيرات بس فى اول شبرا متخصصين و بصراحة ناس محترفة جدا فك الكاربراتير و قالى انه عايز اكس وباب و غير كل الجوانات و البكات و نظف و ركب و ظبط العربية العملية خدت حوالى 3 ساعة و نصف و التكلفة 65 جنية و العربية فاقت جدا و بقت والحمد لله طيارة ما شاء الله

كده احسن من الكاربيراتير الجددديد و سلملى على الاستيراد من 350 الى 500 و الجديد برازيلى من 700 الى 900 اسف على عدم حضورى المقابلة كنت بعمل الكاربيراتير و بكتشف حاجة جديدة كله عشنكم يعنى

شمعة تحترق من اجل الاخريين

[m_mod]

اسمه وعنوانه ورقم التليفون ان امكن وشكرا مقدما

[ahit]

الحمد لله رحت لواحد بتاع صيانة كاربيرتيرات بس فى اول شبرا متخصصين و بصراحة ناس محترفة جدا فك الكاربراتير و قالى انه عايز اكس وباب و غير كل الجوانات و البكات و نظف و ركب و ظبط العربية العملية خدت حوالى 3 ساعة و نصف و التكلفة 65 جنية و العربية فاقت جدا و بقت والحمد لله طيارة ما شاء الله

كده احسن من الكاربيراتير الجددديد و سلملى على الاستيراد من 350 الى 500 و الجديد برازيلى من 700 الى 900 اسف على عدم حضورى المقابلة كنت بعمل الكاربيراتير و بكتشف حاجة جديدة كله عشنكم يعنى

شمعة تحترق من اجل الاخريين

مش هوه دا الكربراتير يا أيمن اللى كنت بدلتو بالقديم و دفعت 100 جنية فرق !!!!!!!!!!!!.
هو كان فيه مشاكل إيه فى الكربراتير بتاعك عشان تغيرله أكس و باب و بيكات؟؟؟؟؟؟؟؟؟؟؟؟؟
و هل فعلاً حسيت بفرق بعد التظبيط؟؟؟ وهل الفرق فى السحب أم فى إستهلاك البنزين؟
و بالمره العنوان و التليفون و الإسم ؟؟؟

شكراً يا أيمن باشا

[ابوهاشم]

استاذ ايمن ياريت تقولنا ايه الاسباب اللى عشانها روحت لبتاع الكاربراتير
انا كان فى عربيتى القديمه مشكله فى الكاربراتير انه كان بياكل بنزين كتير جدا لدرجة ان العربيه كانت بتعمل اقل من 100ك فى الصفيحه
وعلشان كده عملت اكس وباب عند بتاع الكاربراتير فى المعادى واتكلف 80 جنيه والحمد لله وقتها العربيه اتظبطت فعلا
لكن انت بتقول ان العربيه فاقت ومعنى كده انها كانت مخنوقه يعنى مش بتاكل بنزين ياريت توضح الاسباب

[amo400]

بصوا بقى حكاية الكاربراتير القديم بتاعى و الجديد اللاى انا رحت صلحته


اولا كانت العربية بتتخنق و تنتش ركزوا عشان تعروفوا الاستغلال بيجى منين الميكانيكى قال الكاربراتير لازم يتفك المهم اتفك الحق يا اسطى العطا مفكوك روح اعمل عند الخراط مسامير لغطا الكاربراتير و شوف الجوان هات يا عم ايمن 30 جنيه للخراط ...حاضر......

العربية بقت كويسة ليوم واحد ورجعت تانى زى الاول مخنوقة و بتنتش
رحتلة الكاربيراتير يا عم زى ما هوا ...بص بقى يا ايمن هانغير الكاربيراتير هات يا بنى الكاربيراتير الى على اليمين جوا ...قولت بس هايعمل معايا واجب ده قديم و الى معايا قديم وركبه و قالى جرب لقيت العربية كويسة ليومين و بعد كده زفت البنزين بيرشح من الكاربيراتير و اى حد يفتح العربية يقول الكاربيراتير بايظ و المهم ان خد 100 جنيه فرق الكاربيراتير ليه مش عارف المهم .....رحت عند ميكانيكى يوم الجمعة يوم المقابلة اسمه غزال اول شارع المنيل تانى يممين وانت جاى من كوبرى الجامعة راجل محترم فى كلامة فتح العربية و قال الكاربيراتير ده بايظ و ملغبط العربية كلها روح شوبرا صلحة و عملت زى ما هو قال و زى ما انا كتبت لمك فى لااعلى ......بس....اما موظوع مخنوق و مش بتاكل بنزين لان البنزين كان بيضيع عشان الكاربيراتير بيرشح بنزين حواليه......المهم الحمد لله الان انا مبسوطمن الكاربيراتير بعد اصلاحه........

