رايكم فى جولف 1

[waelms3]

معروض عليا جولف 1 موتور 1800
وحالتها حلوة على 18 الف
ياريت حد يقولى عيوبها ومميزاتها وقطع غيارها موجودة كلها والا عشان داخله دماغى اوى
وصورتها اهى

[waelms3]

ايه يا شباب محدش قال رايه خالص

[waelms3]

يا جماعة لو حد عنده عربية زيها او يعرف اى معلومات ياريت ما يبخلش عشان بجد اخلص فيها

[ahit]

السلام عليكم و رحمة الله و بركاته

يا باشا ماتستعجلش و أصبر و إن شاء الله أى حد عنده جولف 1 أو عنده خبره فى الجولف هايرد عليك.
طبعاً الجولف عربية ممتازة و كمان ماتور 1800 أكيد تبقى وحش على الطريق , بس المهم تسأل على الماتور اللى متسقط فيها مواصفاته إيه ؟ و هل قطع غياره متوفره ؟ و بكام ؟ و فين ؟
لأن اللى أعرفه إن قطع غيار جولف غاليه .
على العموم لآزم حضرتك تتأكد من سلامة الموتور و العفشة و كل الأساسيات و تكشف عليها كويس عند متخصص جولف اللى ممكن باقى الأعضاء الكرام يرشحوهولك.

شكراً

[waelms3]

انا معاك فى كل كلامك ومنتظر

[saadallah]

السلام عليكم ورحمة الله اخى الكريم العربية جميلة بس مشكلتها قطع غيرها مش متوفرة كتير وده عيب مش سهل شوية علشان بيحتكر قطع الغيار تقريبااواحد او اتنين فى الحرفين

[Atef Saleh]

كلام مش مظبوط قطع غيارها ماليه الدنيا و كل اللى فى الحرفيين دول عالم تعبانه و مفيش احتكار و لا بطيخ و العربيه اللى حضرتك حاطط صورتها مغيره شبكه جولف 2 و هى نازله بموتور عالى مش متسقط لأن كل المواتير ال1800 و ال 2000 بتنزل 2 باب و فى شويه حاجات ممكن تعملهم هيغيروا شكلها خالص بيركبلها اكصدام جولف2 Gl بيخلى شكلها تحفه و انا شايف انها مجنطه يعنى هتبقى حكايه اما بالنسبه للسعر فده بيتوقف على حاله العربيه بالنسبه للموتور و العفشه و الدواخل و ماحبش افتى فيه و تحت امرك فى اى استفسار.

[waelms3]

طيب يا باشا سعرها كده كويس

[waelms3]

ودى صورها من جوا

[hotboja]

لو فية تكيف تبقى حلوة

وسعرة جامدة وشوف الموتور واسئل اولا الترخيص كام فى السنة

وبعدين اعمل مشوار وشوف هتسحب بنزين قد اية

ممكن تكون حوت بنزين
بس
سلام

[triton]

انا معايا جولف 1 موتور 2000 سي سي و بقولك بلاش احسن ... هي صحيح عزم و شد بس هتقرفك في صيانتها زي ماهو حاصل معايا

[saadallah]

اشكرك اخى الكريم صاحب الرد ولكن كلام عن نفسى انا وتجربتى مع العربية لمدة اربع سنين مع العلم ان اغلب الشغل بتاع العربية كنت بعملو بايدى واخى الكريم اللى عايز يشترى احسب عمر اى عربية قبل متشترى بدون المقارنة مع البيتلز علشان ده عربية معمرة من الدرجة الاولة واشكر ادارة المنتده وجزاهم عنا خير ان شاء الله محمد السعدى

[saadallah]

وابسط سى الرفارف بتعتها قليلة جداا واغل قطع الغيار عند اللبودى فى الحرفين
متحولش تسرع فكر واصبر
ملحوظة
قبل متشترى اى عربية شوف قطعة الغيار والصيانة
واشكركم واسف لاطالة

[ahmadelkholy]

شوف يا سيدى انا معايا جولف 1 بس 1600 العربية محترمة بس الى مضايقنى منها انها كوبيه وانا محتاج عربية اربعة باب مع ان الكوبيه شكلها احلى بكتير بس يا سيدى لو دواخلها فابريقة تبقى حلوة من ناحية السعر لانى انا شخصيا مش هبيع عربيتى الا ب 20000 جنيه لانها دواخل فابريقة وجنوط مومو ايطالى واكصدامات ورفارف gl وتكييف وسنتر وزجاج كهربا واستهلاكها فى البنزين معقول جدا
وقطع الغيار لا هى مش موجودة ولا هى ماليه الدنيا هى موجودة عند ناس معروفة ومش غاليه ولو عاوز تسال عن حاجة تانية خد ايميلى اهو ahmadkholy@yahoo.com

[SaNisSro]

والاهم تسأل هتدفع ضريبة كام على ال 1800 سيسي