اعطال البيتلز واسبابها

[El.Hossieny]

انا ياعم شلت المشلركه لحسن تكون زعلت
على العموم الكلمه دى اتقالت فى مسرحية المتزوجون
لحسن تكون فهمتنى غلط
وانا حبيت اضحك معاك

و انا اكيد بهزر معاك برضو يا ابو سالم ... ده انتي حبيبي

[El.Hossieny]

احبائي كل عشاق البيتل ... اذيكم عاملين ايه ؟؟

انا كنت عايز اخد رأيكم في حاجة ... زي ما بعضكم عارف موضوع مشكلة الفرامل اللي عندي .. الفرامل لسة ضعيفة طبعا .. بس في حاجة غريبة بتحصل .. الصبح اول لما ادور العربية شوية و اسخنها و اجي ماشي .. الاقي الفرامل كويسة جدا جدا و بتمسك بسرعة .. و بعد حوالي دقيقة الفرامل ترجع تاني ضعيفة و مش بتمسك زي ما كانت ... يا تري الموضوع ده سببه ايه ؟؟

مستني ردودكم

[أحمد سالم]

و انا اكيد بهزر معاك برضو يا ابو سالم ... ده انتي حبيبي

[ahit]

أخويا حسينى أخبارك إيه؟
أنا إمبارح كنت عند محمد الأسمر الميكانيكى و ظبطلى الفرامل و الحمد لله بقت تمام.
من رأى تعدى عليه و ربنا يسهل و تتحل مشكلتك

[ابوهاشم]

هى تقريبا كده عاوزه يتاخد لها هواء
وبرضه بص على زيت الفرامل

[Ahmed Mubarak]

السلام عليكم
اخوانى عندى مشكله ان العربية مبتسحبش ذى الاول ودا طبعا بعد ما زود الزيت اللى كان ناقص شوية ولما زودته لقيت ان الزيت فوق الحد الاقصى بشوية وكمان صوت الموتور بقى عالى فهل زيادة الزيت عن الحد الاقصى هو دا سبب المشاكل دى
شكرا وجزاكم الله كل خير

[ابوهاشم]

سيدى الفاضل استاذ احمد مبارك
طبعا اكيد زيادة الزيت عن الحد الاقصى غلط كبير
وكده ممكن الموتور يجيب زيت من تحت ويغرق البوجيهات
وممكن يكون سبب لارتفاع صوت الموتور
كمان فى حاجه مهمه جدا احب اوضحها لباقى الاعضاء
مجرد ان الزيت يعدى 500ك اى ان كان نوعه
لا يصح ابدا انك تذوده لو نقص
والاصح انك تغيره نهائى
السبب ان الزيت فى الوقت ده اهم اسباب نقصانه انه يكون
فك او حل من درجة لزوجته وبدأ يتبخر
طبعا كده انت لو زودت بتزود زيت سليم على زيت
منتهى اللزوجه واكيد هيتبخر برضه ده غير انه هيعلى صوت
الموتور لان مافيش لزوجه تمنع احتكاك البساتم فى الموتور
اما اذا كان لسه مغير زيت جديد ونقص
ده اكيد عيب فى الموتور نفسه ولازم تشوف رأى الميكانيكى
اتمنى ان الاعضاء ملاك البيتلز يخلو بالهم من الموضوع ده
كويس اوى لأن الزيت هو روح العربيه البيتلز
ومجهود العربيه كله تقريبا بيكون عليه
ومن حسن الحظ ان عربياتنا من اقل العربيات استهلاك للزيت
2.5ك فقط :k4:

[Ahmed Mubarak]

مشكور يا استاذ هاشم على الشرح

[alhathik]

السلام عليكم أنا النهاردة لما جيت أدور العربية الصبح لقيت لمبة الزيت اللي في الماتور مابتنورش مش عارف ايه السبب أرجو الإفادة

[ابوهاشم]

السلام عليكم أنا النهاردة لما جيت أدور العربية الصبح لقيت لمبة الزيت اللي في الماتور مابتنورش مش عارف ايه السبب أرجو الإفادة

بص على ساعة الزيت فى الموتور او السويتش
شوف السلك واصل ولالا
لاو مش واصل وصله
لو واصل يبقى السويتش بايظ وعاوز يتغير
هو سعره 10جنيه
وممكن تجيب بتاع عربيه يابانى يشتغل عادى

[alhathik]

الف شكر

بص على ساعة الزيت فى الموتور او السويتش
شوف السلك واصل ولالا
لاو مش واصل وصله
لو واصل يبقى السويتش بايظ وعاوز يتغير
هو سعره 10جنيه
وممكن تجيب بتاع عربيه يابانى يشتغل عادى

الف الف شكر يا أستاذ هاشم على المعلومة واالرد وأنا كنت بعمل ماكينة الزجاج لأنها كهرباء وكلفتني 35 جنية وبالمرة كان في جنبيه ميكانيكي بس مش بتاع بيتلز بص فيها ولمس سلك الساعة بالأرضي واللمبة نورت فقاللي ساعة الزيت عايزة تتغير اشتريت واحدة ب 25 واللهي من الحي السابع وقلت أركبه أنا وحاسس ان أنا بيضحك عليا كتييييييييييير الف شكر يا أستاذ هاشم

[ابوهاشم]

اللينك ده فيه مرجع لمحلات قطع غيار البيتلز

http://www.nilemotors.net/Nile/showthread.php?t=59013

[WAEL_WAHBA]

عايز اغير الموبينة بتسخن كتير اقوى دلوقتى فى الحر أعمل اية
اجيب استيراد ولا جديد ولا اجيب موبينة يابانى
ولو ممكن اطمن ازاى على طرمبة البنزين

[El.Hossieny]

اخواني عشاق البيتل ... العربية بقالها كام يوم كدة بتبطل لوحدها و انا ماشي .المهم اني بديها غيار تروح تلقط و تمشي زي الفل .. امبارح بقي علي كوبري 6 اكتوبر بطلت و راسها و الف سيف مش عايزة تدور و لاحظت ان لمبة البطارية اللي في التابلوه مش شغالة ... شويه كدة سبتها و جربت ادور لقيتها دارت .. و بعدين بعد نص ساعة عملت نفس الحركة و قعدت شوية مش عايزة تدور و بعد كدة دارت .. يا ريت تدلوني ممكن يكون العطل منين ؟ مع العلم بس ان في فيوز لقيتة ضارب عندي و بايظ ... هل يا تري ممكن يكون هو السبب ؟؟ و لا الموبينة بتسخن مثلا ؟؟ ولا ايه بالظبط ؟

شكرا ليكم مقدما

[ابوهاشم]

ازيك ياحسينى باشا
هو فعلا ممكن تكون المبينه بتسخن وانت تقدر تعرف لو بطلت
العربيه هات فوطه مبلوله ماء وحطها على المبينه ودور
وعلى العموم انا كنت جبت مبينه استيراد ب30 جنيه وشغاله كويس