قطع غيار بيتلز

[monzeir]

السلام عليكم ، يا جماعة انا بجدد العربية و معايا حاجات عاوز ابعها مممكن تدلوني مين ممكن يشتريها مني بسعر كويس ، و لكم جزيل الشكر

[ايمن محمود محمد ابراهيم]

ممكن تكتب بيان بقطع الغيار اللى معاك ويمكن حاجة فيهم تناسب اى حد ويشتريها منك فورا

[ahit]

كلام سليم يا أستاذ أيمن
و مستنيين بيان بالقطع المراد بيعها إن شاء الله

[ابوهاشم]

وانا كمان منتظر البيان

[monzeir]

2 كشاف امامي
2 كشاف خلفي غاطس فمية
قطمة ملحوظة دراع الإشارة مكسور
ولكم جزيل الشكر

[ahit]

طب الأسعار إيه يا منزر باشا؟
و القطمة دى قطمة كاملة بعلبة الدركسيون و لا من غيرها؟ و هى قطمة بيتلز ولا جولف؟ و موديل كام؟
و الفانوس الخلفى بطيخة الكبير ولا شمامة الصغير ؟
شكراً

[monzeir]

طب الأسعار إيه يا منزر باشا؟
و القطمة دى قطمة كاملة بعلبة الدركسيون و لا من غيرها؟ و هى قطمة بيتلز ولا جولف؟ و موديل كام؟
و الفانوس الخلفى بطيخة الكبير ولا شمامة الصغير ؟
شكراً

شكرا يا باشا علي اهتمامك و انا انشاء الله حرفع صور العربية بعد ما اظبطها القطمة عبارة عن قطمة و طارة بس وهي بتاعة بيتلز موديل 72 و الفانوس الشمامة الصغير بس الي هو فمية مش الوان ,واذا كان علي الاسعار مش حنختلف انت خبرة عني وشوف هم يتقدروا بكام

[ahit]

شكرا يا باشا علي اهتمامك

العفو إحنا إخوات

و انا انشاء الله حرفع صور العربية بعد ما اظبطها

و إن شاء الله منتظرين الصور بعد التوضيب و ربنا يباركلك فيها.

[quote]القطمة عبارة عن قطمة و طارة بس وهي بتاعة بيتلز موديل 72 و الفانوس الشمامة الصغير بس الي هو فمية مش الوان ,واذا كان علي الاسعار مش حنختلف انت خبرة عني وشوف هم يتقدروا بكام[/
quote]

و الله أنا شايف إنك تحتفظ بالحاجات دى للظروف أو لأحد الأخوة الأفاضل من المنتدى يمكن يحتاج منها حاجة قريب لأنك لو بعتها هاتبعها بثمن بخس لبتوع قطع الغيار لأنها إستعمال و كمان هايخدوها و هما بيتنكو عليك.
و أتمنى إنك تصورهم و ترفع صورهم هنا عشان حالتهم تبقى واضحة للأخوة الأعضاء اللى عاوز يشترى منهم حاجة.

و لو كانت الفوانيس الخلفية بطيخة أنا كنت أخدتهم فوراً منك لأنى محتاجهم لكن النصيب كده و ربنا يجازيك خير.