سؤال وجواب .. بين مبتدأ فى الفولكس بيتل ... والمحترفين احمد حسن وهاشم

[husseinoo]

بسم الله الرحمن الرحيم

السلام عليكم ورحمة الله وبركاته

برغم انى لم امتلك سيارة فى حياتى ... الا اننى قرأت جميع مشاركات الفولكس البيتل

ومن خلال هذه القراءات عرفت ان الاستاذ/ ahit احمد حسن والاستاذ/ هاشم .... من أكثر اصدقاء المنتدى اخلاص وعطاء خصوصا فى قسم الفولكس بيتل

ويشرفنى ان اهدى اليكم السلام والتحية على مجهوداتكم الرائعة

ويشرفنى ان اكون صديق لكم ده اذا سمحتم لى

لكن معلهش انا من كتر حبى للسيارة البيتل ... لازم اتعلم منكم كل حاجة حتى ولو ما كانش عندى عربية ... يمكن لما الظروف تتحسن إن شاء الله

سؤال بعد اذنكم

يعنى ايه قطمة
يعنى ايه رقبة السيارة
يا ريت صورة لشكل "دنجل السيارة" .. على معلوماتى المتواصعة الدنجل المستخدم فى السيارة 1300 والله اعلم
ومعلهش بالمرة صورة لعفشةالسيارة 1303 ... لان على كلامكم تعتبر رفاهية مشابهة للمرسيدس

فيه اسئلة كثير والكلام معاكم ما لوش آخر ممتع جدا جدا جدا

المهم انا بحبكم جدا جدا وحاسس كده اكنى عارفكم من زمان

ربنا يخليكم ويبارك فيكم

مرفق حبيبة قلبى 1965 VW Beetle 1300

مع اطيب التمنيات
اخوكم حسين غزالة

----------------------------------
اللون الأحمر مخصص للمشاركات الإدارية
يرجى مراجعة قواعد و قوانين المنتدى
مشرف القسم

----------------------------------

[ابوهاشم]

السلام عليكم ورحمة الله وبركاته
اهلا بيك يااستاذ حسين
منورنا والله فى قسم البيتلز
واشكرك جدا على الكلام الجميل والمقدمه الجميله دى
وان شاء الله ربنا يكرمك وتشترى عربيه بيتل وصدقنى
هتعجبك جدا وهتريحك احسن من عربيات كتير تانيه
بالنسبه للقطمه / هى عباره عن طارة الدريكسيون كامله بدراعات
الاشارات والكونتاكت والعمود الخلفى اللى متصل بحركة العجل
الرقبه/ هى مكانها تحت التانك وهى عباره عن فاصل بين الجزء الامامى والخلفى للسياره وهى عليها عامل مهم جدا فى تقييم السياره
وحالتها
اما بالنسبه للصور سواء الدنجل او العفشه او اى تفاصيل مصوره
للبيتل لو راجعت مواضيع الاخ احمد سالم هتلاقى كل الصور اللى انت محتاجها ان شاء الله
واحنا كلنا اخوات وتحت امرك فى اى استفسار

[ahit]

السلام عليكم و رحمة الله و بركاته

أخى العزيز حسين عزالة
طبعاً لا يوجد أى كلام يضاهى الكلام الجميل اللى تكرمت و قولته غير نفعنا الله و إياكم بهذه المساهمة و جعله الله فى ميزان حسناتنا جميعاً.
و آسف على التأخر فى الرد لأنى كنت باجهزلك الصور اللى طلبتها.
و ربنا يوعدك بأفضل سيارة بيتل و يباركلك فيها و يرزقنا و إياكم بالرزق الحلال المبارك .
و طبعاً أهلاً بيك أخ و صديق لينا كلنا و سعداء لإنضمامك لينا

القطمة تبدأ من الدريكسيون و حتى علبة الدركسيون المسئولة عن توجيه آلات الجر بالعزم. و دى بعض الصور ليها و لتكبير الصورة إضغط عليها.



القطمة فى الصورة التالية باللون الأحمر من الدركسيون و حتى علبة الدركسيون


و دى صورة العفشة الخاصة ب 1302 و 1303



عفشة 1302 و 1303 و التعديل فيها بعد سنة 74 لأن العفشة بقت على إسكارته


و دى صورة للعفشة بالتفصيل لموديلات 1302 و 1303


و دى صورة الدنجل للموديلات 1300





و دى صورة القطمة و عفشة 1302 و 1303 لما قيل 74

وده صورة بالتفصيل لكل جزء فيها


و دى صورة الدونجل بالتفصيل




و دى صورة الرقبة



و أى إستفسار آخر كلنا فى الخدمة

[husseinoo]

السلام عليكم ورحمة الله وبركاته

بصراحة شغل معلمين .... الله ينور عليكم ... معلومة ... صور ... كلام سليم مية مية


السؤال للاستاذ/ هاشم
اعتقد فى احد المشاركات عرفت انك بعت سيارتك البيتل واشتريت سيارة اخرى
ماهو موديل السيارة التى بعتها
ما هو سبب بيعها
ما هى اهم ملاحظاتك عليها من ناحية الكفاءة والسعر

وهل الفرق واضح بين السيارة التى اشتريتها والتى قمت ببيعها .... هل الفرق كان يستاهل المجهود فى البيع والشراء وفهم السيارة الجديدة وحالتها .. الخ


السؤال للاستاذ/ احمد

كثير من الناس تعرض سيارتها باسعار موش عارف هل هى مبالغ فيها
ولا بيطلب سعر عالى عشان بعد الفيصال يصل للسعر المطلوب
ولا عشان بيصرف على كماليات وعايز يعوض اللى صرفه

