فولكس واجن باسات 2007

[Fadi Ezzat]

ياجماعة انا قدامى عربية فولكس واجن باسات 2007
هشوفها بكرة لسة
الراجل بيقولى عاملة 7000 كيلو
بس بصراحة انا مش عارف انهى كاتيجوارى فيهم
فبصراحة عايز اسئلكم لو افترضنا مثلا انها الفئة المتوسطة
تعملها كام فلوس
حوالى كام من وجهة نظركم
بليز الرد بسرعة
انا عارف سعرها بس بحب اتاكد من حبايبى ووحوش فولكس

[Fadi Ezzat]

انا زعلان منكم يارجالة فولكس
كدة محدش يرد عليا

[alzelafy]

تعمل حوالى 165 الف جنيه

[eng/muhamad]

متقلش عن 200000 دى تعتبر زيرووو

[SAiF3S]

الفئه المتوسطه زيرو tsi ب 256 الف و اسمها p2 ودى بتنزل من غير حساسات ركن و مطر ومن غير أنوار زينون و حساس الاضاءه و الفرش جلد صناعى وكراسى عاديه مش ريكارو
يبقى لو هتدفع 200 الف فى عربيه 2007 fsi , حتى لو ماشيه 7000 كم بس يبقى احط المبلغ ده مقدم و اقسط الباقى على سنه بدون فوائد وهتبقى انت الكسبان

[eng/muhamad]

الفئه المتوسطه زيرو tsi ب 256 الف و اسمها p2 ودى بتنزل من غير حساسات ركن و مطر ومن غير أنوار زينون و حساس الاضاءه و الفرش جلد صناعى وكراسى عاديه مش ريكارو
يبقى لو هتدفع 200 الف فى عربيه 2007 fsi , حتى لو ماشيه 7000 كم بس يبقى احط المبلغ ده مقدم و اقسط الباقى على سنه بدون فوائد وهتبقى انت الكسبان

رأى محترم جدا
ولكن
لو هتشترى العربيه المستعمله 2007 فانت هتشترى عربيه 1600 و بيقولو انها تقيله شويه لكن هتستخدم بنزين 92

و لو هتدفع 200000 مقدم و تقسط الباقى فى عربيه زيرو
فانت هتشترى 2009 1400 cc فيها تيربو و يقال انت التسارع بتاعها كويس و احسن من 1600 بكتييييير لكن هناك مشكلتين
1- فى 2009 لاااااااااااااااازم بنزين 95 فبالتالى تكلفه استهلاك اكتير( فرق السعر فى الليتر تقريبا 1 جنيه يعنى لو هتفول 50 لتر هتفرق فى 50 جنيه فى التفويله و كمان 95 مش موجود فى كل البنزينات )
2- صيانه التيربو مش سهله و التوكيل سئ للغايه عشان كده كل اللى بيشترى العربيه بيعمل صيانه فى مركز بره التوكيل و اعتقد هذه المراكز ليست بالتطور الكافى لصيانه التيربو
و فى النهايه القرار لك

[Fadi Ezzat]

لو هتشترى العربيه المستعمله 2007 فانت هتشترى عربيه 1600 و بيقولو انها تقيله شويه لكن هتستخدم بنزين 92

احب اقولك حاجة بس
الماتور 1600 الى فى مصر 115 حصان واجبارى بردة بنزين 95

[SAiF3S]

رأى محترم جدا
ولكن
لو هتشترى العربيه المستعمله 2007 فانت هتشترى عربيه 1600 و بيقولو انها تقيله شويه لكن هتستخدم بنزين 92

و لو هتدفع 200000 مقدم و تقسط الباقى فى عربيه زيرو
فانت هتشترى 2009 1400 cc فيها تيربو و يقال انت التسارع بتاعها كويس و احسن من 1600 بكتييييير لكن هناك مشكلتين
1- فى 2009 لاااااااااااااااازم بنزين 95 فبالتالى تكلفه استهلاك اكتير( فرق السعر فى الليتر تقريبا 1 جنيه يعنى لو هتفول 50 لتر هتفرق فى 50 جنيه فى التفويله و كمان 95 مش موجود فى كل البنزينات )
2- صيانه التيربو مش سهله و التوكيل سئ للغايه عشان كده كل اللى بيشترى العربيه بيعمل صيانه فى مركز بره التوكيل و اعتقد هذه المراكز ليست بالتطور الكافى لصيانه التيربو
و فى النهايه القرار لك

