إعـــــــلان

Collapse

.

,
See more
See less

تركيب فتيس تيبترونيك وموتور ١٦٠٠ للبولو ٩٩

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    تركيب فتيس تيبترونيك وموتور ١٦٠٠ للبولو ٩٩

    السلام عليكم
    اولا الف شكر للاعضاء والقائمين علي هذا المنتدي المتميز ،
    عندي عربيه بولو ٩٩ وانا بشدها دلوقتي (نضافه ) كنت بفكر لو ينفع اسقط موتور بفتيس تيبترونيك ، آسف لو كلامي غير منطقي للاخوه المتخصصين عشان انا خبرتي ضعيفه في المواضيع ديه فقلت اسال اهل العلم، بصراحه نفسي اعمل حاجات كتير اوي في العربيه ،ومكانش عندي وقت .الحمد لله عندي شهر اجازه ، فقلت اسالكو في شويه حاجات مثلا:
    ١-ينفع اغير فرش العربيه لجلد زي بتاع البي ام الجديد
    ٢-ينفع اركب باركينج سينسور
    ٣-اركب فوانيس ورفارف وكبوت بولو ٢٠٠٣
    ٤-اسقط موتور بفتيس تيبترونيك ،١٤٠٠ او ١٦٠٠ من غير مشاكل
    انا حاطط ميزانيه حوالى ١٠٠٠٠ للمواضيع ديه
    شكرا لكم جميعا
    الكلمات الدلالية (Tags): &#1633&#1638&#1632&#1632, &#1641&#1641, 20, 2006, 2009, jetta, اركب, ام, انا, بولو, تركيب, تيبترونيك, جولف, جولف 5, عربية, عربيه, عن, فتيس, فرش, فوانيس, في, كبوت, كل, لانسر, للبولو, مشاكل, من, مواضيع, موتور, مين, هل, وموتور
  • #2
    أنا الحمد لله جربت اسقط موتور بنقل تيبترونيك 2.0 لتر بتاع لانسر 2006 من الخليج علي عربية لانسر 2006 موتور 1.6 لتر و إلي حد ما نجحت. بس ده علشان الموتورين لنفس العربية و ما خبيش عليك الموضوع مكلف بغباء وكان اوفر ابيع العربية و اكمل و اجيب Jetta.
    [LEFT][COLOR=SeaGreen][I][B]Mostafa Eng911[/B][/I][/COLOR]
    [COLOR=SeaGreen][I][B] One Day [/B][/I][/COLOR][COLOR=Red][I][B]Eg[/B][/I][/COLOR][COLOR=SeaGreen][I][B][COLOR=White][COLOR=White]y[/COLOR][COLOR=Black]pt[/COLOR][/COLOR] Will Return Back Her Glory
    [/B][/I][/COLOR][SIGPIC][/SIGPIC][/LEFT]

    Comment

    • #3
      المشاركة الأصلية كتبت بواسطة Mostafa_ENG911 مشاهدة المشاركة
      أنا الحمد لله جربت اسقط موتور بنقل تيبترونيك 2.0 لتر بتاع لانسر 2006 من الخليج علي عربية لانسر 2006 موتور 1.6 لتر و إلي حد ما نجحت. بس ده علشان الموتورين لنفس العربية و ما خبيش عليك الموضوع مكلف بغباء وكان اوفر ابيع العربية و اكمل و اجيب Jetta.
      الف شكر يا باشا على الرد
      والله انا حاسس كده ان الموضوع وجع دماغ وبفكر ابيعها واجيب جولف 2009 بس مش عارف اللى موجوده دلوقتى جولف 5 ولا جولف 6

      Comment

      • #4
        بلاااااااااااااااااااااااااااش المغامره دي
        [CENTER][mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
        [/CENTER]
        [SIZE=4][COLOR=RoyalBlue][B] [URL]http://www.mp3quran.net/basit_mjwd.html[/URL]
        القران الكريم بصوت الشيخ عبد الباسط عبد الصمد

        [/B][/COLOR][/SIZE][CENTER][SIZE=6][COLOR=RoyalBlue][B]143[/B][/COLOR][/SIZE]
        [/CENTER]

