بخصوص Golf 5 امو 149000

[angelheart]

السلام عليكم

اولا مبروك على الجولف!

بما ان حضرتك سابقتني و اشترات قابلي...اه رائيك في العربيه؟؟

في اي عيوب واضحه....؟

ملهاش مشاكل مع البنزين ال92؟؟ و بتعمل اد اه في الصفيحه؟؟

الله يبارك فيك يا باشاا ...
الحقيقة العربية حتى الان بلا عيوب نهائى .. ولا الهوا
... بجد قوة تقفيل وخامات خرافية .. وعفشة مش ناعمة اوى ولا ناشفة اوى بس طبعا الثباااات .. وهممم .. باخد ملفات على 140 و150 ولا كأنى بعمل حاجة ...
عيبها الوحيد الوحيد ... قلة الكماليات ... مفيش جنوط (طاسات 15/195 ) ولا فتحة سقف ... ولا فوجات ... ولا حتى multifunction steering wheel
... بس انا الكماليات مش مهمة اوى عندى ... اهم حاجة العربية والقوة والمتانة ..
والجولف رأئدة فى الناحية دى ..

العربية ملهاش اى مشاكل مع البنزين 92 نهائى .. ساعات كمان بحط90 ومش يتقول لأ ...

ربنا يوفقك .. العربية جميلة جدا وتصلح لشاب او عائلة او رجل عجوز كمان ...

ومتقتلقش من موضوع شكل قديم دا ... الجديد طبعا افضل بمراحل كموتور وكماليات وفتيس dsg وشكل كمان ... بس اغلى ب70 الف ...

فخلينا فدى احسن

[umoussa]

بلاش بنزين 90 لأن المواصفات بنزين 95 والحد الأدنى 92

[asarhan]

بلاش بنزين 90 لأن المواصفات بنزين 95 والحد الأدنى 92

طب سؤالي ليك يابشمهندس /أسامة لو الواحد خلط بين بنزين 92 و 95 مع كل تفويلة ,, هل ده مفيد ولا فيه ضرر على السيارة ؟؟؟

[umoussa]

عادة الصنايعية هما الي بيقولوا الكلام ده بس منطقياً ده غلط لأن كل بنزين ليه خاصية احتراق مختلفة

عن نفسي في عربيتي جربت الحكاية دي وحسيت ان العربية إن العربية مبرجلة

الإحساس الحقيقي حسيت إن البنزين 92 طغى على البنزين 95 والعربية بقى صوتها عالي لما أجي أكبسلها بنزين

عن نفسي معتقدش إن ده مفيد

وبعدين مهو الي معاه يعمل خليط يا إما يحط 92 كله يا إما يحط 95 كله بس لو فاكر إن 95 على 92 حيخلي البنزين 93.5 فدا طبعاً مش صح

إضافات رفع الأوكتان من الطولويت وده رقم الأوكتان بتاعه 114 ورافع الأوكتان عديم الفائدة مع البنزين النقي زي 92 ومبيرفعش الأوكتان غير كسور عشرية بسيطة

هو فعال بس على البنزين 80 بيرفعه يخليه 87

[som3aa]

بصراحة انا شايف بعد ما سعرها نزل ل150 انها كدا ممتازة جدا , اولا الجديدة ب 220 و كدا فرق 70 الف بحالهم , ثانيا انا فى رايى الشخصى شكل 5 احلى من 6 (و دى اذواق) , ثالثا الجولف مش محتاجة سؤال حضرتك تتوكل على الله و تشتريها و نباركلك قريب , العربية كلمة ممتازة متوصفهاش و ان سعر 150 دا تحفة عليها فعلا , بالنسبة للموديل فاللى اعرفه ان ال passat (اللى ب 200 الف) و ال golf ال station (اللى ب 170 الف) موديل 2008 بس مش عارف الصراحة الجولف العادية 2008 و لا 2009

[angelheart]

على فكرة التانك بيعمل حوالى 600 كيلو..
يعنى اللتر بيعمل 10 كيلو....دا جوه البلد ..وقيادة هادئة ...مش بحرق يعنى على الغيار خالص

دا بخصوص الاستهلاك يعنى..
بس هو المحرك اقتصادى فى البنزين زى ما سمعت..

