يا جماعة عايز ابيع عربيتي Gol plus 2001..

[Amr Hamada]

السلام عليكم ورحمة الله،
أنا عضو جديد بامنتدى وبشكركم جدا على الخدمة الكبيرة أوي اللي بتعملوها للناس هنا..
أنا معايا عربية جول موديل 2001 وعايز ابيع.
ياريت حد يقوللي العربية تجيبلي كام تقريبا وهي بالمواصفات التالية:

1- فابريقة برة وجوة
2- عاملة 100,000 كم
3- جنوط 14 سبور (اللي في العربية اصلا كانت 13)
4- فرش جلد
5- سماعات 300 وات (sony (x-plode
6- كاسيت سوني MP3
7- أكر أمامية نيكل

ياريت تفيدوني أفادكم الله عشان عايز ابيع ومش عارف اتكلم في كام....
وجزاكم الله خيرا

[banboty]

ياريت تقول الموتور كام سي سي و كام هورس باور

و اذا كان فيها اوبشن زي التكييف او زجاج كهرباء

و هحاول اقولك على سعر تقريبي

[Amr Hamada]

الموتور 1000 cc
57 هورس باور
فيها تكييف - باور ستيرنج
مفيش زجاج كهرباء

وشكرا للاستجابة......................................... .....

[banboty]

تقريبا من 48 الى 52 الف

الفولكس الجول لم تثبت كفاءتها في السوق المصري , و بصفة عامة اعادة بيع السيارات الالماني بعيدا عن المرسيدس بيبقى دايما في النازل

[limo]

انا كنت هشترى واحده من سنتين مو2001 تكيف وباور عداد 78 الف فابريكه بالكامل وكانت تحتاج كوتش وشويه شغل فى العفشه كان مطلوب فيها 46 وكنت هخلص فيها على 42

مشكله العربيه ده انها ملهاش سعر محدد فى السوق المصرى كمان تقيله جدا فى اعاده البيع
فاعتقد انها ممكن تعمل من 35 الى 40

العربيه ده سواقتها جميله اوى مش عارف ليه ملهاش حظ فى السوق المصرى

[banboty]

يعنى يا استاذ ليمو العربية دي بثمن عربية فيليشيا اللى مفيهاش اي اوبشن او هيونداي اكسيل هاتش باك موديل 96 و تمنها وصل 35 الف؟؟؟

ده اسمه كلام

-------
نصيحة يا استاذ عمرو

ممكن تزور اي مواقع بتبيع عربيات زي كونتاكت كار او كارز دوت كوم او موقع الوسيط الالكتروني

و تشوف اللى زيها معروض بكام , و ابقى بلغنا

[معاذ الشرباصى]

البولو الكاملة اللى احسن من الجول مو 2000 و انت طالع بتبدأ من حوالى 42

يبقى الجول دى اخرها 40الف لو حالتها ممتازة جدا خاصة ان قطع غيارها مش متوفرة فى السوق بكثرة و لا حتى عند الوكيل

[Amr Hamada]

أولا: متشكر جدا لكل الإخوة اللي اهتموا..
ثانيا: انا فعلا كنت باتعب في قطع غيار العربية لغاية مالبوينتر نزلت . بعدها مابلاقيش مشكلة وحاجتها كلها موجودة في دمشق وانا شاريها بنفسي (تيل - سيور - بلي طنابير - كبالن)...
ثالثا: العربية معروضة على كونتاكت كار بـ 45,000 جنيه من غير أي إضافات..

[banboty]

استاذ معاذ

البولو موديل 95 في السوق 1300 سي سي و حالتها معقولة بيطلب 40 الف و بدون تكييف ..

اما الجول فاعتقد مرة تاني انها تزيد عن 45 الف و لكن قد لا تصل فعلا للخمسين الف :roll:

[معاذ الشرباصى]

حضرتك انا بقالى 3 شهور او اكتر عارض العربية بتاعتى للبيع

و شوفت اسعار السوق عاملة ازاى

بولو مو 98 بتكييف و باور ب 36 الف جنيه

ال 1300 دى سعرها وصل ل 33-35 حسب الحالة

[limo]

يعنى يا استاذ ليمو العربية دي بثمن عربية فيليشيا اللى مفيهاش اي اوبشن او هيونداي اكسيل هاتش باك موديل 96 و تمنها وصل 35 الف؟؟؟

ده اسمه كلام

-------
نصيحة يا استاذ عمرو

ممكن تزور اي مواقع بتبيع عربيات زي كونتاكت كار او كارز دوت كوم او موقع الوسيط الالكتروني

و تشوف اللى زيها معروض بكام , و ابقى بلغنا

استاذى الفاضل فيه فرق بين ثمن العرض وثمن الشراء الفعلى
يعنى العربيه ممكن بتطلب فيها 50 و52 بس هل الثمن ده هبيع بيه فعلا ؟

[معاذ الشرباصى]

استاذى الفاضل فيه فرق بين ثمن العرض وثمن الشراء الفعلى
يعنى العربيه ممكن بتطلب فيها 50 و52 بس هل الثمن ده هبيع بيه فعلا ؟

+1

[Islam_galal]

+1
و لاحظ ان معظم الناس بتقلل 3000 من السعر في الوسيط مبدئيا بسبب المغالاه في السعر المعروض
المهم هو سعر البيع النهائي

اعتقد آخرها 40000

[banboty]

حضرتك انا بقالى 3 شهور او اكتر عارض العربية بتاعتى للبيع

و شوفت اسعار السوق عاملة ازاى

بولو مو 98 بتكييف و باور ب 36 الف جنيه

ال 1300 دى سعرها وصل ل 33-35 حسب الحالة

طب فيه مشاكل عندك في العربية

و ما هي مواصفاتها و الكماليات اللى فيها

[معاذ الشرباصى]

طب فيه مشاكل عندك في العربية

و ما هي مواصفاتها و الكماليات اللى فيها

العربية معايا الحمد لله زى الفل

مفيش فيها مشاكل خالص

احنا بنبيع علشان نجيب حاجة جديدة

هى العربية عامة فاضية, مفهاش غير كاسيت بس