مشكلة نقص الزيت فى البولو ؟؟؟

[M.Mostafa80]

انا طبعا كنت أتكلمت قبل كدا عن نقص الزيت عندى وكنت لقيت ان المبخره معرقه زيت فغيرت الأولسيلات بتاعتها والنهارده بكشف على الزيت بردو لقيت الزيت نقص طب أعمل أيه تانى لو مطلعش المشكله من الكرتيره أصلى لقيت عليها شويه زيت معرقين معنى أنها مطلعتش هى السبب يبقى كدا شكلى محتاج طقم شنبر شورو عليا أعمل أيه

[ابوهاشم]

طيب حضرتك مغير زيت امتى
ونوعه ايه
لان ممكن يكون السبب من الزيت نفسه

[M.Mostafa80]

أمارات مصر 5000 عملت 2100 وقبل كدا كنت بحط شيل الأصفر وبردو كان بينقص والميكانيكى بيقول التعريق الى على الكارتيره دا ماينقص الزيت بس طبعا أنا واخد مبداء الحذر لأنو ممكن يكون عايز يفتح لنفسو شغل وألاقى نفسى دخلت فى عمره طقم شنبر بقى وخراط والحوارات الى انتو عارفينها دى مع ان الغريب بقى فى الموضوع أنها عامله 121000ك بس مش معقول بعد الكيلو متر القليل دا تحتاج طقم شنبر

[ابوهاشم]

طيب بداية لما غيرت الزيت حصل النقص ده
ولا بعد ال2000ك
احب اوضحلك ان العيب لو من العربيه يبقى كان هيحصل نقص
من بداية ماغيرت الزيت او حتى بعد 100ك
لكن لو بعد ماعديت 1000ك يبقى العيب من الزيت نفسه مش العربيه
فى زيوت كتير بيقولو 5000 و3000 وهى 1000ك بالكتير وتلاقيه حل وفك وبدأ ينقص
لانه لما بيحل بيبقى سهل التبخير

[M.Mostafa80]

لأ هو بعد ماعملت 1000 ودلوقتى أنا عامل 2100 ووصل للنص بين العلمتين مع وجود تعريق حول الكارتيره والموتور من تحت

[ابوهاشم]

بصراحه انا كده شكى بقى حقيقه
هو اكيد من الزيت نفسه
لانه لو من الموتور ماكنش استنى بعد ال1000

[M.Mostafa80]

بس فى نقطه عايز أوضحهالك ويارب ياربالموضوع ما يكنش ليه علاقه بالموتور نهائى أنى أيام شل كان بيحصل بردو الموضوع ده بس بردو بعد ما كون عملت 1500 أو 2000 ك يارب ماتكون عايزه طقم شنبر أصل لوكده هتبقى نهايه مأساويه لقصه حب كبيره
:K14:

[ابوهاشم]

طيب نقص الزيت ده بيكون مقدار قد ايه تقريبا
وهل لزوجة الزيت لسه زى ماهى ولا بقى خفيف

[ahit]

السلام عليكم
إزيك يا محمد باشا إنت و هاشم باشا
إطمن يا محمد إن شاء الله خير و بعيد عن الماتور
من كلامك واضح إن الزيت بينقص بعد ال1500 كيلو و أنا مع هاشم إنه يكون الزيت مش كويس لأن عربيتك على ما أعتقد مابتدخنش ولا بتاكل زيت لغاية 1500 كيلو تقريباً.
و ياريت تراجع على كرتيرة الزيت يمكن بتسرب و إنت متهايألك ترشيح بس
و عشان تتأكد و تطمن قبل أى شىء غير الزيت بنوع مضمون و تابعه كل 3 أيام أو يومين و شوف معدل النقص لو كان موجود و إن شاء الله تطلع مشكلة نوع زيت فقط.

[M.Mostafa80]

يارب يسمع منكم ربنا وتكون العمليه كدا

[ابوهاشم]

على فكره يامحمد باشا
انا اتاكدت بنفسى ان زيت امارات مصر مش كويس
وخلى صوت الموتور معايا عالى جدا
واللزوجه خفت جدا وبقى زى الماء
مع انى لسه ماعملتش 200ك
ياريت تجرب نوع تانى

[M.Mostafa80]

نفس الكلام عندى الزيت اللزوجه راحت والعلامه عندى بقت على النص

[ابوهاشم]

نفس الكلام عندى الزيت اللزوجه راحت والعلامه عندى بقت على النص

كده يبقى لازم تغير يامحمد ومتزودش طالما الزيت حل

[M.Mostafa80]

ماهو هو دا الى هيحصل

[original]

إزيك يا محمد بقوللك أنا كان عندى نفس المشكلة فى المبخرة وكمان لما لقيت الكارتيرة معرقة زيت لقيت المشكلة فى أويلسيل الكامة العلوى وغيرته والحمد لله.. مابحطش غير زيت تخليقى موبيل1 والعربية ماشاء الله عامله 220 ألف كيلو فيه نقص فى زيت ال 100000 نصف كيلو تقريبا لحد مابغيره ودى بتظهر معايا فى آخر 2000 كيلو..
إتأكد من أويلسيلات الموتور مش الكارتيرة..