فرش ل ال جيتا

[analyzer_eg]

السلام عليكم

انا كنت عايز افصل و اركب فرش جلد ل الجيتا بتاعتي , بس لمل سالت في الوكيل قالولي مش هينفع علشان الاير باج ,سالت عند ناس كتير برضه قالولي نفس الكلام.

حد هنا عنده فكرة ممكن اعمله فين و اذا كان ده هيأثر فعلا علي الايرباجات .

شكرا

[Hesham A.Megid]

لو في عندك airbags فالكراسي (Side impact airbags) مش هينفع. أنا اللي أعرفه أن ال Jetta مفهاش غير 2 airbags بس، يعني مفيش فالكراسي.

[analyzer_eg]

شكرت علي الرد يا أستاذ هشام بس هيا فيها 8 ايرباج , 2 في كل القوايم و 2 في التابلوه .

هل كده مش هينفع اركبلها خالص .

[fahd_628]

شكلها كدة لأن لو ركبت فرش جلد الأيرباج مش حتطلع مادام هية فى الكرسى

[Karim_Monir]

اعذرني مش ده زي اللي في المرسيدس 200 موديل 2007
ينفع تركب على الكرسي فقط
طالما التركيب بعيد عن القايم

[hazem_khidr]

طالما الكراسي ما فيهاش اير باج يبقي عادي تركب اللي انت عاوزه انما لو فيها دا كلام تاني و حتلاقي حاجه كده عامله زي ماركه القميص متخيطه في الفرش و مكتوب عليها اير باج

[Ahmed Samy]

ال

عامله زي ماركه القميص متخيطه في الفرش و مكتوب عليها اير باج

الكلام ده صح بس ال AirBag تقدر تقطع خياطة الفرش الجديد و القديم . و انت برضه خلي الخياطة في الحتة دي مش 100 100 بس المشكلة التانيه ان السروجي هايفك الكرسي ((و ما أدراك ما فك الكرسي ))) :roll:

[hazem_khidr]

الاقتباس:

عامله زي ماركه القميص متخيطه في الفرش و مكتوب عليها اير باج


الكلام ده صح بس ال AirBag تقدر تقطع خياطة الفرش الجديد و القديم . و انت برضه خلي الخياطة في الحتة دي مش 100 100 بس المشكلة التانيه ان السروجي هايفك الكرسي ((و ما أدراك ما فك الكرسي )))

انا قصدي لو لقي دا مكتوب ما يقربش من الكرسي و يعمل كسوه خااااااالص

[analyzer_eg]

هو فعلا في علامة زي القميص علي الكراسي مكتوب عليها ايرباج ..... هو محجش جرب الموضوع ده هنا خالص و لو حد يعرف حد بيعمل الفرش و يكون بيفهم في الكلام ده يا ريت يقول
و شكرا للردود يا شباب

[hazem_khidr]

هو فعلا في علامة زي القميص علي الكراسي مكتوب عليها ايرباج ..... هو محجش جرب الموضوع ده هنا خالص و لو حد يعرف حد بيعمل الفرش و يكون بيفهم في الكلام ده يا ريت يقول
و شكرا للردود يا شباب

العفو علي ايه يا راجل انت تأمر :)
يبقي ما تعملش لا كسوه ولا حاجه و روح التوكيل لو عندهم حل لكسوه الكراسي دي يبقي اوك مافيش يبقي سيبها علي وضعها.

[AlmAhAtmA]

مش ممكن نعمل الفرش و نيجي عند اماكن الايرباج و نعمل حاجه زي الكوتشي كده تلزق و تفك
مش عارف اوضح الفكره بس اكيد فيه حل

[Ahmed Samy]

مش ممكن نعمل الفرش و نيجي عند اماكن الايرباج و نعمل حاجه زي الكوتشي كده تلزق و تفك
مش عارف اوضح الفكره بس اكيد فيه حل

فكرة والله
ممكن نجيب فرش nike air .....bag :lol: :lol: :lol: