استفسار بخصوص الجيتا

[aneo]

ايه اخبار العفشة و فى المطباط عشان واحد معاه جيتا و قالى ابعد عنها عشان عفشتها اى كلام و بذات الى قاعد فى الكنبة و انا كنت ناوى اشتريها ف ياريت الى معاه جيتا يقولى اخبار العفشة ايه ( بذات العفشة الخلفية )

و على فكرة انا معايا كرولا 2004 هل عفشة الجيتا بنفس الكفاءة و لا اقل

[linuxawy]

انا كان عندي كورولا نفس الموديل و جبت جيتا خليجي 2009 بجنوط 17 و بصراحة لا يعلى على الكورولا في الراحة و اداء العفشه لكن الجيتا العفشة بتاعتها متينة اكتر لكن ناشفه كتير عن الكورولا و خصوصا في الجنوط ال 17 لأن الكاوتش رقيق و مش بيمتص الصدمات

[أبو_حمزة]

كورولا الموديل ده محترم جدا و بيبقى صعب جدا على ملاكها يلاقو حاجة تقنعهم بالتغيير و بالذات لو 1600 مع جنوط 15.
نقطة تفوقها العظيمة هى النعومة و الراحة و لا تتفوق عليها الجيتا فى هذه الناحية
نقاط تفوق الجيتا هتكون اساسا فى الثبات و الامان و التكنولوجيا العالية

[abo samra]

ايه اخبار العفشة و فى المطباط عشان واحد معاه جيتا و قالى ابعد عنها عشان عفشتها اى كلام و بذات الى قاعد فى الكنبة و انا كنت ناوى اشتريها ف ياريت الى معاه جيتا يقولى اخبار العفشة ايه ( بذات العفشة الخلفية )

و على فكرة انا معايا كرولا 2004 هل عفشة الجيتا بنفس الكفاءة و لا اقل

بتهيالى الراجل يقصد الراحه على المطبات
لان الفرق كبير قوى فى الراحه بين العربيتين
انما الجيتا كعفشه فهى بتوقيع فولكس فاجن وتقريبا هى نفس عفشة الجولف الاسطوره الاوربيه
راىء شخصى لو حضرتك متعود على نعومة الكورولا فى المطبات يبقى مش هترتاح فى الجيتا الا لو حضرتك حبيت العربيه وتقالمت معاها وعلى فكره ثبات الجيتا وهم بالنسبه لفئتها طبعا
تحياتى

[Ahmed Selim]

الثبات دائماً على علاقة طردية بنشوفية العفشة

يعنى كلما زاد الثبات زادت نشوفية العفشة و بالتالى الأحساس بالمطبات بيزيد.

ممكن الجيتا اللى بحنوط عادية ( مش فاكر 15 ولا 16 ) بس مش ال 17 عموماً تبقى أريح شوية.....لأن الجنوط ال 17 بتنزل ب low profile و بيبقى الأحساس بالنشوفية أعلى.

بس كمقارنة عربيتين الجيتا تكسب بتفوق واضح.........و خصوصاً أنى أكتر حاجة تهمنى فى العربية هى الثبات.

[معتز]

فعلا عن تجربة .......من كام يوم سقت كرولا 2009 وجيتا 2009........الثبات لصالح الجيتا والنعومة لصالح الكرولا