العربيه بتاكل زيت(البيتل)

[Ahmed Mubarak]

ياجماعة النهارده قلت ابص على الزيت مع انى مغيرة من يوم 8/4/2009 تمام
العداد فى وقتها كان عامل 36581 والقراءة الحاليه للعداد هى 36271 يعنى 590 كم
ولما غيرت الزيت فى تاريخه كان المقياس فى المنتصف بين الحد القصى والحد الادنى اما الان فهو عند الحد الادنى بالظبط او اقل حاجة بسيطه هل دا معدل كويس ولا كدة العربيع بتاكل زيت علما ان نوع الزيت شل x100
وجزاكم الله كل خير

[ابوهاشم]

استاذ احمد
ممكن بس حضرتك تقوللى انت كنت بتغير زيت مقداره قد ايه بالظبط
علشان انت بتقول بيكون فى منتصف العلا متين وطبعا المفروض الصح
يكون على العلامه اللى فوق بالظبط او تحتها بشويه لكن مش فى النص
ومعنى كده ان الزيت قليل وده طبعا معناه ان الموتور يسخن وياكل زيت اكتر
على العموم المفروض ان الزيت يكون 2.5ك بالتحديد ممكن يزيد لحد ربع ك بالكتير لكن ماينقصش عن كده ابدا

[amo400]

كلام سليم من محترف بيتل زلى ما عودنا دايما

[ahit]

استاذ احمد
ممكن بس حضرتك تقوللى انت كنت بتغير زيت مقداره قد ايه بالظبط
علشان انت بتقول بيكون فى منتصف العلا متين وطبعا المفروض الصح
يكون على العلامه اللى فوق بالظبط او تحتها بشويه لكن مش فى النص
ومعنى كده ان الزيت قليل وده طبعا معناه ان الموتور يسخن وياكل زيت اكتر
على العموم المفروض ان الزيت يكون 2.5ك بالتحديد ممكن يزيد لحد ربع ك بالكتير لكن ماينقصش عن كده ابدا

أستاذ و رئيس قسم يا هاشم
المهم عند قياس الزيت تكون يا أحمد واقف على أرض مستوية ( العربية مش إنت ههههههه بهزر معاك إوعى تزعل ) و الماتور بارد و تشيل المقاس و تمسحه و بعدين تقيس و بعدين تكرر العملية مرتين أو ثلاثة عشان تطمن و المهم إن مستوى الزيت يكون بين العلامتين أو زيادة بسيطة عن العلامة Max لكن مش أقل من Min

[ihab]

سؤال بس هو انت بترجع بظهرك كثير بالعربية لورا لان العداد بيقل مش بيزيد
تمام كل الكلام السابق مع ملاحظة ان مواتير البيتلز بتستهلك زيت الموتور من نص الى ثلاثة ارباع كيلو زيت لكل 1000 كم و ده استهلاك طبيعى

[Ahmed Mubarak]

استاذ ايهاب
العداد فى وقتها كان عامل 35681 والقراءة الحاليه للعداد هى 36271 يعنى 590 كم

تمام كده ادينى مشيت لقدام وبطلت ارجع ورا

وجزاك الله كل خير

[ihab]

جزانا و اياكم يا استاذ احمد

[Ahmed Mubarak]

السلام عليكم
يا جماعه انا عند ى تعريقه زيت ورا الطمبورة بتاعة الموتور وتحت طرومبه البنزين
كمان لما اجى ادور العربيه فقط بلاقى فى دخان ابيض مش عارف ليه
فهل دا طبيعى ولا انا عندى مشكله
شكرا وجزاكم الله كل خير

[ابوهاشم]

فى الغالب طقم شنبر وجوانات

[Ahmed Mubarak]

استاذ هاشم
ممكن بس توضح لى يعنى ايه طقم شنبر وجوانات ودى حاجه كبير ولا بسيطه وتتكلف كتير ولا حاجه بسيطه
وجزاك الله كل خير

[ابوهاشم]

طقم الشنبر بيتكلف حوالى 250 جنيه وطقم جوانات كامل اصلى ب70 جنيه بس طبعا بعد ماتتاكد من ميكانيكى امين ان فعلا هى دى المشكله وان شاء الله خير

[Ahmed Mubarak]

شكرا جزيلا يا استاذ هاشم على الافادة

[ابوهاشم]

العفو ياباشا احنا كلنا اخوات
ونتمنى نشوفك فى مقابلتنا يوم الجمعه