        Comment

        • #5
          المشاركة الأصلية كتبت بواسطة dod_i مشاهدة المشاركة
          الف شكر يا باشا على الرد
          والله انا حاسس كده ان الموضوع وجع دماغ وبفكر ابيعها واجيب جولف 2009 بس مش عارف اللى موجوده دلوقتى جولف 5 ولا جولف 6
          موجود الاتنين بس
          الجولف 6 ب 220 الف
          [rmade]http://www7.0zz0.com/2014/09/24/17/941743282.jpg[/rmade]

          Comment

          • #6
            المشاركة الأصلية كتبت بواسطة Fadi Ezzat مشاهدة المشاركة
            موجود الاتنين بس
            الجولف 6 ب 220 الف
            يا باشا شكرا علي المعلومه، لو تكرمت تقولي الاقيها فين لان علي كونتاكت كارز مفيش غير ام ١٥٩ الف ودي اكيد الجولف ٥

            Comment

            • #7
              البولو 99 لايوجد منها فتيس تيبترونيك الا موتور 1400 او 1600 بفتيس منوال او فتيس اتوماتيك وارد الخارج

              Comment

              • #8
                السلام عليكم
                بص يا سيدي الفاضل البولو ال 99 و ال 2001 دول اخر عربيات الماني من a to z و بالاخص ال 99
                نخش في المغامره
                انا كان عندي بولو 99 من الزيرو و عارف كل كبيره و صغيره فيها لحد ما في يوم الموتور ال 1000 ودع بالسلامه
                و لله الحمد جبت بلوكه بوش 1600 و فضلت ماشي 4 سنين بيها زي الفل
                لحد ما فكرت في الاتوماتيك
                و اليك الخلاصه من واحد مجرب الموضوع بحذفيره
                الموضوع علي 3 خطوات (قطع غيار – ميكانيكا – كهرباء)
                هتروح تشتري نص كامل 98 او 99 يحتوي علي موتور1600 و فتيس اوتو ودينامو1600 وعصايه و بدالات و دفيره و كونترول فتيس و كنترول موتور و ردياتير عريض 1600 بسربنتينه التكيف و الكباس لو مش عندك تكيف و سوست 1600و مساعدين و كبالن وقنطره بدعامه و قعده للفتيس ومشترك شكمان
                و انا اشتريت الفلم ده كله من عند واحد اسمه الشيخ محمود في جسر السويس محل اسمه المتوكل و هو معرفه وصلت الي صداقه و انسان خلوق بس مشكلته مينفعش معاه الفصال الا في اضيق الحدود وراكبت عند ورشه سيد عبده اقدام المحل بتاعه
                روحت هناك الساعه 12 الظهر مشيت مع اذان المغرب بالفتيس الاوتو و الموتور الجديد و لله الحمد
                اتاكد من الاتي
                - المكنه و الفتيس والدفيره و الكونترولات من عند نفس البياع و بتوع نفس النص عشان متتعبش نفسك و ده اهم حاجه
                - قعده الفتيس مختلفه في بعض الموديلات اتأكد من القعده هي اللي عندك و تركب عندك عشان ما تروحش تلحم و تبوز الدنيا في صدر العربيه
                - سبب اختياري لعم سيد عبده غير انه شاطر في الفولكس و البولو جدا انه جانب بتاع قطع الغيار فلو في مشكاله بتتحل من غير ما تروح اخر الدنيا بتاكسي عشان محل قطع الغيار نسي يديك مسمار اواو وده وارد ومش وارد ده اكيد هتحتاج تروح وترجع عليه كذذا مره
                - الردياتير و المروحه الكبار لازم يركبوا بتوع ال 1600اوتو
                - الفتيس لو فيه زيت تمام لو مافيش يبقي زيت ابيض بتاع الفتيس الكهربا و ده ب 100 اللتر و هي بتاخد 4 لتر
                - الدفيره لو لنص يمين يبقي هاتخدها في كيس زي الشاطر و تتطلع علي و احد بس مافيش غيره مضمون و انت كده كده هاتطلعله
                - السوست الاماميه هاتتغير وها تحط عليات فيبر قدام عشان الموتور الجديد و الفتيس تقال جدا
                - اتاكد من بلي العجل في الصره و من الطنابير و التيل و انت هناك بالمره عشات الاوتوماتيك بياكل تيل و طنابير
                الميكانيكي هايسيب الدفيره القديمه راكبه و العريبه هاتمشي علي التالت بس و المارشدير وده اسمه الاميرجنسي يعني الفتيس مش هينقل كل النأقلات و بعد ما تحاسب الميكانيكي علي المصنعيات تطلع الحرفيين للكهربائي

