نصيحة بخصوص جولف 3 1993

[aladdino35]

الاخوة الافاضل اعضاء المنتدي
انا بافكر اشتري عربية مستعملة وتكون بحالة جيدة وفي نفس الوقت ما تتعبش قلبي وتاخد وقتي في تصليح الاعطال.
ولاني مقيم في الاقصر فالفرص هنا قليلة ان الواحد يلاقي حاجة كويسة فكرت في عربية يكون سعرها معقول بالنسبة لحالهوالموديل
لهذا ان رحت علي كونتكت كارز وشوفت المعروض
شفت جولف 3 موديل 1993 - 1800 سي سي
والوصف كالاتي:
cliamtronic air co..!5" O.Z rims ....new tiers .sport kit (front grill ..spoiler).hella front headlight and tail .full option ...manual
صاحبها مش كاتب عاملة كام كيلو ولا اي حاجة زيادة
وطالب 54 الف
ايه راي خبراء الجولف؟
وشكرا
ملحوظة:مرفق الصور لو قدرت احملها

[zizophone]

يا مرحب باهل الاقصر كلهم انا كنت لسة عندكم من اسبوع في رحلة وانتوا ناس على راسنا .
بالنسبة للعربية هو لو الموتور الاصلي بتاعها 1800 أعتقد كانت حتبقي بفتحة سقف وكراسي جلد بالسخانات فممكن يكون الموتور دة متسقط لها هو اكيد احسلها بس مش نازل عليها دي حاجة .
الحاجة التانية هي الصور بتقول انها حالتها رايقة بس الايام دي سعرها كبيرة على مو 93 يبقي 48000 جنية .
والحاجة الثالثة الجولف 2 الي واقفة قصادها :) للبيع برضة ؟ وحالتها اية ؟

[powerofhelll]

السعر عالي الاسعار في النازل

[egyegy]

غالية

الجولف بشكل عام سيارة جميلة جدا ، ولكن الجولف 3 بشكل خاص لديها عدد من المشكلات مقارنة ببقية موديلات الجولف.

1- عدم توفر قطع غيارها ، في مصر كلها لن تجد أكثر من اربع أو خمس محلات يبيعونها ، و لأنك من الأقصر فالمشكلة سوف تصبح فعلا مزعجة و قد تصل إلى أن تقوم بركن السيارة يوم او يومين او حتى اسبوع كي تأتي بقطعة الغيار اللازمة (هذه المشكلة لا تنطبق على الجولف 2 و الجولف 4).
2- بالنسبة للمستعمل إما أن يكون السعر عالي أو منخفض و السبب ، أولا : السعر العالي بسبب إن السيارة نظيفة جدا و صاحب السيارة يدرك ذلك و يعي أيضا ان قطع غيارها غير متوفرة بالشكل المناسب لذلك رفع السعر ، لإن الذي سوف يشتريها منه لن ينفق عليها شيئا لمدة سنة او اثنتين ، مجرد مصروفات الصيانة العادية من زيت و فرامل و تصليح للتعليق (العفشه) و خلافه ، ثانيا : السعر المنخفض قليل جدا ، بسبب أن أصحاب السيارات المُهانه و التي تحتاج إلى عملية صيانة كبيرة، لا أحد منهم يصرح بأن سيارته مُنهكة ومُهانه والكل يبيع على أساس أنها صاغ سليم للأسف ، وهنا تأتي الخبرة لدى المشتري (خبرة في الجولف تحديدا).
3- إستهلاك الوقود عالي بالنسبة للجولف 3 مقارنة بالجولف 4 ، و السيارة ثقيلة في السحب مقارنة بالجولف 2 و الجولف 4 .
4- الصالون الداخلي من الخلف ضيق قليلا(مقارنة بالسيارات الحديثة الموجودة في السوق الآن).
5- عند شراء الجولف 3 فيما فوق يجب مراعاة حالة الصالون الداخلي ، حالة فرش الكراسي ، حالة فرش الابواب ، حالة الجلود المطاطية العازلة في الابواب ، حالة البلاستيك المكون للتابلوه و الكونسول الوسطي ، لأن قطع غيار هذه الأشياء غير موجودة بالأساس ، محاولة تركيب فرش جلد بدلا من الفرش المخملي سيحول السيارة لفرن لا يطاق حتى مع وجود مكيف الهواء.
6- إعادة بيع السيارة سيء للغاية ، السيارة بالفعل ثقيلة جدا في إعادة البيع (تجربة شخصية مع سيارتين جولف) ولكنها تحتفظ بثبات قيمتها المادية لمدة طويلة.

* بالنسبة للمميزات

1- شكل خارجي مميز و ملفت حتى بعد كل هذه السنين من سنة الصنع.
2- جودة عالية للخامات المستعملة في الخارج و في الداخل.
3- ثبات رائع ، وإذا تم زيادة مقاس الجنط من 14 إلى 15 سوف يزيد الثبات بشكل ملموس ليقارع ثبات الفئة الثالثة من البي أم دبليو.
4- أعطال قليلة ، وتوافر الميكانيكيين المتخصصيين.
5- السيارة دائما وأبدا تمنح الثقة لقائدها (إحساس شخصي).
6- لا أدري إن كانت هذه ميزة أم عيب ولكن بعد إمتلاك الجولف سوف تصبح أسيراً للسيارات الهاتش باك وسوف تظل ترها الأجمل بين كل السيارات وتتربع الجولف على عرش فئة الهاتش باك.

