Tweet
المشاركة الأصلية كتبت بواسطة husseinoo
مشاهدة المشاركة
اللهم صل على محمد وعلى آله وصحبه أجمعين
بمناسبة الفوانيس وشغل الكهرباء فى السيارة افتكرت حاجة ظريفة وغريبة فى نفس الوقت
عمى الله يرحمه كان كهربائى سيارات .... انا كنت اسمع انه عبقرى لكنى لم ارى بعينى
كان عندنا سيارة فيات 1300 وابويا الله يرحمه كان راجل كبير يعنى تقدر تقول عليه ابوهم موش اخوهم .... المهم ابويا سافرت معاه البلد وحصل مشكلة فى كهرباء السيارة واشتكى لعمى
عمى بص له وقاله "بقولك ايه يا كامل انا انزل معاك مصر اعمل لك الضفيرة من اول وجديد"
المهم نزل معانا ضيف 3 ايام عشان نعمل الضفير
هو عملها تقريبا فى يوم او يومين
الملاحظ انه نزل اشترى السلك المطلوب من هارون الرشيد لكن بمقاسات كبيرة .... يعنى مثلا السلك الاساسى يكون حجمه بالمللى يكون اكبر من المطلوب بشكل غريب ..... كذلك السلوك الفرعية ..... لدرجة ان البائع فى المحل كان مستغرب
المهم بعد التغيير وتركيب سلوك جديدة سواء عمومى او سلوك فرعى وطبعا "سلك كان ماركة ممتازة" موش اى كلام وجودته عالية جدا وغالى
المهم بعد التركيب .... ضبط الفوانيس الامامية فى عز الضهر والنهار طالع .... معرفش عمل حركة كده والسيارة امام الحائط
وروح البيت وقال لنا كده خلاص
اقسم لك يا هاشم بالله العظيم .... اننا واحنا مسافرين مافيش عربية اتخلقت تقابلنا فى الطريق الا ولازم "تقلب النور معانا" وإلا هو عارف النور اصبح عندنا صاروخ
موش هاقولك على السيارة "بيجو" كانت ليها يومين حلوين ومازالت كانت لازم تقلب نور معانا ده من شدة النور عندنا
موش هاقولك حتى لو سيارة نقل ودى الضوء فيها اعلى مننا كانت لازم تقلب نور معانا
وفى حياتى ماشفتش سيارة اول ماتنور الضوء العالى فى السفر تشوف الشارع كأنه فى عز الضهر ... برغم وجود اشجار تمنع حتى نور ربنا او نور اى اعمدة اضاءة ده إذا كانت موجودة فى الفترة دى
الذيذ ان اخويا الكبير كان لما يسافر بيها ما كانش بيجرى لكن لما كان يقابله حد فى لطريق ويشوف ان احنا راكبين عربية فيات "ههههههههه طبعا ما كانش بيحترمنا ... " يقوم ينور النور العالى بتاعه ويعتبرك موش موجود ....
اخويا الكبير يضحك ويقول له طيب اصبر عليى انت اللى جبته لنفسك .... اول ما ينور له العالى "يخليه يغنى ظلموه من آخر الدنيا
الخلاصة الشغل الصح عايز صنايعى صح ... ولازم يكلف فلوس بس بعد كده ترتاح
وقبل ما تغير الفوانيس ... لازم تتأكد ان الكهرباء بتاعة العربية مية مية والضفيرة عشرة على عشرة
والله اعلم
مع اطيب التمنيات
اخوكم حسين غزالة
بمناسبة الفوانيس وشغل الكهرباء فى السيارة افتكرت حاجة ظريفة وغريبة فى نفس الوقت
عمى الله يرحمه كان كهربائى سيارات .... انا كنت اسمع انه عبقرى لكنى لم ارى بعينى
كان عندنا سيارة فيات 1300 وابويا الله يرحمه كان راجل كبير يعنى تقدر تقول عليه ابوهم موش اخوهم .... المهم ابويا سافرت معاه البلد وحصل مشكلة فى كهرباء السيارة واشتكى لعمى
عمى بص له وقاله "بقولك ايه يا كامل انا انزل معاك مصر اعمل لك الضفيرة من اول وجديد"
المهم نزل معانا ضيف 3 ايام عشان نعمل الضفير
هو عملها تقريبا فى يوم او يومين
الملاحظ انه نزل اشترى السلك المطلوب من هارون الرشيد لكن بمقاسات كبيرة .... يعنى مثلا السلك الاساسى يكون حجمه بالمللى يكون اكبر من المطلوب بشكل غريب ..... كذلك السلوك الفرعية ..... لدرجة ان البائع فى المحل كان مستغرب
المهم بعد التغيير وتركيب سلوك جديدة سواء عمومى او سلوك فرعى وطبعا "سلك كان ماركة ممتازة" موش اى كلام وجودته عالية جدا وغالى
المهم بعد التركيب .... ضبط الفوانيس الامامية فى عز الضهر والنهار طالع .... معرفش عمل حركة كده والسيارة امام الحائط
وروح البيت وقال لنا كده خلاص
اقسم لك يا هاشم بالله العظيم .... اننا واحنا مسافرين مافيش عربية اتخلقت تقابلنا فى الطريق الا ولازم "تقلب النور معانا" وإلا هو عارف النور اصبح عندنا صاروخ
موش هاقولك على السيارة "بيجو" كانت ليها يومين حلوين ومازالت كانت لازم تقلب نور معانا ده من شدة النور عندنا
موش هاقولك حتى لو سيارة نقل ودى الضوء فيها اعلى مننا كانت لازم تقلب نور معانا
وفى حياتى ماشفتش سيارة اول ماتنور الضوء العالى فى السفر تشوف الشارع كأنه فى عز الضهر ... برغم وجود اشجار تمنع حتى نور ربنا او نور اى اعمدة اضاءة ده إذا كانت موجودة فى الفترة دى
الذيذ ان اخويا الكبير كان لما يسافر بيها ما كانش بيجرى لكن لما كان يقابله حد فى لطريق ويشوف ان احنا راكبين عربية فيات "ههههههههه طبعا ما كانش بيحترمنا ... " يقوم ينور النور العالى بتاعه ويعتبرك موش موجود ....
اخويا الكبير يضحك ويقول له طيب اصبر عليى انت اللى جبته لنفسك .... اول ما ينور له العالى "يخليه يغنى ظلموه من آخر الدنيا
الخلاصة الشغل الصح عايز صنايعى صح ... ولازم يكلف فلوس بس بعد كده ترتاح
وقبل ما تغير الفوانيس ... لازم تتأكد ان الكهرباء بتاعة العربية مية مية والضفيرة عشرة على عشرة
والله اعلم
مع اطيب التمنيات
اخوكم حسين غزالة
Comment