الى الجلفاوية ممكن تنصحونى لوجه الله

[mido_540li]

بعد اذن الخبراء والجلفاوية انا بقالى 5 شهور تقريبا بدور على جولف 2 فى ناس كتير بتقولى اشوف حاجة تانية ياريت حد يقولى هل علشان قطع غيار ولا الموديل هايكون قديم بالنسبةللعربيات الجديدة اللى ممكن ادفع فيها نفس المبلغ وتكون أحسن منها (بالنسبة لانها أحدث ) ؟
والف شكر الى اجدع شباب فى أجمل موقع
هاتقل عليكوا

[hatem_kimo]

بص يا باشا العربية الجولف مفيش أخوها واللى يقولك غير كدة مصدقوش أولا قطع غيار الجولف ٢ سعرها عادى جدا وكمان موجودة فى كل حته وفى منها الجديد والمستورد
ثانيا عربية من أحسن العربيات فى الجرى والثبات وكمان شكلها روعة وزيادة على ده كله انها المانى يعنى انت لو حبيت تركب عربية بنفس السعر وتكون موديل قريب تبقى حتركب يا كورى يا صينى يا أى حاجه ملى ملهاش مله ونصيحة منى الجولف مفيش أخوه بس لو ناوى يبقى خلى بالك أوى وهاتلك عربية مش ملعوب فيها يعنى زى ما جت من بلادها ولو عايز تعرف أى حاجة عن الجولف متترددش وكلمنى فورا

[elfr3on]

احسن عربية فى العالم الجولف

اشتري جولف 2 سليمة وانسي وريح بالك
دي عربية ملهاش حل ومفيش اختها يعني ممكن تحط العربيات كلها فى كفة والجولف 2 فى كفة
عربية فيها كل اللي انت عايزة
تكييف تلاقي
بور تلاقي
سنتر وازاز كهرباء ومرايات كهرباء تلاقي
واسعة ومريحة من جوة الصالون يعني والصالون فخم
قطع غيار كتير وموجودة جديد واستيراد وتحطها وتنساها
فية اية تاني ممكن تدور علية
وكفاية يا عم انها الماني
وعربية ناشفة وقوية جداً مش ورق زي العربيات بتاعة اليوميم دول
اتكل على الله وهاتلك جولف 2 وادعيلي بس تكون عربية سليمة وخلي حد يشوفهالك ويكشفلك عليها كويس
ولو عايز اي حاجة كلمني وانا اساعدك فيها على طول وعندي الميكانيكي بتاعي ممتاز
والف مبروك مقدماً

[Mar80]

انا معروض عليا جولف2 و سرها على 25 الف لان صاحبها محتاج الفلوس و في نفس الوقت صاحب اخويا يا ترى دا سعر مناسب ليها و على الكلام ان حالتها نضيفة جدا

[gabbbr]

سلام عليكم
احب اقولك ان اول عربية اشترتها كانت جولف one و كان من ست سنوات و العربية اللى معايا دلوقتى هى جيتا tow gl يعنى golf tow سيدان يعنى بشنطة العربيات دى سهلة فى التصليح خاصة لو كانت كاربرتير و سهلة التعديل و سهل الحصول على قطع غيارها سواء جديد او مستعمل وارد الخارج و باسعار تنافس الكورى هذا بالاضافة لثباتها و قوة تحملها و تسارعها و للعلم جولف فتحت بيوت ناس كتير من التجار و الصنايعية فى مدينة الحرفيين لذا انصحك بشرائها مع الاخذ فى الاعتبار مستوى الاسعار الحالى