سؤال فني وهام بخصوص تغيير فتيس محرك 1000 الي 1400

[ehab_mansour]

السلام عليكم ورحمة الله وبركاته

الاخوة الكرام
أولا :هو ينفع اني اركب فتيس 1400 علي محرك 1000 ؟
هو فيه ميكانيكي متخصص في الموضوع ده قلي ينفع بس انا عايز اتأكد من أهل الخبرة في المنتدي
ثانيا :ولو ينفع ايه هي الأضرار والمميزات الناتجة عن عملية التغيير علي كل من :
1- المحرك وقوة السحب
2-نسب الغيارات والسرعات
3- استهلاك البنزين

أرجو الإفادة منكم وخاصة مستشار فولكس مهندس أسامه موسي ربنا يرجعه بالسلامة من السفر

السيارة ابيزا 1998 وهي نفسها محرك وفتيس البولو 1998 1000 سيسي

وشكرا

[M.Mostafa80]

والله فعلا يأيهاب الى هيفيدك قوى فى الموضوع ده المهندس أسامه فعلا ربنا يرجعهولنا بالسلامه
بس والله أعلم هتبقى أضراره أعلى من مميزاته أذا كان ينفع
هو أسامه كان متكلم مع حد قبل كدا فى الموضوع ده بس مش فاكر فين

[iBiZa]

انا فهمت من كلامك كدة ان الفتيس بتاعك باظ و محتاس مش لاقى بتاع ال1000cc عشان زى ما بتوع قطع الغيار بيقولوا علية هيروين.

فتيس ال1400 ما ينفعش عشان النسب بتاعتة مختلفة و هتفرق معاك فى السحب و هتحس ان العربية مكتومة اوى.

دية ارقام الفتايس اللى ممكن تركب على مواتير الPolo ال1000 عشان مش عارف بصراحة هى نفس الحلة بتاعة الIbiza ولا لأ:
DKC
DKG
DXD
EQW

و هو الفتيس كان موجود عند بيومى من شهر كدة بس طبعا معرفش لسة موجود ولا لأ.

ممكن بردة تسال عند محمد الشحات كان عندة.

[M.Mostafa80]

لو عايز تغير الفتيس يأيهاب أبقى قولى وانا هشوفلك واحد وربنا يكرم بس هو أيه المشكله بالظبط عندك فى الفتيس

[ehab_mansour]

الف شكر علي ردك ياباشا
انا فتيس عربيتي شغال كويس لكن فيه ونه خفيفة قوي أوقات لا تسمع من صوت الكاوتش في الغيار الخامس فقط لكن انا عايز أعرف من الناحية الميكانيكية في التركيب ينفع ولا هيحتاج تعديل ثانيا موضوع العربية هتتخنق دي ممكن حلها باني ادوس علي الغيارات شوية بدل ما أنقل بدري .
انا بفكر اغيره فقط لتحسين أداء السيارة علي الطريق السريع وفي السفر لأن عداد لفات المحرك بتعلي قوي والسرعه مش قوي يعني مثلا بجيب 140 علي 4700 لفة في الدقيقة أكيد دي هتقل كتيييييييير لو غيرت الي فتيس 1400 .
تعرف انا بفكر في ايه بفكر اني اخلي الميكانيكي يغيرلي ترس الغيار الخامس فقط بتاع ال 1000 بواحد من فتيس 1400 ومش عارف بس أعتقد انه صعب شويه .
موضوع وجود الفتيس ال 1000 وال 1400 فده متاح لأن الميكانيكي قلي اللي انت عايزه هجيبهولك من بورسعيد سواء ده او ده وانا سألت علي فتيس ال 1000 هنا في الحرفيين وموجود .