                نصيحه لوجه الله اوعي تودي العربيه لحد غير و احد اسمه م رشاد الكهربائي و هو محترم جدا وغالي جدا جدا بس شاطر و بيعمل الحاجه من غير ذيل ترجعلو بيه
                في كذا كهربائي عمل عربيات اتوماتيك و اصحبها كرهوا العربيه بسبب المشاكل اللي ملهاش حل
                هو بيفتح الساعه 12 ليلا هتروح الاول تعرف مكانه و تتكلم معه في يوم عشان تتاكد من المصنعيات و تعديل الدفيره هيكلف كام و تتفق تجبله العربيه امتي و تاخدها امتي منه و ده متوسط 4 ايام او 3 وده قبل ما تدفع ثمن الموتور عشان ما تتسوحش لو هو مش فاضي و اعمل حسابك انك هاترجع لوحدك من غير عربيه اليوم ده في عز الليل فا خد حد من اصحابك يوصلك احسن
                متوسط مصنعيات كهرباء و ميكانيكا حوالي 1800ال 2200 و انت و شطرتك معاهم بس صدقني اشتري دماغك عشان لو و وفرت عند حد تاني مصنعيات هتدفعهم اعطال و حرقه دم وعطله ليك وللعربيه الناس ديه انا و غيري جربناهم و متاكدين انهم تمام في موضوع الاتوماتيك

                رشاد هيسلمك العربيه لو حطيت عليها كوبايه شاي ما تتهزش يعني كهربا تمام و الفتيس بينقل كل النأقلات و هيكودلك الايموبلايزر
                اسئل رشاد اخبار الفتيس اه لو في erors
                تتاكد ان الدنيا مشيه تمام و فل ان شاء الله و المكنه مش خشنه و الفتيس تمام ترجع لسيد عبده تعمل سرفيس كامل زيوت فتيس و موتور و سيور وفلاتر بنزين و زيت و هواء و بوجيهات و اشتري غطاء قربه الميه جديد او استيراد الاسود بتاع البورا
                تركب مشترك الشكمان و تطلع علي بتاع الزوايا عشان اللمسات النهائيه
                يبقي انت عايز ورق الموتور الجديد من عند محل قطع الغيار
                لو عايز تحكم علي الشغل و تحس بكفاة الموتور في العربيه حطلها مره بنزين 95 بعد السرفيس و هاتحس انك ركبت الماني بجد بالاخص في السفر
                نصيحه لوجه الله ابعد عن الصنايعيه اللي بتفتي و اوعي تشتري مكنه من حد مش مضمون و انا اعتقد ان 80 في الميه من الحرفيين من الصنف ده
                الخلاصه ان الموضوع يستحق و الحياه في الاتوماتيك لذيذه جدا جدا و الحمدلله
                و ميزه البولو ال 99 ان قطع غيارها رخيصه و متوفره و عربيه اعتماديه جدا و صغيره من بره ووسعه من جوه و حماله قاسيه
                توكل علي الله و افتكر ان مفيش الماني اتوماتيك بالثمن ده و حط تحت الماني 150 خط احمر
                يارب اكون افدتك و الله اعلي واعلم

                Comment

                • #9
                  ممكن تقولنا تكلفه كل حاجه لوحدها كانت كام بالتفصيل ؟

                  الموضوع شيق جداااا ومغرى وخصوصا بعد الوجع فى الرجل الشمال اللى الواحد بينزل من العربيه بيه من كتر الاشارات

                  يعنى النص ده كلفك كام او بمعنى تانى الاجزاء جبتها بكام ومصنعيه الميكانيكى لوحدها والكهربائى لوحده كام ولو فيه تفاصيل تانيه يا ريت تقولهالنا

                  Comment

                  • #10
                    .....................................
                    .....................................

                    انذارلمخالفة للإعانات التجارية
                    م ع 6

                    Comment

                    السابق template التالي
                    Working...
                    X