[amrhady]

الله يبارك فيك يا باشاا ...
الحقيقة العربية حتى الان بلا عيوب نهائى .. ولا الهوا
... بجد قوة تقفيل وخامات خرافية .. وعفشة مش ناعمة اوى ولا ناشفة اوى بس طبعا الثباااات .. وهممم .. باخد ملفات على 140 و150 ولا كأنى بعمل حاجة ...
عيبها الوحيد الوحيد ... قلة الكماليات ... مفيش جنوط (طاسات 15/195 ) ولا فتحة سقف ... ولا فوجات ... ولا حتى multifunction steering wheel
... بس انا الكماليات مش مهمة اوى عندى ... اهم حاجة العربية والقوة والمتانة ..
والجولف رأئدة فى الناحية دى ..

العربية ملهاش اى مشاكل مع البنزين 92 نهائى .. ساعات كمان بحط90 ومش يتقول لأ ...

ربنا يوفقك .. العربية جميلة جدا وتصلح لشاب او عائلة او رجل عجوز كمان ...

ومتقتلقش من موضوع شكل قديم دا ... الجديد طبعا افضل بمراحل كموتور وكماليات وفتيس dsg وشكل كمان ... بس اغلى ب70 الف ...

فخلينا فدى احسن

انا متردد ما بين 5 و 6 طبعا علشان فرق السعر الكبير. انا كنت ناوي على 6 بس رجعت في كلامي مؤخرا لأني استغلتها.

حاليا كنت بفكر لو لقيت 5 مستعملة كويسه اجبها ان شاء الله على اساس لو نويت ابعها واجيب 6 ادام مخسرش كتير - بس كلامك مشجعني اجيب 5 زيرو وخلاص .


multifunction ممكن يركب طبعا؟

[som3aa]

multifunction ممكن يركب طبعا؟

طبعا و الجنوط كمان و اى حاجة تانية انت عايزها بتركب فى التوكيل

[zico900]

هوا تقريبا الجنوط ممطن بس الملتي فانكشن تقريبا لازم يجي من المصنع, ودي حاجه وحشه لو مكنش فيها لانه مفيد جدا,

[umoussa]

انا متردد ما بين 5 و 6 طبعا علشان فرق السعر الكبير. انا كنت ناوي على 6 بس رجعت في كلامي مؤخرا لأني استغلتها.

حاليا كنت بفكر لو لقيت 5 مستعملة كويسه اجبها ان شاء الله على اساس لو نويت ابعها واجيب 6 ادام مخسرش كتير - بس كلامك مشجعني اجيب 5 زيرو وخلاص .


multifunction ممكن يركب طبعا؟

مش أي حاج حتركب على طول ولا حاجة...

لازم حضرتك تعرف إن العربية دي شغالة على حاجة اسمها باور سبلاي (Power Supply) والعربية الي تنزل من غير فوجات مينفعش يركبلها فوجات وقييس على كده الحاجات التانية المتعلقة بالكهرباء، فوانيس زينون، حساسات براكنج و........

بالنسبة للتارة المالتي فانكشن

1. حتغير الكنترول بتاع التارة وده ثمنه في الشركة يعمل 2700 جنيه
2. حتغير التارة ودي تمنها حيعدي 3000 جنيه
4. لو التارة بتاعتك 4 ريش يبقى كبسولة الإيرباج بتاع التارة مش حتنفع ولازم تتغير هي كمان لأن التارة المالتي فنكشن تارة 3 ريش

يعني حوار تركيب التارة في الشركة حيدفعك مبلغ محترم جداً + المصنعيات

المالتي فنكشن علشان يركب

[amrhady]

السلام عليكم

معلش كنت عايز اسأل سؤال و بتوع المعرض جوبوني عليه بس حاسس انهم جوبو من دمغهم!

هوا الجولف 5 الب 149 دي موديل 2009 ولا 08 و 07؟؟

لان كان في عرض زي ده بالضبط على الفيات بونتو و لاقت انو نازل على الموديلات 2008 المتخزنه عندهم و محدش اشتراها...

فهل هي 2009 ولا 2008؟؟

أتصلت بالتوكيل النهارده ألي ان الأستلام مش قبل 12 يوم, علشان العربيات لسه مجتش من المنطقة الحرة. طبعا أستغربت ازاي لسة بيستلموا 5 رغم أن 6 نزلت, وأكدلي ان النزلين دول 5 موديل 09 - تمنها 150,000

الي كنت بكلمه اسمه محمد فتحي, في العبور.