ممكن اجد موديلات احدث بسعر اقل
وموديلات قديمة بسعر عالى
وموديلات يقسم اصحابها انها لقطة ولا يجد شىء جميل يقوله غير انه مركب فيها كاسيت هههههههههه
بدل ما يقول انه مثلا عمل عمرة كاملة او اى حاجة مفيدة

يا ريت اعرف وجهة نظرك عند شراء سيارة بيتل ... اكيد حضرتك غيرت سيارتك اكثر من مرة والله اعلم


متشكر جدا جدا على اجاباتكم الكاملة المصحوبة بالصور الرائعة

مرفق بعض صور الشبح البيتل 1303 متروشة على الآخر








اعتقد ان 1303 شكلها الاصلى من الداخل هو ده لكن الدركسيون على اليمين
ربنا يوعدنا على اليمين على الشمال من غير دركسيون من اساسه بس ربنا يسهل قولوا يا رب

الله يكرمكم ويبارك فيكم

اخوكم
حسين غزالة

[ابوهاشم]

اولا انا سعيد جدا بطرح اسئلتك دى ويسعدنى اكثر انى ارد عليها
موديل السياره اللى اتباعت /1952
سبب البيع / اولا واخيرا كان تعديل الموديل رغم انى كنت مجددها بالكامل
اهم ملاحظاتى /العربيه كانت حالتها ممتازه وربنا يبارك للى اخدها من بعدى وهو الحمد لله مش بيشتكى منها وكان السعر تقريبا 12000 جنيه
وعلى فكره بالنسبه للحاله العامه وقت البيع كان السعر ده قليل جدا لكن
اللى حسم الامر كان الموديل
ونصيحه اخويه قبل الشراء اهتم بحالة السياره قبل الموديل خصوصا فى البيتل لان كل مسمار سليم فى العربيه انت اللى هتكسبه بعد كده
لكن الموديل مجرد كلمه مكتوبه فى الرخصه لكن اللى هيفرق معاك بالفعل
هو حالة السياره
وكلامى ده خاص بالبيتل بس علشان ماحدش يفهم كلامى غلط
هل الفرق كان واضح ويستاهل /
الحمد لله العربيه اللى اشتريتها حالتها مش بطاله هى موديل 65
بس اكتر فرق حسيت بيه جدا هو سعة الموتور 1500 سى سى
والفرق ده مهم جدا وواضح بشده مع عزم الموتور فى الطريق
والموتور القديم كان 1200 الجنوط الحاليه سبور عريضه مقاس 15
والقديم كان عادى وبرضه فرق معايا فى الثبات
فرق اللون وده عجبنى اكتر دى بترجع للراحه النفسيه فى الالوان
واخيرا اشكرك على الصور الجميله اللى نزلتها
وبمسى على اخويا وحبيبى احمد حسن اللى ماقصرش بالصور التوضيحيه اللى تفيدك فى سؤالك
وربنا يديم المحبه بينا

[husseinoo]

بسم الله الرحمن الرحيم

كده برده يا اتش تبيع البطبوطة 1952 معلهش يا هاشم بس انا برده هازعلك شوية وافكرك بحبيبة قلبك

بيتل 1952













على العموم تغييرك من حبوبة الى حبوبة موش مشكلة سماح المرة دى
بيتل 1965



بس اكيد انت عملت شغل مهم فى الماتور واكيد انه ما كانش بالحالة دى ههههههههه


لكن معلهش انا عايز اعرف منكم اول حاجة تهمك قبل ما تشترى بيتل مستعملة

انا عن نفسى اخاف من حاجة زى دى



الناس كلها تستعجب ازاى سيارة فى العمر ده ماشاء الله كيف تقاوم البارومة .. يمكن عشان الجو عندنا جاف بخلاف الاجواء فى اوروبا كلها مطر وبرد

يا ريت تكلمنا على موضوع حالة السيارة من وجهة نظرك ... لان كل واحد اكيد عنده اولويات غير الثانى

انا عن نفسى ما يهمنيش ان السيارة تكون 1500 سى سى او 1200 لانى متأكد انى موش غاوى جرى واحب اسير فى هدوء

فى السيارة 127 استهلاكها فى الوقود قليل جدا بسبب موتورها 900 سى سى ده بخلاف السيارة 128 تقريبا موتورها 1200 سى سى

تفتكروا ان نفس الموضوع فى الفولكس بيتل يعنى السيارة 1200 سى سى تستهلك اقل من السيارة 1600
يعنى تقريبا تعمل كام كيلوا فى الصفيحة لو حالة السيارة 70%

الكلام كثير وانا كده يا معلم انتم اصبحتم اجمل حاجة عندى يوميا لازم اعدى عليها

ربنا ييسر لكم الاحوال ويسعدكم دنيا وآخره

مع اطيب التمنيات
اخوكم حسين غزالة

[ابوهاشم]

متشكر ياباشا على الصور
بس انا عاوز اوضحلك حاجه
مش معنى ان الموتور 1500 او 1600 يبقى علشان الجرى وخلاص
وانا على فكره مش بحب التسارع
بس فى فرق تانى فى عزم السياره فى الطريق
وكمان التحميل والمطالع بتفرق كتير
فرق من انك مثلا تبقى دايس بنزين على الاخر علشان تجيب 90 او 100ك/س وعلى العكس تماما انك تجيب 120ك وانت اساسا مش قارص على الموتور خالص
ياريت تكون فهمت قصدى

[husseinoo]

بسم الله الرحمن الرحيم

كلامك سليم وعشرة على عشرة

طيب الفرق فى استهلاك البنزين بين 1300 سى سى وبين 1600 سى سى كان عامل ايه

لان ده اكيد يفرق فى المصاريف الثابتة
ولا ايه رايك

مع اطيب التمنيات
حسين غزالة