اخيرا عليت البيتلز من قدام

[ابوهاشم]

بعد لف كتير على الصنايعيه لحل مشكلة وطيان العربيه مع الكاوتش العريض
واحتكاك الكاوتش بالرفرف عند تحميل السياره بحموله عاليه
والمشكله دى بعانى منها من فتره
واكتشفت ان بعض الاخوه كتير منهم اشتكو من نفس الموضوع
لفيت على صنايعيه كتير
منهم اللى قاللى هنقطع ونلحم فى الدنجل ونلفه وطبعا سيبته وجريت من عنده
واغلبهم اللى قال هنقلب السوست بتاعت الدنجل اللى فوق تحت والعكس
لكن طبعا ده مجرد حل مؤقت وبعدين هتهبط تانى
وفى اللى قاللى هنفلب السوست على جنبها وكده طبعا هتبقى العفشه ناشفه جدا
لكن اللى حصل امبارح انى كنت مع اخويا وصديقى ( احمد حسن ) متجهين الى
ورشة عاطف عبده فرج ميكانيكى البيتلز اللى فى اثر النبى بجوار الموقف
ودى كانت اول زياره ليه بالنسبه لينا احنا الاثنين
وبصراحه احنا كنا رايحين نشوفه ونتعرف عليه ونعرف نظام شغله
والحمد لله حسينا فيه انه راجل فاهم شغله تمام والتعامل معاه كويس
واثناء الدردشه معاه عن موضوع وطيان السياره من قدام مع الكاوتش العريض
قالىى انه بيعلى العربيه بطريقه مختلف تماما
طبعا اخدنا الفضول والسؤال عن الطريقه دى
فقال انه بيلف الركب بس من غير لعب فى الدنجل او السوست
وبصراحه الكلام عجبنى واقتنعت بيه واخذت القرار فورا ببدء العمل والتعليه
والموضوع كله خلص فى حوالى ساعه ونصف والتيجه مذهله فعلا
العربيه عليت بشكل ملحوظ وروحت النهارده ظبطت الزوايه ومش فاضل غير التشحيم
طبعا قولت لازم اعرف حبايبى ملاك البيتلز اللى اكيد هيفرحو ان اخيرا فى حل وتعلية السياره
بدون قطع او لحام او تعليه مؤقته
وطبعا انا هسيب احمد حسن هو اللى يتكلم عن الشغل اللى عمله عنده
وهل هو مرتاح للتعامل معاه ام لا

[ahit]

مساء الفل يا هاشم
أخبارك إيه ؟ و أخبار ظبط الزوايا إيه اللى عملتاه النهاردة؟

عاطف عبده فرج هو أخو جمال عبده فرج الميكانيكى اللى عمرت الماتور عنده
و إمبارح أنا روحتله مع هاشم لأول مرة
فكلى الكوبلن و فوره و غيرت غالبية المسامير و الكاوتش و الشحم
و راجعلى على البليتين اللى فى الفردة الخلفية و قرطلى على صامولة الطنبورة
و ظبطلى فرامل اليد و راجعلى على ظبط الكربراتير

و هو بصراحة لغاية دلوقتى كويس و نتمنى إنه يفضل كده على طول إن شاء الله

العنوان : أمام جراج أتوبيس أثر النبى
تليفون : 0101467431

[smsmxxxxxx]

الف مبروك يا هاشم على تعلية العربية
بس لو يا ريت تقولنا اتكلفت كام لان فى ناس كتير محتاجة الموضوع ده

-------------------
محمد سالم

[WAEL_WAHBA]

السلام عليكم
اخوانى الاعزاء انا محتاج مساعدة
الدينامو بايظظظظظظظظظظظظظظ بعد ما صرفت عليه كتيررررررررررررررررررررر قوى
عايز اعرف فى حد فى مدينة نصر يصلحوه او مكان اجيب منه واحد رخيص جداااااااااااااااااااااااااااااااااااااااااااااااا
وشكرا ليكم

[ahit]

السلام عليكم
اخوانى الاعزاء انا محتاج مساعدة
الدينامو بايظظظظظظظظظظظظظظ بعد ما صرفت عليه كتيررررررررررررررررررررر قوى
عايز اعرف فى حد فى مدينة نصر يصلحوه او مكان اجيب منه واحد رخيص جداااااااااااااااااااااااااااااااااااااااااااااااا
وشكرا ليكم