[angelheart]

ياجماعة بجد العربية تحفة ...وتعتبر صفقة ممتازة جدا ...
خصوصا ان انا جايبها من حوالى 5 شهور وكانت ب 160 الف ...وكان فى خصم 10 الاف كمان ايامها...يعنى ببساطة العربية قيمتها الفعلية 170 الف ...

انا كنت على فكرة محتار بينها وبين الكورولا الادفانسد ....والسيفيك والجيتا...
بس لما طليت على العربيات دى..

لقيت ان الالمانى حقيقى ...قوة ومتانة وجودة ...اعلى من اليابانى ...بفرق واضح...
فبقيت محتار بين الجيتا اول فئة...والجولف...

لكن اكتشفت ان الجولف المانى 100 فى الميه..
والجيتا طلعت جاية من البرازيل...

والحقيقة انا لقيت ان الجولف كتقفيل ..وكا فينيش ...حقيقى افضل نوعا ما من الجيتا...بس جايز عنصر الايحاء هو الى عامل الموضوع دا ...

بس عموما دى المانى 100 فى الميه...
سعرها ارخص..وعليها خصم ..
شبابى اكثر..وتاريخ عريق...

والعربية حقيقى كتقفيل ومتانة وصاج وقوة...تاخد 10 من 10 ....وعموما هى واخدة 4 نجوم من 5 على سايت وات كار....

العربية اداءها على الطريق ...ثبات خرافى ...تقفل العداد وانت مطمئن جدا ..ومفيش حاجة اسمها تعويم ...خالص..

السحب معقول جدا ومرضى جدا..وخصوصا بعد ال 120 ....
لكن هى تسارعها من 0 الى 100 حوالى 11.5 ثانية ..يعنى معقولة ...وجايز السيفيك والكورولا تكون اعلى فى موضوع التسارع ...لكن بالطبع الفرق لايذكر....الصراحة محدش بيطلع منى مادام بعد ال 120 .....النقلة الثالثة عندى شديدة بغباء...

العربية ايضا 6 نقلات امامية ...وستيبترونك ...والفتيس محترم مفيش فيه اى كلام او الى مشاكل...على عكس الكورولا مثلا...والسيفيك 5 نقلات ....فا من ناحية الفتيس ...الجولف كفاءة....

العربية فيها 6 ايرباجز....وفيها برنامج الثبات الالكترونى...الى مش موجود فى الكورولا ...لكن موجود فى السيفيك ...بس فى السيفيك الى ب 183 بس....

سعر اعادة البيع ممتاز ...وقطع الغيار والصيانة معقولين جدا..
عموما انا مامن على العربية ...عشان اريح دماغى من النقطة دى...
الكاوتش 15 وعرضه 195..

لكن مش هتحس انك محتاج جنوط او كاوتش اكبر ...لان الثبات مرضى لأبعد الحدود ..

العربية حقيقى اثبت من الكورولا بشكل واضح جدا ..وعن تجربة ...
السيفيك مسوقتهاش الصراحة...بس هى عموما عربية مغرية طبعا..

بس الالمانى يظل المانى...والجولف انت بتشترى تاريخ ...بجد..

عشان كده بجد انصح اى حد انه عليه وعلى الجولف ...خصوصا بالسعر دا ...العربية لقطة

برده الفيكترا اوتو...ب 155 ...بس هى مش شبابى خالص...لكنها عربية محترمة طبعا..

بس الجولف فى السليم اكثر...ومفيهاش اى حوارات او مشاكل ...ولافتيس بيتش ولابتسخن ولا اى كلام من دا...

الملاحظ بقى الاخيرة..

العفشة مش ناعمة زى الكورولا ....وهى ناشفة حبتين ...

الكورولا هتبقى اريح تقريبا ...وعفشتها الصراحة خصوصا جوه البلد لايعلى عليها..

بس عفشة الجولف ...هتحس بيها فى الثبات الى بتديهولك...

صحيح قوة الصاج ...فى فرق واضح لصالح الجولف....وحقيقى العربية صاجها قوى جدا ..مقارنة باليابانى....

باختصار الالمانى ...قوة ومتانة وتقفيل وثبات..
اليابانى..نعومة وانسيابية ومرونة ...

وطبعا بقى فرق السعر ...وفرق العراقة والترايخ ..والجودة اكيد فى صالح الالمانى..

لهذا انصح بالجولف ...بدون تردد...

صحيح الجديدة نزلت...وعربية خرافة....بس الجولف 5 ...برده بالسعر دا ..تبقى مقبولة جدا وصفقة ممتازة...

