كل واحد دماغه مكفياه
مهما حاولت تقنع الناس جزء بسيط جداً منهم الي ممكن يقتنع بوجهة نظرك...
أحد الأعضاء الأفاضل كتب امبارح ان معدل استهلاك الوقود على الموتور 1400 تي إس أي هو "كذا" مع فيتس Dsg وبما إني قولت في الموضوع بتاع باسات 2009 تي إس أي إني مش حكتب فيه فمردتش أرد.. أصل الفتيس Dsg ده فيتس بيركب على موتور ديزل، أنا بصراحة معرفش مصدر المعلومة دي ومش عايز أظلمه..بس أنا أدامي في السيستم بتاع فولكس الفتيس ده أولاً قديم قوي وثانيا بيركب على مواتير جاز..
أشرف الشهابي لو عملتله حاوي مش حينزلك تعريفة في سعر الحاجة، هو ده طبعه وأسلوبه...يعني أنا لما بنصح الناس تجيب حاجة من عنده دا علشان صالحهم مش أكتر وعارف كويس إن لو أي حد راح وقاله أسامه موسى حيقوله سلملي عليه
لكن لما بقول للناس الحج محمد أو مجدي البيومي عارف انهم لو راحوا حيعملوا واجب معاهم علشان خطري..
بص انت مش حتقدر تغير أي فكر في دماغ أي حد مش عايز يقتنع..
أنا من الحياة خدت بالي من شوية نوعيات من البشر
في نوع منهم مبيتعبش نفسه ويدور على قطعة الغيار الأصلية ولا حتى الاستيراد ويروح يجيب أي حاجة ويركبها والسلام.. والتوع ده الي عربيته أسوء ما يكون ودايماً بيرمي اللوم على فولكس..
وفي نوع بيجرب المضروب ويحاول يأثر على الناس التانية انها تستخدمه علشان نكون كلنا في الهوا سوا..
وفي نوع لو ملقاش الأصلي، الدنيا تسود في وشه وميعرفش يتصرف وممكن لو حصل حاجة في الفتيس بتاع عربيته مثلاً يبعها...
وعند نوع بيدور على الأصلي والاستيراد وعارف مين الشركة المصنعة لقطعة الغيار الأصلية ويجري وراها ويجبها..
وفي نوع فاكر انه لو جاب قطعة غيار أصلية غالية شوية يبقى بيدلع العربية ودا برضو حتلاقي عربيته أسوء ما يمكن..
الغريب بقى في الموضوع، تلاقي مصنع العربية حاطط كل مواصفات التشغيل السليم مش من باب التعجيز ولا التفاخر لا دا من باب الحفاظ على العربية وسمعته قبل كل حاجة وبرضو تلاقي الناس بتعمل حاجة تانية ويقولك أصل قطع غيار الألماني غالية قوي، طيب ياسيدي لما انت عارف المعلومة دي متركب حاجة تانية، يقولك هو انت شريكي، ولما عربيته يحصلها حاجة تطلع فولكس دي عربيات بنت ستين في سبعين ويندم انه مجبش عربية كوري ولا صيني ولا ياباني.. النوع دا بقى من الناس الأفضل متخشش معاه في نقاش صريح، مجرد ترمي المعلومة الصح وتسيبه..
يلا ربنا يهدينا كلنا
وسلام مؤقت
مهما حاولت تقنع الناس جزء بسيط جداً منهم الي ممكن يقتنع بوجهة نظرك...
أحد الأعضاء الأفاضل كتب امبارح ان معدل استهلاك الوقود على الموتور 1400 تي إس أي هو "كذا" مع فيتس Dsg وبما إني قولت في الموضوع بتاع باسات 2009 تي إس أي إني مش حكتب فيه فمردتش أرد.. أصل الفتيس Dsg ده فيتس بيركب على موتور ديزل، أنا بصراحة معرفش مصدر المعلومة دي ومش عايز أظلمه..بس أنا أدامي في السيستم بتاع فولكس الفتيس ده أولاً قديم قوي وثانيا بيركب على مواتير جاز..
أشرف الشهابي لو عملتله حاوي مش حينزلك تعريفة في سعر الحاجة، هو ده طبعه وأسلوبه...يعني أنا لما بنصح الناس تجيب حاجة من عنده دا علشان صالحهم مش أكتر وعارف كويس إن لو أي حد راح وقاله أسامه موسى حيقوله سلملي عليه
لكن لما بقول للناس الحج محمد أو مجدي البيومي عارف انهم لو راحوا حيعملوا واجب معاهم علشان خطري..
بص انت مش حتقدر تغير أي فكر في دماغ أي حد مش عايز يقتنع..
أنا من الحياة خدت بالي من شوية نوعيات من البشر
في نوع منهم مبيتعبش نفسه ويدور على قطعة الغيار الأصلية ولا حتى الاستيراد ويروح يجيب أي حاجة ويركبها والسلام.. والتوع ده الي عربيته أسوء ما يكون ودايماً بيرمي اللوم على فولكس..
وفي نوع بيجرب المضروب ويحاول يأثر على الناس التانية انها تستخدمه علشان نكون كلنا في الهوا سوا..
وفي نوع لو ملقاش الأصلي، الدنيا تسود في وشه وميعرفش يتصرف وممكن لو حصل حاجة في الفتيس بتاع عربيته مثلاً يبعها...
وعند نوع بيدور على الأصلي والاستيراد وعارف مين الشركة المصنعة لقطعة الغيار الأصلية ويجري وراها ويجبها..
وفي نوع فاكر انه لو جاب قطعة غيار أصلية غالية شوية يبقى بيدلع العربية ودا برضو حتلاقي عربيته أسوء ما يمكن..
الغريب بقى في الموضوع، تلاقي مصنع العربية حاطط كل مواصفات التشغيل السليم مش من باب التعجيز ولا التفاخر لا دا من باب الحفاظ على العربية وسمعته قبل كل حاجة وبرضو تلاقي الناس بتعمل حاجة تانية ويقولك أصل قطع غيار الألماني غالية قوي، طيب ياسيدي لما انت عارف المعلومة دي متركب حاجة تانية، يقولك هو انت شريكي، ولما عربيته يحصلها حاجة تطلع فولكس دي عربيات بنت ستين في سبعين ويندم انه مجبش عربية كوري ولا صيني ولا ياباني.. النوع دا بقى من الناس الأفضل متخشش معاه في نقاش صريح، مجرد ترمي المعلومة الصح وتسيبه..
يلا ربنا يهدينا كلنا
وسلام مؤقت

كان نفسى يبقى فى صوره دكتور ![C Laugh[1]](https://www.nilemotors.net/Nile/core/images/smilies/C_laugh[1].gif)
Comment