صفارة الشكمان مش سامعها عندى ..

[hanymah]

السلام عليكم ..

ازيكم يا شباب
كان ليا شوية استفسارات كدا عن عربيتى حاجات بتحصل فيها .. وكمان كنت عايز اعرف اسعار شوية حاجات كدا ..

1-طبعا انتو عارفين صوت الصفارة الية فى الشكمان والصوت دة مشهور اوى ومعروف لكل عشاق البيتلز . الصفارة دية عمرى ما سمعتها عندى فى العربية مش عارف لية . هل دة عيب من العربية ولا اية بالضبط وعربيتى موديل 63 المانى و 1200 cc

2- عايز اعرف شوية اسعار بسيطة عن شوية حاجات

1-الكفر بتاع الفانوس الية ورا
2-الصاجة المدورة الية حولين كشاف النور الية من الامام
3-الدراع بتاع الاشارة الية ورا الدركسيون بايظ وسايب . عايز اجيبة منين

4-ومعلش حاجة صغيرة كمان .. الاستيكر بتاع الفولكس فاجن الية سعات بيتحط على الزجاج ورا .الاقية فين عشان دحت علية ........

[monzeir]

السلام عليكم ..

ازيكم يا شباب
كان ليا شوية استفسارات كدا عن عربيتى حاجات بتحصل فيها .. وكمان كنت عايز اعرف اسعار شوية حاجات كدا ..

1-طبعا انتو عارفين صوت الصفارة الية فى الشكمان والصوت دة مشهور اوى ومعروف لكل عشاق البيتلز . الصفارة دية عمرى ما سمعتها عندى فى العربية مش عارف لية . هل دة عيب من العربية ولا اية بالضبط وعربيتى موديل 63 المانى و 1200 cc

2- عايز اعرف شوية اسعار بسيطة عن شوية حاجات

1-الكفر بتاع الفانوس الية ورا
2-الصاجة المدورة الية حولين كشاف النور الية من الامام
3-الدراع بتاع الاشارة الية ورا الدركسيون بايظ وسايب . عايز اجيبة منين

4-ومعلش حاجة صغيرة كمان .. الاستيكر بتاع الفولكس فاجن الية سعات بيتحط على الزجاج ورا .الاقية فين عشان دحت علية ........

السلام عليكم يا باشا :
1- يالنسة للصفارة غالبا بيكون عيب الديول
2-1 بيكون الكفر تقريبا 20 او 25 علي حسب نضافته
2-2 الصاجة اسمها شمير الفانوس ودة لو مصري بتيقي حديد رديق بيصدي ب 10 ح ولو براذيلي بتبقي 30 ودة بلاستيك
2-3 الدراع بيبقي تقريبا 120 ج تقريبا او تغير القطمة ودة مكلفة شوية تقريباً 300 ج
3-4 الاستيكر انشاء تلاقية في شارع دمشق عند محل الشيخ إبراهيم دة متخصص في الإستيكرات

و اتمني اني اكون افنك

[hanymah]

اشكرا على الرد والاهتمام يا استاز monzeir


بس كنت عايز اعرف اية هيا الديول .. يعنى دا شكمان ولا حاجة فى الموتور

اما بالنسبا لشمبر الفانوس يعنى البرازيلى البلاستك نفس شكل العادى ولا اية بالضبت

وطبعا شكرا على سرعة الرد ....

[ahit]

السلام عليكم ورحمة الله وبركاته

مشكلة الصفارة بتكون عيب ديول و نادراً بتكون ظبط كربراتير و الديول هى الجزء النيكل اللى بيتركب فى الشكمان.
و دى صورته :



وش الفانوس الخلفى البطيخة : المصرى جديد 10 جنيه و البرازيلى 20 جنيه و الألمانى إستيراد كامل بالقاعدة 50 جنيه.
و دى صورته:

و الفانوس الشمامة زيه كدا تقريباً فى السعر و دى صورته :

شمبر الفانوس مش عارف للأسف.
دراع الإشارة 180 جنيه جديد من صلاح شاكر بمصر الجديدة و ممكن يكون سليم عندك بس محتاج ورد فقط.
و الإستيكرات منتشرة فى شارع دمشق بمصر الجديدة.
و دى صورة إستيكر ملزوق على عربية زميلنا فى المنتدى عمر alcomando ( عربية أخويا أحمد سالم سابقاً )

[hanymah]

السلام عليكم ..