[zico900]

المشكله ان الموقع بتعهم مش مبين اه الاوبشن و اه الستانرد
انا والله كنت رحت شفتها بس انا في 6 اكتوبر (الاسكندريه) حاليا, فكان لو ينفع اسألك كام حاجه (معلش والله طولت عليك):

1- هوا المرايات والحتت الفي الاكصدام والابواب ملونه ولا سوده, ولو سوده ممكن نطلب تلوينها بنفس لون السياره؟

2- فيها انزار؟

3- التكيف زي ده؟ http://www.eaec.com.eg/vw_site/uploa...f_02_large.jpg

4- هل التبوله في الشاشه الكبيره ولا صغيره و عداد حراره ام العداد الغريب ده الجنب البنزين (هوا ده بتاع اه اساسا)؟؟

http://www.eaec.com.eg/vw_site/uploads/models/gallery/DB2005AU01681_large.jpg

5-هل فيها ادراج تحت الكراسي؟؟

معلش طولت عليك و شكرا

[angelheart]

المشكله ان الموقع بتعهم مش مبين اه الاوبشن و اه الستانرد
انا والله كنت رحت شفتها بس انا في 6 اكتوبر (الاسكندريه) حاليا, فكان لو ينفع اسألك كام حاجه (معلش والله طولت عليك):
لأ اتفضل اسأل براحتك يا باشاا

1- هوا المرايات والحتت الفي الاكصدام والابواب ملونه ولا سوده, ولو سوده ممكن نطلب تلوينها بنفس لون السياره؟

المرايات لونها زى العربية ... لكن الstrips الى على الابواب والاكصدام لونهم اسود (مخليين شكل العربية وحش اوى ) ... مش عارف بقا ممكن تطلبهم من التوكيل تلوينها ولا لأ

2- فيها انزار؟

سنتر لوك بس ... مفيش انذار

3- التكيف زي ده؟ http://www.eaec.com.eg/vw_site/uploa...f_02_large.jpg

ايوة هوا دا

4- هل التبوله في الشاشه الكبيره ولا صغيره و عداد حراره ام العداد الغريب ده الجنب البنزين (هوا ده بتاع اه اساسا)؟؟

http://www.eaec.com.eg/vw_site/uploads/models/gallery/DB2005AU01681_large.jpg

العداد الى جنب البنزين دا اعتقد للعربيات الى بتزل بتربو شارجر ... ودا بيقيس الturbo boost ... بس اعتقد هيا الشاشة دى (هبص عليها تانى لانى مش مركز معاها اوى ) ... بس اعتقد هيا دى


معلش طولت عليك و شكرا

...........................

[NaderNabil]

المشكله ان الموقع بتعهم مش مبين اه الاوبشن و اه الستانرد
انا والله كنت رحت شفتها بس انا في 6 اكتوبر (الاسكندريه) حاليا, فكان لو ينفع اسألك كام حاجه (معلش والله طولت عليك):

1- هوا المرايات والحتت الفي الاكصدام والابواب ملونه ولا سوده, ولو سوده ممكن نطلب تلوينها بنفس لون السياره؟

2- فيها انزار؟

3- التكيف زي ده؟ http://www.eaec.com.eg/vw_site/uploa...f_02_large.jpg

4- هل التبوله في الشاشه الكبيره ولا صغيره و عداد حراره ام العداد الغريب ده الجنب البنزين (هوا ده بتاع اه اساسا)؟؟

http://www.eaec.com.eg/vw_site/uploads/models/gallery/db2005au01681_large.jpg

5-هل فيها ادراج تحت الكراسي؟؟

معلش طولت عليك و شكرا

إسمحولي أجاوب علي بعض النقاط بحكم بعض الخبرة بالجولف 5 موديل 2008

1- المرايات بلون بلاستيك إسود...و الباكيتات في الأبواب نفس الكلام...ممكن انت ترشهم بره بعد كده و مش هايكلفوك 100 جنيه...و هايخلوا شكل العربية ممتاز

2- مافهاش إنذار بس فيها مفتاح مشفر...و فيه لمبة حمراء في الباب بتنور لما تقفل العربية بتدي إيحاء الإنذار

3- التكييف هو هو

4-نفس الشاشة الكبيرة...و فيها تحكم من ذراع المساحات...عداد الboost ده بتاع المواتير التربو...موجود مكانه عداد حراره

5- مش فاكر