وعليكم السلام ورحمة الله وبركاته

بالنسبة لصيانة الدينامو روح لمسعود الكهربائى ( متخصص بيتل ) اللى فى الملك الصالح

العنوان : شارع ابو سيفين بجزار مسجد الشفاقه - محطة المترو على الشمال و المحل بعديع ب 100 متر على اليمين
تليفون : 0128259917

و فيه كمان أحمد عبد الفتاح - فى شارع محمد فريد - عابدين
بس للأسف رقم التليفون مش عندى

و للدينامو الإستيراد:

الحاج يحيى كمال فى جسر السويس - خلف حديقة بدر 0105616801

و سعيد قفه - فى فيصل - بعد كوبرى فيصل يمين فى شمال و بعد 400 متر هاتخش يمين فى شمال هاتلاقى المحل - و ممكن تسأل من أول الشارع - محمد قوفه 0182422050

أنا لسه عامل صيانة المارش و الدينامو عند مسعود الطيب الكهربائى اللى فى الملك الصالح.

و لو أى إستفسار تانى أنا فى الخدمة إن شاء الله

[WAEL_WAHBA]

انا متشكر جدا يا أستاذ احمد

[ابوهاشم]

التعليه اتكلفت بالظبط 90 جنيه
وانا كنت سألت عاطف الميكانيكى كمان عن السرفيس كامل
قاللى بياخد 30 جنيه واظن المبلغ معقول جدا

[ahit]

انا متشكر جدا يا أستاذ احمد

العفو يا باشا إحنا إخوات

[ابوهاشم]

السلام عليكم ورحمة الله وبركاته
امبارح ياجماعه روحت عند عاطف الميكلنيكى
عملت سرفيس كامل للعربيه
وماشاء الله عليه فعلا ميكانيكى فاهم ومتمكن
وانصحكم بالتعامل معاه وتجربوه
وعلى فكره هو عنده زباين كتير دايما بس معاه صنايعه غيره
وبالنسبه لتعلية العربيه الحمد لله العربيه بقت زى الفل
وبحمل فيها ناس كتير ومافيش احتكاك فى الكاوتش خالص
والمطبات كمان مافيش اى مشاكل
الحقيقه وبعد تجارب كتير
مافيش ميكانيكى تاخد منه كل حاجه صح
لكن احنا لينا مصلحتنا اكيد طبعا
يبقى ناخد من كل واحد اللى بيفهم فيه كويس

[amo400]

هاروح ان شاء الله لعاطف اعلى العربية بس هل الدنجل القديم الخمسة خرم ممكن يعلى

[ابوهاشم]

ممكن ياايمن
لان شغل التعليه كله فى الركبتين مالوش دعوه بالطنابير

[asaeed]

بعد لف كتير على الصنايعيه لحل مشكلة وطيان العربيه مع الكاوتش العريض
واحتكاك الكاوتش بالرفرف عند تحميل السياره بحموله عاليه
والمشكله دى بعانى منها من فتره
واكتشفت ان بعض الاخوه كتير منهم اشتكو من نفس الموضوع
لفيت على صنايعيه كتير
منهم اللى قاللى هنقطع ونلحم فى الدنجل ونلفه وطبعا سيبته وجريت من عنده
واغلبهم اللى قال هنقلب السوست بتاعت الدنجل اللى فوق تحت والعكس
لكن طبعا ده مجرد حل مؤقت وبعدين هتهبط تانى
وفى اللى قاللى هنفلب السوست على جنبها وكده طبعا هتبقى العفشه ناشفه جدا
لكن اللى حصل امبارح انى كنت مع اخويا وصديقى ( احمد حسن ) متجهين الى
ورشة عاطف عبده فرج ميكانيكى البيتلز اللى فى اثر النبى بجوار الموقف
ودى كانت اول زياره ليه بالنسبه لينا احنا الاثنين
وبصراحه احنا كنا رايحين نشوفه ونتعرف عليه ونعرف نظام شغله
والحمد لله حسينا فيه انه راجل فاهم شغله تمام والتعامل معاه كويس
واثناء الدردشه معاه عن موضوع وطيان السياره من قدام مع الكاوتش العريض
قالىى انه بيعلى العربيه بطريقه مختلف تماما
طبعا اخدنا الفضول والسؤال عن الطريقه دى
فقال انه بيلف الركب بس من غير لعب فى الدنجل او السوست
وبصراحه الكلام عجبنى واقتنعت بيه واخذت القرار فورا ببدء العمل والتعليه
والموضوع كله خلص فى حوالى ساعه ونصف والتيجه مذهله فعلا
العربيه عليت بشكل ملحوظ وروحت النهارده ظبطت الزوايه ومش فاضل غير التشحيم
طبعا قولت لازم اعرف حبايبى ملاك البيتلز اللى اكيد هيفرحو ان اخيرا فى حل وتعلية السياره
بدون قطع او لحام او تعليه مؤقته
وطبعا انا هسيب احمد حسن هو اللى يتكلم عن الشغل اللى عمله عنده
وهل هو مرتاح للتعامل معاه ام لا

