عاوز اسقط موتور حلو لجولف 2

[Golfer05]

انا عندي جولف 2 وعايز اسقطلها موتور حلو الميكانيكي نصحني بـABS 1.8 بس مش عارف اسمع كلامه ولا في حاجة احسن من كدة ياريت يا جماعة لو تفيدوني انا عايز حاجة سحبها حلو

[m2010]

فى واحد فى الاسكندرية اسعار قطع الاستعمال خارج للجولف 2 وعنده حاجته الاصلية بسعر ممتاز رقمه 0120564842

[Golfer05]

متشكر يا بك بس هاكون شاكر ليك اكتر لو في حد في مصر بس يا ريت لو حد يفيدني اركب موتور ايه في حدود 1600 او 1800 ويكون سحبه حلو

[fahd_628]

بص يا باشا الشائع تسقيتة فى الجولف الموتور ال 1800 بتاع ال Gti بتاعها

هوة فية منه 8 صباب و فية 16 صباب و طبعا ال 16 صباب اقوى

[Golfer05]

هو انا سألت كذا ميكانيكي عليه بس نصحوني بالابتعاد عن المواتير التربو لان مشاكلها كتير مثلا بتاكل بنزين كتييييييييير . محدش بيعرف يضبطها. كثيرة الاعطال ولو عطلت بيك في الطريق ما ينفعش تجيب ميكانيكي ماركة علي ما تفرج عشان يشوفهالك مالها او يسعفك بمعني اصح. في ميكانيكي قاللي هات ABS او BB وركب لهم تيربو بس مش عارف ايه الصح وبصراحة انا احترت

[M.Mostafa80]

طب ماهتبقى هى هى المشكله ماتور وراكب فى تربو يعنى نفس المشاكل الى أتكلمت عليها وعمتا بسابق خبرتى مع الألمانى حتة أنها تقف بيك فى الطريق دى قليله قوى يعنى أنا فى مره مجموعه غيار كامله أتحرقت فى الفتيس والحمد لله ماشاء الله فضلت ماشيه معايا بالمسايسه

[volkeswagin]

ياباشا انت الفكره فى التربوا والا الماتور كده الاتنين واحد

بالعكس اللى يجى عليه التربو بتاعه احلى اكيد لانه راكب اصلى عليه مش متوفق

المهم انت عندك مواتير كتير وممكن تشوف على يوتيوب السحب والجرى بالارقام وهتبقى شايف بعينك

ولو بتاع جرى هات بقى الماتورvr6 او R28
ال Vr6 ده اشد متور ممكن يركب على جولف
على محسب اسمع عنه هو 6 سلندر مبدئيا قرب ال 3000 سى سى
200 وشويه هورس بور
ملوش قطع غيار فى مصر تقريبا الحوض مش هيبقى فاضل فيه مكان ترمى فيه ابره وتنزل على الارض :)
المعلومات دى مش متجربه ده من اصحابى اللى معاهم جولف

[Golfer05]

انا سألت واحد دلوقتي علي المواتير دي بس قاللي المواتير دي لا يعلي عليها بس قطع غيارها مفيش انا بحاول برضه اني مع اعديش 1600 او 1800

[volkeswagin]

انا قلت ليك انها قطع غيار مفيش بس محدش هيعدى منك فى مصر
حتى لو ام 5 مش ام 3

ممكن تسئل على القطع اللى بتتغير دورى وتسئل عليها ممكن تظبطها وانت بتشترى المتور اشتريها معاه من بورسعيد او من هنا او حتى من المانيا وخليها عندك لو انت غاوى جداااااا
بس كفايه انك تبقى حاطيت علامه Vr6 على العربيه من ورى كله هيترعب منك
مع انى موقن انك مش هتكفى التالت بتاعه فى مصر كلها :)

[vw3]

انا مركب في عربيتي 1800 بي بي و الماتور قطع غياره منطورة و رخيصة و بشهادة ناس كتير في الحرفيين قالوا انه احسن ماتور فولكس نزلته لانه حمار شغل و اعطاله قليله جدا و تصليحه سهل و بيتظبت مرة في العمر و بالنسبة للجري أنا مابجريش كتير بس عادي جدا بجيب 160 - 180 على الدائري و المحور و مش جايب اخر الماتور خالص و استهلاك البنزين ممتازحوالي 300 كيلو للـ 30 لتر ساعات 280 و ساعات 320 كيلو على حسب سواقتي ساعات بجري و ساعات لأ

[powerofhelll]

شوف من الاخر كد في متور
2000 cc
150 hp
abf
ده موجود في اسكندريه
الموتور ده انجكشن واستهلاكه للبنزين مش كبير زي bb
و طبعا افضل بكتير

[m00dy]

الموتور ال BB معروف انه رائع و كمان في موتور 1800 اسمه RV الاتنين كويسين جدا بس خلى بالك الفرق بين 1800 و 1600 مش كبير في قوة المحرك و دي متجربة
نصيحة كمان مهمة جدا : ابعد عن المحركات 2000سي سي اللي فيها fuel distributor لان ضبطها صعب جدا لكن في نفس الوقت بتجري جامد جدا

[Golfer05]

اشكركم جدا علي المداخلات الرائعة والمفيدة فعلا وبرضه كنت عايز اخد رأيكوا في موتور abs 1.8 بيشكروا فيه . تقدروا تفيدوني في الموتور ده . مع العلم ان كل اللي جربوا الموتور ده بيقولولي انه انعم بكتير من الـbb. مش عارف انا بقيت محتار يا ريت لو تفيدوني

[iBiZa]

بالعكس اللى يجى عليه التربو بتاعه احلى اكيد لانه راكب اصلى عليه مش متوفق

دة شىء اكيد طبعا اللى جاى الى منة فية احسن كتير.

ولو بتاع جرى هات بقى الماتورvr6 او R28
ال Vr6 ده اشد متور ممكن يركب على جولف
على محسب اسمع عنه هو 6 سلندر مبدئيا قرب ال 3000 سى سى
200 وشويه هورس بور

هو اسمة R32 و دة نزل على الGolf IV و كان 3200cc و 250 حصان و القواعد مختلفة و لازم يغير تقريبا كل حاجة فى العربية و دة فعلا مالوش مسمار فى مصر.

الVR6 نزل من سنة 1991 و كان 2800cc و 12 صباب و 174 حصان و كان فية منة شوية نزلوا 2900cc و كانوا 190 حصان و دول اللى ينفع ينزلوا فى الGolf II من غير شغل كتير, هتعدل حاجة بسيطة فى فردة الشاسية اليمين.

سنة 1999 نزل الجيل التانى و كان 2800cc بردة بس 201 حصان و كان 24 صباب و دة ماينفعش ينزل فى الGolf II اللا بعد تعديل حاجات كتير اوى.

ملوش قطع غيار فى مصر تقريبا

لا لية دلوقتى, فية كذا حد جايبين مواتير و فارتينها عشان قطع الغيار, الشهابى بيجيب حاجتها بردة.

الحوض مش هيبقى فاضل فيه مكان ترمى فيه ابره وتنزل على الارض :)

مش اوى بردة الحوض لة فية مكان تركب تربو لو عايز و الناس تشتغل فى الموتور مرتاحين شوية.

[ahmed1981]

أنا برضه كنت بفكر أسقط موتور للجولف 2 عندي

لكن بفكر بطريقة مختلفة خالص
بفكر أركب موتور جولف3 ال 1400 CC ومعاه كل مشتملاته كامل أوتوماتيك

إيه رأيكم ؟؟