وشكرا علي ردك ومنتظر بقية أراء الأخوة

[M.Mostafa80]

أنا على فكره غيرت مجموعه التروس بتاعت الخامس قبل كده بسبب البليه بتعتهم والعمليه كانت أسها مما يمكن

[ehab_mansour]

أنا على فكره غيرت مجموعه التروس بتاعت الخامس قبل كده بسبب البليه بتعتهم والعمليه كانت أسها مما يمكن

طيب فين وبكام وجبت الترس نفسه منين أصلا قلي القصة كلها

[M.Mostafa80]

القصه أنى كنت ببقى ماشى بالعربيه على الخامس ألاقى الغيار نطر من مكانو المهم روحت للميكانيكى فك الوش بتاع الفتيس الى فى الجنب وطلع المجموعه لقينا البليه المحاطه بفبر فرطت ودا كان السبب وساعتها أدانى المجموعه كلها مرضيش يدينى البليه بس
طبعا أخدتها وعندى التروس بتاعتها حتى الأن شايلهم لأنهم كانو زى الفل ومفيهمش أى حاجه
الميكانيكى كان هانى سمير ورا حديق بدر العمليه كلها بتركيب الترس بالزيت بتاع الفتيس شمطنى ساعتها فى 300 جنيه

[ehab_mansour]

تمام كده بس اعتقد عن اللي بسمعه عنه انه ما أخدش منك كتير يعني لو المصنعية بالجزء ده بكل حاجه 300 جنيه يبقي ممتاز ده كان هياخد مني 140 مصنعية تركيب طلمبة المياة علي العموم لما اروح للميكانيكي هشوف كده ايه اللي ممكن يتعمل والله المستعان

[alzelafy]

اهلا بالمهندس الفاضل ايهاب و صاحب الفضل فى معرفتى بهذا المنتدى الرائع ---- قابلتك صدفه عند مكاوى المنصورة و دار بيننا حديث منذ ثلاثه اشهر و اعطيتنى كارت مش عارف هتفتكرنى و لا لا على العموم انا قريت مشاركه قبل كدة عن الموضوع دة ان فتيس ال 1000 له ارقام بييجى عليها للتوافق و موديل 97 يختلف عن 98 رغم انهم 1000 سىسى الاتنين و لكن لهم ارقام مختلفه و طبعا مش فاكرهم اقترح عليك استنى شويه و لو الموضوع زاد عندك ممكن توديها لمحمد على فى المنصورة الحسنيه هو مشهور اوى هناك عملنا عندو فتيس اودى ايه فور اتوماتيك 98 مكنش بينقل عملو و اشتغل بس شهر و الفتيس باظ و دا نظرا لان الاوتوماتيك مينفعش تلعب فيه شيل و ارمى على طول لكن المانيوال ممكن تعمل فيه الكفت و طبعا لو جبت من الحرفيين حاول تركبو و انتا واقف و تجرب لانك لو رحت عن عدم درايه بالارقام هيديلك اى فتيس ابيزا و خلاص هو دا اسلوبهم و هينعك انو 1000 سىسى و سبحان الله انا فاتح الكمبيوتر النهاردة و داخل على النت مخصوص عشان موضوع ارقام الفتيس د ى عاوز اعرفها لان حصلى مشكله امبارح و كنت هغير فيها فتيس بس ربنا ستر وربنا معاك عوما ما تتسرعش طالما العربيه ماشيه

[ehab_mansour]

أهلا بيك يا باشا
طبعا فاكرك وفاكر اليوم ده وانا تقريبا الفتيس عندي مافيش فيه مشكلة قد كده لكن انا اللي محتاج أغير للتحسين وموضوع الأرقام ده وبيانات كل شيء في سيارات مجموعة فولكس كلها عندي وعارف أرقام كل قطع غيار عربيتي الأصلية ولا تقلق انا فقط عايز أتشاور مع الأخوة هنا اللي هما أكثر مني خبرة في فولكس ونشوف وربنا ييسر وأكيد هوصل لحاجه كويسه ان شاء الله ولما أوصل لأي تعديل هعرفكم ان شاء الله
وأخيرا الفضل لله وحده وربنا يجعلها معرفة خير ان شاء الله