عنوان الراجل و تليفونه مش عارفة رحت على الواصفة

بعد كوبرى الساحل على الكورنيش وانت رايح شبرا بعد المطب العالى اول شارع يمين خشه هاتحس انه ديق خش مالكش دعوا خلص الشارع وو غصب عنك هاتخش شمال اوةل ما تلاقى عربيات جيب بتتشد عن محل اسمه 4 / 4 اقف بص يمينم هاتلاقى اصلاح الكاربيراتريااات ايه الجمع المنيل الى انا جمعته للكاربيراتير ده المهم صاحب الورشة تحس انه دكتور.....و تعامل ...

[ابوهاشم]

على فكره هى المنطقه دى اصلا كلها بتوع كاربراتيرات لان اصحابى اتعاملو مع كذه واحد هناك وقالولى عليهم ايام ماكنت عاوز اصلح الكاربراتير بتاعى لحد مالقيت الراجل اللى عندنا فى المعادى عند شارع حسنين دسوقى اسمه عماد هو ميكانيكى كابراتير وراجل كويس جدا
بس انا عاوز اسالك سؤل ياايمن باشا
جمال الميكانيكى هو اللى غيرلك الكاربراتير ولا ميكانيكى تانى

[amo400]

بصراحة هوا جمال و شكله اتكسف عشان الى ركبه مش كويس ان فعلا دلوقتى زعلان منه

[ameen_ra]

بصراحة هوا جمال و شكله اتكسف عشان الى ركبه مش كويس ان فعلا دلوقتى زعلان منه

واتكسف من ايه يعني هو مش عارف انه بايظ ...الكلام ده علي اي ميكانيكي ..دول عملين زي الحنوتي بجح.....وربنا يجعلها اخر تصليحا ويبارك لك فيها

[amo400]

ربنا يكرمك يا امين

[ابوهاشم]

طيب انت ليه مارجعتش ليه وقولتله كده وانك صرفت عليه
المفروض انك ليك عنده حق وخصوصا انه اكيد عارف من الاول

[amo400]

بصراحة قررت عدم التعامل معاه و هاتصرف فى عربيتى كاتالى
لو الفرامل عرفت واحد فى خرطة مصر القديمة بتاع فرامل بس
لو الكاربيراتير بتوع شبرا
لو ميكانيكا هاروح لغزال اول المنيل و هاكون عارف هامل ايه بالظب عشان محدش يشتغلنى تانى
الكهرباءى مسعود بصراحة هوا بيتعب معايا جدا و بيسعدنى فى اى حاجة اعملها

[ahit]

بصراحة قررت عدم التعامل معاه و هاتصرف فى عربيتى كاتالى
لو الفرامل عرفت واحد فى خرطة مصر القديمة بتاع فرامل بس
لو الكاربيراتير بتوع شبرا
لو ميكانيكا هاروح لغزال اول المنيل و هاكون عارف هامل ايه بالظب عشان محدش يشتغلنى تانى
الكهرباءى مسعود بصراحة هوا بيتعب معايا جدا و بيسعدنى فى اى حاجة اعملها

أيمن باشا
أنا اللى عرفتو من حضرتك و من جمال هو التالى :
جمال قالك نغير الكربراتير و الفلوس اللى دفعتها هاتخدها. و الكلام دا حضرتك اللى انت حكيتهولى و جمال الميكانيكى كمان قالهولى.
ولا أنا فهمت غلط ؟؟؟؟؟؟؟؟؟؟؟ أرجو التوضيح ؟؟؟؟

و طبعاً جمال الميكانيكى غلطان جداً جداً لأنه المفروض لما يركب اجة للزبون يكون متأكد منها تماماً و تكون كويسة و سليمة مش مجرد بيع و تلبيس و بس.
و ربنا يريحنا من الصنايعية اللى بتشتغل الناس و بس.
و بصراحة أنا مابقتش بثق فى أى صنايعى مهما كان !!!!!

[amo400]

فعلا هوا قالى فلوسك موجودة بس لما جيب واحد جديد الفلوس هاتتحسب من التركيب كلام مش مفهوم يعنى المهم هوا ركبلى الكاريبراتير بايظ و انا فعلا خلاص نهيت التعامل معاه و قلت كده لمسعود ازاى ياخد كربيراتير بتاعى الى قال عليه بايظ و يحط واحد منتهى و يا خد 100 جنيه و هوا عارف انه بايظ و جتله 4 مرات بعديها و هوا يلبسنى و يضحك عليا و يمشينى و اى احد اوريلوا الكاربيراتير يقول بايظ لحد ما رحت لغزال اول المكنيل قالى الكاربيراتير بايظ و هوا الى مبوظ العربية روح شبرا و رحت و عملته وبقى كويس جدا جمال الى عليه هانعمل عمرة لما جننينى عمرة ايه من شهر كان بيقول ماشاء الله الماتور حالته كويسة جدا وبعد كده فتح فى الكلام عن العمرة

