بولو سيدان الجديدة

[Sameh]

حد يعرف عنها حاجة يا جماعة ؟ بولو سيدان نازلة جديد ؟ أنا شوفتها فى الطريق جنبى فى الإشارة وفضلت متابعها من جمالها ، مكتوب 1600 بس كانت مانيوال ، والتابلوه بتاعها من جوة شكله ألمانى حديث أوى ، شيك أوى الحقيقة وأعتقد إنه من خامات عالية ، والعربية عموما من برة كان شكلها ثابتة نفسها ومتينة وسيدان محترمة وفوانيسها الخلفية عريضة وأحلى من البولو سيدان اللى قبلها اللى كان باين عليها أوى إنها هاتش باك متعدلة ن شوفت منها أسود وأحمر والإتنين حلوين بس الأسود مديها برستيج
باين عليا طولت ، اللى عنده فكرة يا ريت يتفضل

[Islam_galal]

متأكد انها الموديل الحديث ده مفيش حد اعلن عنها خالص
ممكن توصف شكلها الامامي

[Sameh]

من قدام 2 كشاف مدورين على كل ناحية - كبير وصغير - منفصلين عن بعض - يعنى زى

Oo----------oO

[amrnader]

دية احدث بولو سيدان

[amrnader]

لو بتتكلم عن الفانوسين المدورين شبه دول



فدية بقالها فترة، مش جديدة و لا حاجة

[Sameh]

متشكر يا عمرو نادر - واضح إننى غلطت يا جماعة وهى تانى عربية فعلا مش الأولى ، أعتذر عن الخطأ ، بس لما شوفتها من ورا إعتقدت إنها موديل جديد مش عارف ليه

هو الموديل ده لسة بينزل زيرو ؟ فى حدود كام ؟ وفى منها أوتوماتيك ؟

[Abu Aly]

على فكره انا سألت توكيل الفولكس عن البولو سيدان اذا كانت حتنزل 2008 .. قالو ان توكيل الشركه فى مصر لسه بيدرس الموضوع و اذا كانت تقدر تنافس العربيات من نفس الفئه .. و قال ان لو نزلت السعر سيكون فى حدود 140000 عشان اوربى مش برازيلى لكن ده مش سعر اكيد ..
و بالمناسبه سعر CrossFox هو 100000 لموديل 2006 ( لسه ما اتبعش ) اما موديل 2007 فسعره 110000 اما
2008 فلسه مفيش اخبار ..