الفولكس الشيروكووووووووو !!!!!!!!!!!!!

[Cypher]

يا جماعه انا العربيه دى مع واحد ساكن جنبى بقالها اسبوعين اهى واول مره شوفتها مفهمتش هى ايه العربيه دى الا بعد مشوفتها مركونه و للاسف انا معرفش الراجل دع عشان اقولو ورينى او اخليه يكلمنى عليها العربيه تحفه بكل المقايس و انا كنت هاجيب اودى A4 وصرفت نظر كليا و انشاء الله هاجيبها و قريب اوى كمان و هاغرق المنتدى هنا صورها و معلومات عنها بس انا زعلت اوىىىىى اما دخلت و ملقتش اى كلام عنها نهااااائى ولا موضوع واحد عنها و دلوقتى انا محتاج مساعده منكم عايز اعرف كل حاجه عن العربيه كل حاجه و اى حاجه حد هنا يعرفها يقولى و يساعدنى اختار لون ايه الى شوفتها السوده و عايز اعرف هى حجز و لا استلام على طول و الاوبشنز و الموتور و تصنيع و تجميع المانى و لا لا ؟؟ و ايه رايكم اجيبها ولا الجولف 6 الجديده مع العلم فرق الفلوس مش هيبقى مشكله عشان انا كنت هاجيب الاودى اغلى من كده كتيير بس الشيروكوووو دى مشكله و ياريت اعرف اعمل تيست دريف ليها ازاى

[a20101d]

glofffffffffffffffffffffffffffffffffffffffffffffff ffff 6

[Cypher]

ايه يا جماعه هو محدش عايز يرد عليا ليه ؟؟ انا شايف مواضيع تانيه كتيير اترد عليها و انا ولا رد و الاخ الى كاتب جولف 6 ممكن اعرف طب ليه ؟؟؟ عايز اقارن بخبره الناس هنا ليه محدش عايز يفدنى

[sa3dawy]

الشيروكو الجديدة تحفة من نحف الزمان .....
موتور 1400 tsi 160 hp + فتيس dsg بيخلى التسارع بتاعها من 0-100 فى اقل من 8 ثوانى
العربية لسة نازلة مصر مبقلهاش اسبوعين .. واتسعرت ب285 الف الفول اوبشن (سقف بانوراما خرافى وdvd وجنوط 17 وفتيس dsg وكماليات كتير اوى اوى اوى )
وطبعا العربية فئة مختلفة تماما عن الجولف واغلى ومينفعش تقارن بينهم بأى حال من الاحوال ...
العربية من الاخر تحفة ومعليهاش كلام نهائى
واللون الابيض والنبيتى فبها خراافيين (خصوصا الابيض بالسقف البانوراما )
وربنا يوفقك
(هوا انتا كنت عايز تجيب الaudi a4 tfsi full options ??)

[Cypher]

اولا مش عارف اوصفلك سعدتى اد ايه بحد بيرد عليا بجديه الف الف شكر يا باشا و اه انا كنت هاجيب الى بموتور Tsi الى هى 160 حصان و فتحه سقف و زينون وكانت عامله 425.000 بس الشيروكو بهرتنى نفس الهورس باور على موتور سى سى اققل و الغريبه ان الاتنين Tsi و شكل الشيروكو جبااااااااار عن الa4 و بعدين انا مش عارف الفتيس الdcg نازل فى الa4 الى كنت هاجيبها ولا لا انا كنت حاجز اللون السيلفر ميتالك و كانت جيه كمان شهر بس هاروح الغيه إن شاء الله و اخود الشيروكو بس مش عارف هى حجز بردو ولا استلام مباشر و ياريت يا باشا معلش هاتعبك معايا ياريت تقولى بقيت الاوبشنز و الفرق مبينها و مبين الجولف 6 عشان اعرف اقنع الوالد هنا عشان ميعدش يقولى بتاع و خلاص حجزنا اصلى بصراحه قرفتو و كلفته كتيير عشان اجيب الa4 الى انا عيزها مش الستاندرد و اعتقد هسمع نصيحتك و اجيب اللون الابيض إن شاء الله و ياريت يا جماعه اى حد عارف اى حاجه يخش يفدنى ارجووكم ووعد اول مستلم إن شاء الله هعمل موضوع ممل عنها عشان اى حد يكون زى كده و محتار يلاقى الاجابات كلها

[Ahmed Selim]

معلش سؤال سريع

أنا اللى أعرفه أن مواتير vw ال tsi نوعين بس واحد 120 حصان تربو و التانى 140 حصان double turbo ......اللى نازل فى الشيروكو ده أيه ؟؟؟

هل هو نوع تالت و لا سى سى أعلى ولا أيه؟؟

[Cypher]

