بولو سيدان اتوماتيك 2003

[umoussa]

هناك علامة استفهام كبيرة على جميع العربيات اللاتيني من إنتاج فولكس، مثل

جول
بوينتر
براتي
سوران
البولو العيون

العربيات بمواصفات برازيلي ونقدر نقول ملهاش أي وجود في أوروبا ا عدا البولو العيون بس الموجود فيها في أوروبا بمواتير أوروبي مش برازيلي وفي اختلاف كلي وجزئي

بلاش تحط نفسك على مرجيحة التوكيل

[firestorme]

من رأي هات جولف 4 اريح وانضف وحاجاتها موجودة وكاتيجوري تاني

[umoussa]

أنا ممكن أوافقك على الفكرة دي قلباً وقالباً

[mohamed78]

بولو سيدان دى عربية زى الفل و انا اعرف انها ابتدت فى مصر من 2003 و الى 2005 بالنسبة الى البرازيلى ال 1400 سيدان

[alzelafy]

اوءيد فكرة الجولف بشدة و طبعا دى عربيه مفيبش خلاف عليها بين اتنين و نفس المواصفات تقريبا اللى حضرتك طالبها بس دى بقى المانى اصلى يعنى و لا اتحاد اوروبى و لا برازيلى و لا هندى و لا الكلام دة خالص هتريح نفسك و هات الالمانى الاصلى اللى البولو مقلداة

[umoussa]

البولو ليست مقلدة بس الموديل بتاع البولو العيون ده فشل ومحققش سمعة طيبة لا في مصر ولا برة مصر

زي كل العربيات البرازيلي - حاجة سيئة

[Ahmed.TV]

بس اللى سمعته عن العربية دى تانى بعد السوال اكتر ان قطع غيار البورا بتمشى معاها تمام وموضوع الكنترول يونت بتعها ده اى كنترول يونت بتاع عربية محترم اكيد غالى لو اشتريته جديد ولازم من التوكيل وغير كدا ممكن يكون مش موجود حسب اى عربية , بس اخ اللى كان بيقول ان الاوروبى لوجبته مش حيركب عليها اشك فى كلامه ومش حتفرق قطع غيار برازيلى من اتحاد اوروبى من اسبانى المهم ان كل موديلات العربية لو جبت الكنترول بتعها حيركب على بعض سواء بقا كانت العربية برازيلى او اسبانى او المانى,, هوانا اجلت فكر الشراء حاليا وموضوع الجولف طبعا مفيش عليها اى غبار وتعظيم سلام بس للاسف هاتش باك وانا زهقت من موضوع الهاتش باك موت عشان الشنط