شكرا يا استاز ahit جزاك الله كل خير على المعلوملت الجميلة دية المدمجة بالصور ..

[ابوهاشم]

السلام عليكم
كل عام وانتم بخير
بالنسبه للديول وعلاجها
ممكن تجيب شوية جاز وتكبهم داخل الديول بس بدفعه
علشان يوصلو للداخل
وتستنى 5دقائق وبعدين تدور العربيه وتدوس بنزين شويه يعنى دقيقتين
وتبطل وبعد كده تعمل مشوار بالعربيه بس يكون طويل شويه
وطريق سريع الدائرى مثلا وتدوس بنزين جامد وبعد المشوار
هتلاقى صوت الصفاره تمام

[husseinoo]

السلام عليكم
كل عام وانتم بخير
بالنسبه للديول وعلاجها
ممكن تجيب شوية جاز وتكبهم داخل الديول بس بدفعه
علشان يوصلو للداخل
وتستنى 5دقائق وبعدين تدور العربيه وتدوس بنزين شويه يعنى دقيقتين
وتبطل وبعد كده تعمل مشوار بالعربيه بس يكون طويل شويه
وطريق سريع الدائرى مثلا وتدوس بنزين جامد وبعد المشوار
هتلاقى صوت الصفاره تمام

كل سنة وانت طيب يا هاشم
انت واحمد حسن
وكل حبايبنا فى المنتدى

سؤال: هى صفارة البيتل دى مهمة قوى ... يعنى لها تأثير على آداء العربية .... لأنى بصراحة شاهدت سيارة اليوم بعد صلاة الجمعة موديل 1300 .. ماشاء الله ولا حول ولا قوة الا بالله ... كان صوتها جميل جدا شعرت فعلا ان الماتور ما شاء الله مثل الساعة وصوته مميز جدا

السؤال الثانى : انت لسه معاك البيتل 1300 هى كانت موديل كام ويا ترى بتفكر تغيرها بـ 1302 او 1303

السؤال الثالث: تفتكر ان الموديل 1302 و 1303 بالنسبة لأن اسعارهم عالية قوى بخلاف 1300 ... اشعر ان موديل 1300 بجوارهم يجعل الواحد يتردد فى شراءه ... لكن الغريب انى معظم السيارات التى اشاهدها فى مصر موديل 1300 واحيانا كثيرة اشوف منها حالات نظيفة جدا

السؤال الرابع: كثير من السيارات البيتل 1300 اجد اصحابها للاسف مهملين فى الاهتمام بها ... طيب الناس دى عندها اولويات مثلا يصرف على الاساسيات فقط ... ولا زى المثل اللى بيقول اطحن فيها وخلاص

واخيرا احب اشكر الاستاذ احمد حسن واقول له كل سنة وانت طيب ... وانا عن نفسى احب اتعلم منكم كل جديد خصوصا لما يكون الشرح مصاحب بالصور الجميلة

واخير كل عام وانتم بخير
رمضان كريم

مع اطيب التمنيات
اخوكم حسين غزالة

[hanymah]

السلام عليكم
كل عام وانتم بخير
بالنسبه للديول وعلاجها
ممكن تجيب شوية جاز وتكبهم داخل الديول بس بدفعه
علشان يوصلو للداخل
وتستنى 5دقائق وبعدين تدور العربيه وتدوس بنزين شويه يعنى دقيقتين
وتبطل وبعد كده تعمل مشوار بالعربيه بس يكون طويل شويه
وطريق سريع الدائرى مثلا وتدوس بنزين جامد وبعد المشوار
هتلاقى صوت الصفاره تمام

كل سنة وحضرتك طيب يا استاز هشام ..