يا باشا النوعين دوا فى اول جيل سنه 2007 الى نازل فى الشيروكو 1400 سى سى 160 حصان 240 نيوتن متر و بيطلع عند 1750 ار بى ام تخيييييييل و الهورس باور كلو بيطلع عند 5900 ار بى ام تخيل و الرد زون من الصور الى شوفتها عند 6500 ار بى ام تخيل اداء العربيه دى هيبقى ازاى اما الى فى الاودى فصدقنى كل الى اعرفو ان الستاندرد بتاعها 1800 سى سى 120 حصان و الtsi بيبقى 1800 سى سى 160 حصان بس العزم اققل من الشيروكو على ماافتكر ليه بقى مش فاهم الفرق ايه بالظبط بس هسال و انا بغير نوع العربيه إن شاء الله و ادلك و لو فى حد من الاخوه عارف ياريت يقول و زى مقولت اى معلومات ييييييا ناااااااااااااس

[amrhady]

ممكن ده يساعدك شويه http://www.nilemotors.net/Nile/showthread.php?t=69485 on page 4,5 some specs for the Golf

روح اتفرج عليهم عند بي اوتو في المعادي او عند التوكيل في العبور

الشيروكو عربية جامده طبعا, لكن انا مش بفضل الكوبيه, ,وفكر في الresell value, فأرجح الجولف وانا شخصيا بقتنع بالجولف عن اي عربية. ألأوبشنز في الشيروكو اكتر (DVD, Sensor Package -park,light,rain-, leather seats) لما تروح التوكيل هتعرف التفاصيل

المشكلة في الجولف ان مفيش الوان غير اسود, ادامهم حوالي شهر عشان تنزل الوان تانية - انا رأيي ان جولف (special order) هتكون اجمد من الشيروكو

ممكن تعمل customize للجولف وتاخد فكره هنا, click on "configure"

http://www.volkswagen.co.uk/#/new/golf-vi/

وبص بردو على الجولف GTI

[bmw323]

دى صور الجولف 6

[Cypher]

يا جماعه انا متشكر اوى لكل الى رد عليا بس لسه محدش فادنى اوى فين المقارنه بين العربيتين و فين بقيت المعلومات عن العربيه يا جماعه انا مليش خبره فى الفولكس خالص عشان كده بسئلكم امال اسال فين بس و يا ريت لو ليها تست دريف اعرف اعملو فين و اكلم مين

[blazer]

أل 3 عربيات اللى بتقارن بينهم جمال جداااااااااا
بس هما 3 فئات مختلفه واحده سيدان audi a4
واحده هاتشباك golf mk6
واحده كوبيه Scirocco
وال 3 عربيات محدش هيختلف عليمن بس انت ايه احتياجاتك من العربيه
لان ال 3 عربيات نفس الهورس باور تقريبا مع اختلاف العزم
ال A4 اغلى منهم كلهم
ال golf افضل واحده فى أل re sail value وهى اقل اوبشنز من العربيتين التانين
اسرع عربيه فيهم اعتقد هتبقى ال Scirocco

[Islam Amer]

حبيت أقول الف مبروك مقدما

ومنتظرين التقرير والصور

[Cypher]

أل 3 عربيات اللى بتقارن بينهم جمال جداااااااااا
بس هما 3 فئات مختلفه واحده سيدان audi a4
واحده هاتشباك golf mk6
واحده كوبيه Scirocco
وال 3 عربيات محدش هيختلف عليمن بس انت ايه احتياجاتك من العربيه
لان ال 3 عربيات نفس الهورس باور تقريبا مع اختلاف العزم
ال A4 اغلى منهم كلهم
ال golf افضل واحده فى أل re sail value وهى اقل اوبشنز من العربيتين التانين
اسرع عربيه فيهم اعتقد هتبقى ال Scirocco

تمام يا باشا و انا كلمت الراجل الى فى التوكيل الى حجزت منو ال A4 وقالى تحت امرك بس تعالى بص على العربيتين الاول لاخر مره و للاسف قالى الشيروكو بالحجز او سبيشيال اوردر و قالى نازل منها بره بموتور 2000 سى سى TSI وانه عامل 200 حصان و 207 نيوتن ميتر عزم و لو عايز جلد لونو غير الاسود يبقى هعمل اوردر و استنى شهر و نص

[amrhady]

شهر ونص ده مش كتير, انا سألت أبل كده على سبيشيال اوردر للجولف ألولي مش اقل من 3 شهور. هو انت بتكلم اوتوموتيف(19525)؟

[Cypher]

لا بكلم استاذ رافت فى اودى هو نفس المكان فى العبور و هو عارف كل حاجه عن الاتنين و بيكلمنى من جوه المبيعات و بعدين يا باشا شهر و نص ده على الشحنه الى جايه من الشيروكو الى هى عادى مش اسبيشل اوردر انا معرفتش اوضح بس لكن اسبيشال 3 شهور لئتى سائل على الموضوع ده فى الاودى و لنفس السبب انى عايز فرش جلد احمر قالى 3 شهور