مساعدين بولو

[umoussa]

احتمال إن السوست تكون باظت ضعيف شويتين

وبذات إن سوست العربية ال 1000 ناشفة لأن المساعد طري

أما كل كماليات المساعد موجودة أصلي عند الشهابي وفرع بيع أوتوموتيف في وسط البلد وفي التوكيل في العبور

[M.Mostafa80]

الباشا رد عليك طب ممكن تقلى ماكنو فين فى وسط البلد ياهندسه

[umoussa]

أنا أسمع إنه في شارع شريف

رقم الكول سنتر 19525 كلمهم واعرف

[Sherif Moussa]

السلام عليكم
انا ركبت مساعدين خلفى ساكس لبولو 2000 والعربية لسه بتدب جامد .
هل فى أى حاجه ممكن تتعمل زى تغيير السوست ولا ايه.
أنا محتار والمشكلة دى عند واحد صاحبى كمان ومش عارفين نعمل ايه!!!

جزاكم الله خيرا

[M.Mostafa80]

ممكن يكون عندك الى المهندس أسامه قال عليه فى أول الموضوع تكون جلب الدنجل سافرت وعشان كدا بتدب وممكن تكون البطحات بتاعت المساعدين بردو وحشه أو عمرهم أنتهى وعمتا شوف عفشجى كويس عندو ضمير يكشف عليهم وممكن أنت تكشف عليهم هتقلى أزاى هترفع العربيه من ورا بس قبل ماترفع تقيس المسافه بين العتب والعجل زى ما المهندس أسامه قال وبعد كده أرفع العربيه وأمسك العجله زى ما تكون حاضنها وشد لبره وجوه لو طلعت معاك ودخلت يبقى الجلب راحت فى داهيه مش سافرت وبعد الشر عليها ياباشا وأن شاء الله تطلع سليمه وفى أحتمال أن تكون المساعدين نفسهم مش حلوين هتقلى جداد هقلك كلو بيضرب ويارب مايكونو وحشين عندك أنا عارف أن كلامى ممكن يخنقك من العربيه ومنى بس والله أنا أتمرجحت كتير على رأى المهندس أسامه الى مفتقدينو فى المنتدى بس من المرجحه دى بوصل لحاجات ومعلومات قيمه ومفيده بس بيبقى بعد مرمطه ومرجحه ومجهود ماتتخيلوش وربنا يكفينا ويكفى الناس جميعا شر الصنايعيه وتجار قطع الغيار

[M.Mostafa80]

أنا هتجنن خلاص ياناس عايز حديقولى على طقم مساعدين محترمين أركبهم عندى
المشكله أن الفولكس الأصلى غليين شويه وأنا مش هقدر عليهم دلوقتى عاملين 2600 جنيه فى التوكيل

[Sherif Moussa]

شكرا يا باشا لاهتمامك
واسف لتأخرى فى الرد , وإن شاء الله هاجرب وابقى اقولك .
جزاجم الله خيرا

[original]

أنا هتجنن خلاص ياناس عايز حديقولى على طقم مساعدين محترمين أركبهم عندى
المشكله أن الفولكس الأصلى غليين شويه وأنا مش هقدر عليهم دلوقتى عاملين 2600 جنيه فى التوكيل

إشترى إتنين إستعمال ومتفكرش طالما إن كدا كدا مش هيعمرو حتى لو جداد وأكيد السعر مش هيبأا وحش وخللى بالك إن الدنيا مليانه مطبات مش زى زمان..

[umoussa]

الفكرة إن الاستيراد مبيعيشوش كتير شهر والتاني وبالسلامة

بصراحة الأصلي الجديد ملوش حل وملوش سعر كويس برضو

وخصوصاً إن عمو اليورو دلوقتي طالع لفوق ومحدش عارف حيوصل فين!

[M.Mostafa80]

على فكره كلمت أشرف طبعا مردش هو بس فى ناس من المحل قالت ان الحاجه الى أنت قلتلى عليها ياباشا مش موجوده

[umoussa]

انت كلمت أشرف على رقم تليفون المحل؟

وردوا عليك وقالوا الحاجة مش موجودة؟

[M.Mostafa80]

أيون حصل ياباشا

[umoussa]

بيني وبينك هو كان موجود

أصله مبيحبش يرد على التليفون وأكيد هو الي قالهم مش موجدين علشان العمال بتوع المحل ميعرفوش أي حاجة

[M.Mostafa80]

:b4_592:يعنى لازم أضرب المشوار

[umoussa]

لا لا لا
طالما قلولك مفيش في التليفون يبقى مفيش فعلاً

ضرب المشوار لفائدة واحدة هي انك تقابله وتعرف منه ايه النوع البديل