ممكن مساعدة قبل شراء بولو 2001

[ahmedchico]

السلام عليكم ورحمه الله و بركاته


يا جماعة انا عايز مساعدة ضرورى لأنى معروض عليا بولو 2001 و انا مش عارف سعرها فى السوق كام

هى فبريكة برة و جوة عدادها عامل 70000 و صاحبها بيقول ان كل صيانتها فى التوكيل ومعاة كل الفواتير
و معروضة عليا ب 40000 جنية و بيقولى دة خدمة ليا علشان احنا جيران وكدة


و انا معرفش سعر العربية دى فى السوق كام و هل كدة رخيصة ولا عادية ولا اية بالظبط
وهل السيارة دى مطلوبة ولا لو فكرت انى ابيع هتقعد جنبى و ماحدش هيشترى ؟؟

و بالنسبة لقطع غيارها متوفرة ولا مش موجودة ولا اية ؟؟

ياريت يا جماعة تساعدونى فأقرب وقت علشان هو مستنى منى رد و لو حد عندة ملحوظة ياريت يعرفهالى

وشكرا

[ahmedchico]

اية يا جماعة هو الموضوع معقد اوى كدة
ولا انتم مش بترضوا على الاعضاء الجدد d:
عموما يا جماعة لو حد يقدر يفيدنى فى الموضوع دة يبقى كتر خيرة لأنى بجد مستنى اى معلومة عن الاشياء اللى انا طلبت الاستفسار عنها .
و شكرا

[أبو_حمزة]

بالحالة الموصوفة العربية لقطة سعرا وحاله
حسب سعر السوق هى تعمل 42 الى 46 و على فكرة انا بدور على واحده بحاله كويسه من فترة عشان كده عارف الاسعار الحالية
العربية الناس بتشكر فيها جدا و قطع غيارها متوفرة و معمرة بس طبعا غالية
اعادة البيع ممتازة
لو مش عايز انت تاخدها ابعت لى على الخاص و اجى اشوفها و اشتريها لو فى نصيب

[mostapha]

العربية دي ممتازة ممتازة. من وجهة نظري مافيهاش أي مشاكل. بقالها 7 سنين 100 100، أول حاجة أغيرها فيها كانت البطارية، و الكلام ده من 4 شهور.
بس هي مش عاملة كتير، هما 35 الف كيلو.

اظن 40 الف سعر معقول.

[أبو_حمزة]

العربية دي ممتازة ممتازة. من وجهة نظري مافيهاش أي مشاكل. بقالها 7 سنين 100 100، أول حاجة أغيرها فيها كانت البطارية، و الكلام ده من 4 شهور.
بس هي مش عاملة كتير، هما 35 الف كيلو.

اظن 40 الف سعر معقول.

طب لو ناوى تبيع بجد مش هزار قول لى عشان انا عايز واحده للجماعة و مفيش عندى وقت اروح و آجى و مرة تطلع حلوة و عشرة تطلع كشك صاج

[ahmedchico]

شكرا يا جماعة على الردود انا بعد لما قرأت الكلام دة اتصلت بصاحب السيارة و اتفقت معاة على يوم الخميس علشان
عايز اكشف عليها
بس هو انا لو عملتلها كشف شامل فى التوكيل بتاعها هيكلفنى كتير ولا اية النظام
ولا اتعامل مع ميكانيكى و سمكرى من برة و خلاص ؟؟؟
ياريت تفيدونى يا جماعة علشان بأختصار انا خبرتى فى المجال دة صفر %
و جراكم الله كل خير

[أبو_حمزة]

لو الراجل جارك و انت واثق فيه و العربيه قدامك كل يوم يبقى مفيش داعى للكشف اصلا
اما لو الحال غير كده يبقى الكشف فى التوكيل يستحسن بعد ما حد يبص لك عليها عشان بيتكلف و مش ها يقل عن 300 جنيه على اسعار توكيل فولكس.
بس لو العربية حالتها زى ما الراجل قال و عرضها للبيع هتتاخد عى طول فرأييى انك تنجز
و بكرر لك تانى لو انت متردد انا ممكن جدا اخدها و تليفونى 0126731170 و ها ادعى لك انك وفرت عليا وشاوير البحث المضنية

[ahmedchico]

والله يا اخى هى الثقة موجودة
بس هى كل الفكرة ان ممكن يكون فيها حاجة مش ظاهلرة بس
او حاجة عمرها انتهى زى اجزاء فى العفشة او الكلام دة و انا زى ما قولت انى مش بفهم فى الكلام دة
بس هو انا قبل ما اعمل الفحص دة فى التوكيل لازم حد من برة يبص عليها ولا اية ؟؟؟
اصل انا شوفت الفحص دة قبل كدة فى سيارة جيب 2003
كانت نتيجة الفحص طالعة فى حوالى 7 ورقات و كان جايب كل التفاصيل من ال أ الى ال ى
و اعتقد انى بفحص التوكيل دة مش محتاج حد تانى يبص عليها ..... ولا انتم اية رأيكم

و اوعدك اخى sabbagh ان لو ماحصلش نصيب لأى سبب من الاسباب انى اقولك اية السبب دة و انا اللى همشيلك فى الموضوع ان شاء الله

[M.Mostafa80]

العربيه سعرها لقطه أنا عربيتى 98 تكييف وباور وسنتر وزجاج كهرباء أنذار وجنوط سبور وكاسيت طالب فيها ال 40000 وانت بتقول موديل 2001 يعنى زى الفل العربيه دى مش اقل من 45

[أبو_حمزة]

ايه الاخبار طمنا وصلت لايه

[topfield]

اشتريت ولا لسه

[Ahmed.TV]

سعرها لقطة بجد ولو جارك وواثق فيه توكل على الله

[original]

إتوكل على الله دى حتى لو فيها مشكلة برده لقطة..

[adsense]

توكل علي الله دي لقطة 40 الف دا سعر جامد جدا هي سعرها الحالي 45 الف اعتقد
ربنا يبارك لك فيها وياريت تقولنا هي ايه مواصفتها يعني
سنتر وتكيف وباور وازاز كهرباء ولا لا ؟
وشكرا