[ابوهاشم]

ربنا يسترها علينا جميعا
ايه اللى بيحصل ده
انا كمان بقيت ماعنديش ثقه فى اى ميكانيكى
ولازم واحنا بنتعامل مع اى ميكانيكى ناخد الحظر
لحد ماربنا يكرمنا ونلاقى واحد نثق فيه كلنا
بس نصيحتى ليك يااستاذ ايمن ماتستعجلش بعد كده فى شغلك مع الصنايعيه وتعمل اى حاجه يقولوك عليها وخلاص لانى متابع مواضيعك كلها وشايف انك عملت حاجات كتير جدا فى عربيتك الله اعلم اذا كانت لازم تتعمل ولا اشتغالات من الصنايعيه بس فعلا حرام كل اللى انت عملته ده فى عربيه لسه شاريها
على فكره انا كمان اتعمل معايا كده واكتر فى عربيتى القديمه لحد مااتعقدت منها وبعتها
بس الحمد لله اتعلمت عدم التسرع ودلوقتى كل حاجه بعملها مع اى صنايعى لازم افكر كويس واسال واحد واتنين وعشره كمان ومش عيب انى افهم كويس انا بعمل ايه
ربنا يعوضك خير ان شاء الله فى عربيتك وتتمتع بيها ان شاء الله
وان شاء الله عاوزينك بقى معانا فى المقابله اللى جايه

[ahit]

فعلا هوا قالى فلوسك موجودة بس لما جيب واحد جديد الفلوس هاتتحسب من التركيب كلام مش مفهوم يعنى المهم هوا ركبلى الكاريبراتير بايظ و انا فعلا خلاص نهيت التعامل معاه و قلت كده لمسعود ازاى ياخد كربيراتير بتاعى الى قال عليه بايظ و يحط واحد منتهى و يا خد 100 جنيه و هوا عارف انه بايظ و جتله 4 مرات بعديها و هوا يلبسنى و يضحك عليا و يمشينى و اى احد اوريلوا الكاربيراتير يقول بايظ لحد ما رحت لغزال اول المكنيل قالى الكاربيراتير بايظ و هوا الى مبوظ العربية روح شبرا و رحت و عملته وبقى كويس جدا جمال الى عليه هانعمل عمرة لما جننينى عمرة ايه من شهر كان بيقول ماشاء الله الماتور حالته كويسة جدا وبعد كده فتح فى الكلام عن العمرة

ايمن باشا
إحنا كنا بنتعامل مع محمد على الميكانيكى بصيغة الجمع ( رابطة أو أعضاء بيتلز فى منتدى واحد ) و كنا بنبلغ بعض باللى بيحصل و بالتكاليف و التفاصيل و أوقات بنروح مع بعض عشان كدا كان الحاج محمد على الميكانيكى بيركز فى غالبية الشغل اللى بيعملهولنا و بيحاول يراضينا بقدر الإمكان .
و كذلك الحال بالنسبة لجمال الميكانيكى , عشان كدا كان لازم تسأل و نتابع بعض زى ما الأستاذ هاشم قال بالظبط , لأن دا له تأثير على الميكانيكى أو الصنايعى لأنه هدفه ما يخصرش عدد كبير من الزباين عنده زينا كده و يكون هدفه إنه يكسبنا و يريحنا فى الشغل و فى المصنعية كمان.
و لو أى حد فينا حصله موقف وحش من الصنايعى هانبلغ بعضنا طبعاً و نستشير بعض و الصنايعى هايعرف إننا مترابطين و هايعملنا ألف حساب بعد كده.
و بصراحة من هذا المنطلق أستاذ/ إيهاب و أستاذ/ هاشم و أستاذ/ أحمد الحسينى ... قابلونى كذا مره عند جمال الميكانيكى و طبعاً دا له تأثير و مصداقية كبيرة على الصنايعى.
و أنا كلمت جمال كذا مره بخصوص الكربراتير بتاعك و لكن هو لاحظ عدم إرتباطك بينا بصورة قوية و بالتالى لجأ إلى أسلوب التلبيس و خلاص.
و الحمد لله على كل شىء و قدر الله و ما شاء فعل
و لكن يرجى طلب المساعدة و النصيحة من أعضاءنا الكرام تجنباً للتسرع و المجازفه و التكاليف الزيادة و عشان كلنا نفيد بعض و نستفيد.

أنا بتكلم مع أخ طبعاً ( فاهمنى يا أيمن ) أرجو إنك ماتزعلش منى أو من أستاذ هاشم فكانا إخوات فى هذا المنتدى الكبير و هو فعلاً بيتنا التانى .

شكراً