* المختصر المفيد : السيارة غالية في السعر عن باق سيارات الجولف قد يكون بسبب أن سعة المحرك 1800 cc و ان مالكها أضاف عليها سعر الجنوط ، او لأن السيارة بالفعل نظيفة ولم تهان ، بكل صراحة لو كنت في محلك لن أشتري جولف 3 بل سأشتري جولف 4 (رأي شخصي بسبب عدم الخبرة مع الجولف 3) ، و لكن بالطبع يبقى المال هو الحكم والفيصل الأخير ، لو نظيفة فعلا توكل على الله اما إذا كان لديك شك فلا تشتريها مع ملاحظة ان السعر عالي ، سأحاول الإستفسار أكثر عن اسعار الجولف 3 من أحد أصدقائي يمتلك نفس الموديل.

* ملاحظة هامة جدا : يجب مقارنة رقم موتور السيارة برقم الموتور الموجود في رخصة المرور و السؤال أيضا عنها في قسم المرور التابعه له.

* يمكنك مطالعة هذه الصفحة

آسف على الإطالة

[aladdino35]

الف شكر للاخوة اللي امتعونا بردودهم وفعلا افادوني جدا جدا والله يبارك فيكم ....
الف شكر لكل من تكرم بالرد وانا تحت الخدمة لو اي طلب او مساعدة في بخصوص الاقصر ...ونتشرف بيكم ان شاء الله في الزيارات الجاية يا زيزو
علاء طايع

[ehabbasha30]

لو حبيت عربية المانى برضو ومش هتصرف عليها اى حاجة وحالتها زى الفل انا بعرض عليك عربيتى اللى فى الصورة
موديل 1989 - ام فورتى - 1600 سى سى - زجاج كهربا امامى فقط - مرايات كهربا - تكييف باور سنتر - جنوط سبوربتاعتها الاصلية وكاوتش جديد - فوانيس شبورة امامى وخلفى - فابريقة دواخل - صالون حالتة ممتازة - استعمال نظيف - عاملة 140 الف كيلو متر - طبعا البى ام معروف فى قوة الموتور والعفشة والبودى - موتورها حالتة ممتازة جدجا والعفشة ايضا
انا كنت بطلب فيها من ستة اشهر 65000 جنية - لكن طبعا لنزول الاسعار انا دلوقتى بطلب نهائى 55000 الف
لانها فعلا مش محتاجة مصاريف - انا ببيعها للتغيير لموديل اعلى شوية المانى برضو - اما بى ام او جولف ان شاء الله
على فكرة العربية اخر الشكل دة ... المعدلة اللى فوانيسها من ورا عريضة مش رفيعة زى موديل 88 و87

[aladdino35]

الاخ ايهاب باشا
شكرا علي العرض الكريم اللي حضرتك عرضتو علي وان بجد شايف ان عربيك شكلها شبابي وعربية ليها قيمتها واسمها وزي ما بقولوا عربية راسية ومعمرة واحلي حاجة انها 1600 سي سي.
للاسف انا اجلت الموضوع شوية علشان شوية شغل في السكة محتاجة فلوس ولما ربنا يرزقنا ان شاء الله حبتدي اشوف ربنا رايد لينا نركب ايه.
الشكر للجميع علي الاهتمام والمتابعة وكا سنة وانتم طيبيين بمناسبة مولد المصطفي الهادي عليه افضل الصلاة والسلام

[volkeswagin]

ياباشا انا برضه بدور على جولف 3
واتصلت بصاحب العربيه دى (بما انى اتصلت بكل اللى بيبيعوا)

السعر ده قابل للتفاوض بحسب كلامه
بس العيب الاساسى فى العربيه انها من اسكندريه
وانت عارف انا العربيه فى اسكندريه دى يعنى من بره هاله هاله ومن جوه يعلم الله :)
يعنى ممكن تكون البارومه منفضهاها من جوه ومش هتعرف الا لما تفتح البطيخه من جوه :)

فى واحده نزلت على كونتكت برضه اول امبارح ورحت شفتها امبارح العربيه نضيفه بس هو ماسك على 50 وعليها ماتور 2000 متسقط وتكيف تحففففففففه بجد تلج العربيه فى لحظه
بس 50 كتير عليا

[slimbig]

طب أنا فاسكندريه يا ترى حلاقي قطع غيارها؟ و ميكانيكيه فاهمين فيها؟

[ابوهاشم]

غريبه جدا ان عربيه جباره زى دى
ومالهاش قطع غيار متوفره

[slimbig]

منتا عارف يا أبو هاشم طلبات السوق المصري, و ما أكثر العربيات الهيونداي و الدايو فمصر, فواضح ان الإهتمام بالسعر بيجي قبل الكفاءه

بردو عايز أعرف حلاقي قطع غيارها و ميكانيكيه فاهمين فيها فاسكندريه ولا؟

شكرا

[original]

هتلاقى عشان هريسة موجود فى محطة الرمل وقطع الغيار عند بتوع الإستيراد..