يا اخى الفاضل المشكله مش 1600 او 1400 او تسارع المهم هو الاداء و العمر الاطول للمحرك
و انا لما جيت اشترى انا كنت رايح اشترى ال 1600 لكن مالقيتش لو اسود فوقفت الشراء و لقيت المندوب بيتصل بى بعد يومين بيقولى ان نفس المواصفات p3 اسود نزلت فى الميناء و هتاخد اسبوع لكن tsi 1400 و قعد يشرح لى قد هى افضل من ال 1600 fsi , و قلت له ها افكر و أرد عليك لانى أفتكرته كلام بياعين
و طبعا لان ده أستثمار فى عربيه تستخدمها قعدت 3 ايام ادرس على النت الفرق بين الاتنين و طبعا اخترت ال tsi

على فكره 1600 اقل بنزين يوضع لها 95 و ينصح بال 98 اللى مش موجود فى مصر
و ال1400 ينصح بال 95 و يمكن وضع 92 لو انت مش عايز أداء عالى او مش على طريق سفر

بالنسبه للصيانه التوكيل محترم جدا انا حجزت ميعاد للصيانه رحت قبل الميعاد بنصف ساعه سجلوا العربيه على السيستم لان دى كانت اول صيانه واستلموا العربيه و اتغطت من الداخل بالكامل بالبلاستك و العربيه خدت حوالى
ساعه فقط صيانه و انا بستلم العربيه سلمونى معاها علبه مناديل و معطر سياره وحاجه تانيه بس مش فاكر ايه هى و ما ا ظنش ان توكيل عنده مركز صيانه زى العبور و نزل عربيه حتى لو تيربو و مش هيعرف يعمل لها صيانه و لا ايه و على فكره انا شفت اتنين معاهم TSI خليجى و بيعملوا الصيانه فى التوكيل مش بره

[SAiF3S]

رأى محترم جدا
ولكن
لو هتشترى العربيه المستعمله 2007 فانت هتشترى عربيه 1600 و بيقولو انها تقيله شويه

على فكره انا سقت اللاتنين ال 1600 fsi , و ال 1400 معايا
و اللى اقدر اقوله لك عن الفرق بينطبق عليه المثل الشعبى " فرق السما من العمى "

و تقبل تحياتى لك

[eng/muhamad]

و اللى اقدر اقوله لك عن الفرق بينطبق عليه المثل الشعبى " فرق السما من العمى "

انا عارفان الفرق كبييييييير
و انا عارف ان حضرتك معاك الباسات 1400
و ياريت حضرتك تتكللم فى الموضوع هنا عن تجربه البنزين 92 عشان الناس تصدق
و لو حضرتك كنت جربت بنزين 92 فى العربيه 1600 ياريت برده تقول رايك

[SAiF3S]

انا عارفان الفرق كبييييييير
و انا عارف ان حضرتك معاك الباسات 1400
و ياريت حضرتك تتكللم فى الموضوع هنا عن تجربه البنزين 92 عشان الناس تصدق
و لو حضرتك كنت جربت بنزين 92 فى العربيه 1600 ياريت برده تقول رايك

هتلاقى رد مفصل عن موضوع البنزين هنا و بالفعل انا حطيت ال 92 تفويله كامله(70 لتر) لانى كنت فى منطقه ليس بها 95 (شبرا الخيمه) وكنت طالع المحله الكبرى و كفر الدوار ورجعت من طريق مصر اسكندريه الصحراوى و العربيه عملت حوالى 750 كيلو لكميه ال 70 لتر
ال 1600 fsi انا سوقتها زيرو مو اخر 2008 و كان فيها طبعا بنزين 95 و مره اخرى مع واحد صاحبى وكان فيها 95
و على فكره صاحبى ده اللى معاه ال 1.6 لما ركب ال 1.4 بعد استهزاء كتيير بها مابقاش عارف يتكلم او ينطق