السلام عليكم أخي الكريم
يشرفني ويسرني التعرف إليك

أرجو أن تساعدني في الإجابة على بعض الأسئلة التي تدور بخاطري وذلك في أسرع وقت ممكن
أنا أسمي عمرو ومتابع كتاباتك على البيتلز ويبدو من كلامك أنك فاهم كويس في الموديلات وهذه السيارة الأسطورة
1- أحب أعرف لو عايز أشتري، أي موديل أجيبه وسنة صنعه
2- العربية البيتلز إللي على سوست ومساعدين أحسن ولا إللي على دنجل أحسن.
3- ما الفرق بين البيتلز موديل 1300 و 1302 و 1303 وأي موديل أحسنهم وأسعار كل موديل تتراوح من كام لكام
4- لما أحب أشتري عربية أي الأجزاء التي يجب فحصها جيداً والتي هي تعيب السيارة
5- بخصوص المواتير أي موتور أحسنهم 1200 أو 1300 أو 1500 أو 1600 خصوصاً أني بحب السفر

[ابوهاشم]

اهلا بيك يااستاذ عمرو فى قسم البيتلز
واحب اهنيك على اختيارك للسياره دى بالتحديد
وان شاء الله ربنا يوفقك وتجيب بيتلز ومش هتندم عليها ابدا
على عكس جميع السيارات المشكله انك بعد ما تركبها وتيجى تغير
هتلاقى نفسك محتار تجيب ايه يكون فى نفس المتانه والثبات
بالنسبه لل1302 وال1303 هما عفشتهم سوست ومساعدين
وبيقولوا عليهم عفشة مرسيدس لانها عفشه مريحه فى الركوب
لكنها مكلفه جدا فى الاسعار وتجديد العفشه بالتحديد
والفرق بينهم يكاد يكون فى الشكل فقط
لان ال1303 بيكون لها زجاج بربريز شكل مومبيه ولها طابلوه بارز
واغلى اسعار البيتلز هى ال1303 احيانا بتوصل ل25000جنيه
حسب حالتها الممتازه طبعا وبتبدأ من 17000 بحاله جيده
اما عن ال1300 عفشتها على دنجل وليست سوست
هى ناشفه شويه كعفشه فى الركوب لكن اسعارها فى متناول اليد وسهله
سواء ليك او للميكانيكى لما يشتغل فيها
اما عن سعرها هى متفاوته حسب الحاله وكمان فى منها الالمانى والبرازيلى وفى امريكى وسويدى بس نادرين
اما عن الموديل العربيه دى بالتحديد دون اى سيارات اخرى مش المهم الموديل اكثر من الاهتمام بالحاله
وطبعا اهم الحاجات اللى بتشوفها وانت بتشترى هى الرقبه ودى بتكون تحت التانك
وكمان الموتور والعفشه طبعا وحالة الصاج والسمكره والدوكو
وعلى فكره لازم تروح بيها لميكانيكى بيتلز يكشفلك عليها بنفسه
ويقدرلك حالتها
اما عن قدرة الموتور طالما انت بتسافر كتير يبقى خليك فى 1500
او 1600 افضل وبالتوفيق ان شاء الله