استاذى ومعلمى الفاضل أ/ هاشم وعشاق الساحرة(البيتلز)

[MOSHAKS]

بما اانى تعلمت منك الكثير عن البيتلز الساحرة انت وباقى الاعضاء الذين اعتبرهم بمسابة اخوة لى
ارجو من حضرتك وباقى الاعضاء الذين تم تركيب الاشعال الالكترونى بسيارتهم تقيم السيارة بعد تركيب الاشعال الالكترونى موضحا الاتى..
سحب السيارة
معدل الاستهلاك للبنزين كم/ الصفيحة على السريع او داخل المدينه
والتقيم الشخصى للسيارة بعد التركيب
وبعض ملاحظاتك
ولكم خالص التحية والتقدير

[amroadam]

ايه ياجماعه انتو مردتوش ليه علشان ناخد منكم معرفة
وانتو تخدوا مننا حسنة والحسنة اليومين دول بمشاء الله
نرجو الاهتمام قليلأ

[ابوهاشم]

اسف جدا على التأخير فى الرد
والله لسه شايف موضوعك حلا
وطبعا انا تحت امرك
بالنسبه للاشعال الالكترونى
بجد فعلا شئ ساحر وفوق وصف الخيال
اداء العربيه اتغير بالكامل
السحب ممتاز
العربيه مابقتش تبطل معايا فى الزحمه زى الاول
استهلاك البنزين فى وفر ملحوظ لكن مش لدرجه كبيره يعنى
وانا بفكر انى اشوف بوجيهات من نوع كويس
علشان تكتمل دائره كهربائيه ممتازه للسياره
وبصراحه انا لسه ماحسبتش هى بتعمل كام ك فى الصفيحه
وده لانىكنت بظبط شوية حاجات فى العربيه عند الميكانيكى
لكن صدقنى وعن تجربه العربيه فرقت معايا كتير
والاداء كله اتغير فعلا
وكفايه انك تخلص من قرف الابلاتين والكوندنسر والصنفره
والعربيه تبطل منك فى الزحام وماتعرفش تتصرف
كمان هو مقدر ليه يشتغل فوق ال75000ك
يعنى على الاقل 6 سنوات متواصله
لو بتفكر فيه توكل على الله وماتخافش
وان شاء الله الاستاذ احمد حسن هيأكدلك كلامى
لانه ركبه معايا واحنا كنا اخذنا القرار سوا بدون تردد

[djhaggar]

ممكن نعرف سعرة كام

[ابوهاشم]

سعره 200 جنيه

[ابوهاشم]

فى الرابط ده هتلاقى كل المعلومات

http://www.nilemotors.net/Nile/92011-a.html

[waleedraafat]

أه لو كنت اعرف، انا قلبت الدنيا علي الاشعال الالكتروني للبيتلز من سنتين فاتو قبل ما ابيع العربية بسبب قرف طقم الكهرباء ومحدش فيكي يا مصر كان يعرفه لا ميكانيكي ولا بتوع قطع الغيار ، ياللا حصل خير

[ابوهاشم]

مع الاسف كل الميكانيكيه حتى اليوم مايعرفوش عنه حاجه
ولو سالته عنه يقولك انت هتخترع فى العربيه
لو كان ينفع كانو اللى اخترعو العربيه ركبوه من زمان
انا عن نفسى سمعت الردود دى
وبعد ماركبته روحت وريته للميكانيكى
لقيته استغرب وقاللى انت جبته منين
انا عاوز واحد لعربيتى
ههههههههههههههههههههه
تعرفو
مشكلة معظم الميكانيكيه فى مصر ايه
انهم حافظين مش فاهمين

[MOSHAKS]

تسلم ايدك يا استاذ هاشم على الرد ولا يهمك على التاخير وربنا يعينك وبجد انت طمنتنى
وكل عام وانت بخير

[ahit]

مفيش كلام بعد كلام أخويا هاشم بالنسبة للإشعال الإلكترونى

[amo400]

شكرا يا باشا على موضوعك الهايل منين و اركب فين

[ابوهاشم]

ايمن باشا
الاشعال موجود عند محل قطع غيار اسمه
الشركه المحمد يه للتجاره
عند حديقة بدر