كنت عايز اسئلك هوا معنى ان العربية ما بتطلعش صوت الصفارة يبقى معناه انها مثلا دخل شوية تراب فى الديول ولا اية بالضبط ..
ووهل اى عربية بيتلز جديدة لما كانت بتنزل من المصنع بيبقا فيها الصفارة ولا اية .. لانى سمعت مرة ان العربيات الالمانى بيبقا فيها حاجة فى الشكمان بتكتم الصوت . غير البرازيلى

[ابوهاشم]

السلام عليكم ورحمة الله وبركاته
كل عام وانتم طيبين والامه الاسلاميه جميعا بخير
بالنسبه للسؤال الاول
صفارة الشكمان مهمه او لا
ده يرجع لصاحب السياره اذا كان عاوزها ولالا
لان السياره الالمانى من بداية صنعها ماكنش فيها صوت صفاره
لكن لما البرازيل صنعت البيتل هما اللى عملو الديول يصاحبها صوت الصفاره
والحقيقه الناس كانت بتعتبر بداية ان صوت الصفاره ده عيب فى السياره
وبعد كده اكتشفوا ان الصوت ده ميزه وتعديل لصوت الموتور
علشان كده دلوقتى معظم اصحاب البيتل بيغيرو الديول لبرازيلى
علشان الصوت ده
واللى راكب بيتل عارف ان صوت الصفاره ده كل مايكون شغال
كويس يبقى الموتور مظبوط لان اى خلل فى الموتور او ظبط الكهرباء
بتاعت الموتور يضيع صوت الصفاره دى
وبعد عمل سرفيس كويس للسياره ظبط تاكيهات وكهربا بوجيهات
وابلاتين وكوندنسر مع تنظيف الكاربراتير والاسبراتير
تلاقى صوت الصفاره مظبوط جدا وتحس انك راكب طياره
بالنسبه للسؤال الثانى
انا فعلا مازلت معايا السياره 1300 وهى موديل 1965
موتور 1500 سى سى ومش ناوى اغيرها ل1302 او 1303
لانى لو غيرت ان شاء الله وكان ف نصيب هجيب عربيه كبيره
نظرا لان البيتل مابقتش تكفى اسرتى بس ومافيش سبب تانى
ولو عندى امكانيات هجيب عربيه كبيره واحتفظ بالبيتل
لمشاويرى الخاصه
اما السؤال الثالث بالنسبه لاختيار السياره 1300 او 1302 او 1303
ده يرجع لاختيارك انت انا بفضل 1300 وغيرى بيفضل 1303
وده بيرجع لعدة عوامل منها ارتياحك النفسى للسياره وحالتك الماديه
لان 1303 هى سياره ذات عفشه مرفهة جدا وغاليه جدا
انا عن السؤال الرابع واهمال الناس للسيارات
احب اوضحلك ان ده الحال مع كل انواع السيارات بلا استثناء
فى اصحاب سيارات بيعتنو بسيارتهم من الداخل والخارج باستمرار
وفى ناس يهمهم ان العربيه تمشى وخلاص
...................................
بالنسبه لسؤال الاستاذ هانى
فهو ان عدم سماع صوت الصفاره مش سببه تراب
لكن اللى بيحصل ان مع مرور الزمن بتتراكم رواسب كربونيه
من عادم الموتور داخل الديول وبتكتم صوت الصفاره
وعلشان كده احنا بنستعمل الجاز لتنظيفهم وازالة اثار الكربون
واحيانا الجاز ماينفعش ويبقى الحل تغيير الديول وهما سعرهم
حوالى 20 جنيه استيراد
كمان تركيبهم بيكون ب2 افيز خاصين بالديول
بس فى بعض الميكانيكيه بيلحمو الشكمان فى الدويل لحام كهرباء
وده بيضيع صوت الصفاره علشان كده لو جبت ديول جديده
ركبهم بالافزان زثمنهم تقريبا 5 جنيه

[hanymah]

بسم الله ما شاء الله على معلومات حضرتك يا استاز هاشم

ومعلومة حلوة ان العربية لو فيها الصفارة تكون مظبوطة كهرباء وموتور ...