الى الباشمهندس اسامة

[ahmed_gman]

كلمة حق !!!!!!

أرجوك يا محمد بلاش الكلام ده

أرجوك بجد الكلام ده أنا لا استحقه مطلقاً

اللهم إن أعوذ بك من الكبر والغرور



أنا مش زعلان أنا بس شايف الموضوع من زاوية تانية ومن وجهة نظري مش شايف إن فيه عدل. بس كده

السلام عليكم ورحمة الله وبركاته
الصراحة انا شايف ان اسامة عنده حق والى بيحصل ده ما ينفعش يحصل معاه كده وده راجل خدم المنتدى بكل وقته وعلمه وخبرته المتخصصة فى المجال شوف مثلا حجم مشاركاته اد ايه والفايدة الى عايدة على الناس اد ايه
وبعدين انت عندك مراكز صيانات كثيرة وورش عادية فى كل مكان غير التوكيلات طبعآ عرفناها من هنا بارقام التليفونات من السادة الزملاء فى كل الاقسام اشمعنى بقى وكانو بيكتبو تجربتهم معاهم بالعناوين والتليفونات
عامتآ الراجل مغلطش فى حق المنتدى ولا القوانيين ولا الاوايح ولا .....
وكلمة حق الراجل مش محتاج المنتدى بالعكس المنتدى الى محتاجه ومحتاج خبرته راجل زى ده هياخد ايه من المنتدى
وكل عام وانتم بخير جميعآ وان شاء الله عيد سعيد على الامة الاسلامية جميعآ
الرجاء تفهم الامور بشكل دبلوماسى محايد ولكم جزيل الشكر

[original]

صراحة الطريقة اللى بيطبق بها قوانين المنتدى بتجرح اللى بتطبق عليه لأنه بيحس بالإهانة وممكن من غير أى حاجة كل شئ يتصلح من غير توجيه أى كلام..
المفروض إننا بنحس براحة نفسية وإحنا على نايل موتورز ومفيش داعى إن حد يفوأنا..

[umoussa]

أولا أحمد حسين، يا أخي أنا لا أستحق ولا نص كلمة من كل الكلام الي انت قلته وبجد الكلام ده ثقيل جداً عليا وربنا سبحانه وتعالى قال "إن النفس لأمارة بالسوء" صدق الله العظيم

من فضلك يا أحمد بلاش الكلام ده مطلقاً، لأنه قد يصيبني بالغرور والكبر والتعالي والفشخرة والمنظرة و و و و و أرجوك بجد بلاش منه.

ثانياً محمد مصطفى "أوريجنال" - الموضوع واضح إنه بدأ يكبر ومش مستهلة إطلاقاً يا محمد إحنا في شهر فضيل ومش محتاجين نخرج عن تركيزنا.

وعلى العموم جزاكم الله خيراً على كل كلمة قلتوها وأنتم الأحق بالفضل

سمعت من أحد أصدقائي أنه قد حدثت مشكلة مع أحد أصدقائي هنا "عمدة" Ibiza وأنا فعلاً شايف انه مختفي من فترة طويلة جداً. ولمعلومات الجميع عماد ده عنده خبرة كبيرة جداً وفعلاً تركه للمنتدى خسارة وإذا كانت هذه هي الطريقة يبقى مفيش مشكلة، لأن بمنتهى البساطة كل واحد حيقول وقتي اهم استثمره في شيء أفضل وبالشكل ده الي يعرف يساعد مش حيساعد.



[info]الإدارة ليس لديها أى مانع من مساعدتك للأعضاء عن طريق المشاركات
بدون إعلانات تجاريه خاصة بك
لإنك فى هذه الحالة ستكون خالفت قواعد المنتدى التى وافقت عليها عند إشتراكك

لذا نرجو منك عدم وضع اى إعلانات تجاريه تخصك إلا بعد الإتفاق مع الإدارة
و إذا كنت تريد مساعدة الأعضاء فيمكنك فعل ذلك عن طريق الرد على إستفساراتهم بمعلوماتك


إدارة المنتـــــــــــــدى [/info]

[adel_2346]

والله عندكو حق يا رجالة انا قريت مواضيع م-اسامة وبصراحة الراجل ده عامل معانا الصح وانا باذن الله رايحله لانى حسيت انه فاهم فعلا والله واناعن نفسى شفت هنا عناوين وارقام موبايلات و محدش علق اشمعنى المرة بتاعتى دى (الظاهر ان انا نحس ولا ايه ومش مكتوبلى ان العربية تظبط) عموما يا رجالة متشكريييين

[original]

لا تعليق..

[Sharky]

يا جماعة الموضوع بسيط
أسامة عايز يفيد الأعضاء بمعلوماته و يساعدهم فى حل مشاكلهم عن طريق مشاركته فى المنتدى أهلا وسهلا بيه طبعا فى المنتدى

لكن لو عايز يعمل إعلان لورشته يبقى لازم يظبط مع الإدارة
دى قوانين المنتدى اللى وافق عليها عند إشتراكه

[hanady]

ما ينفعش خالص نزعل باشمهندس أسامة

الحقيقة ما ينفعش خالص نزعل باشمهندس أسامة من المنتدى لأن الجميع بيستفاد بخبراته المتميزة و هو لا يبخل اطلاقا بها على الأعضاء (اللى أستحالة يكون يعرفهم كلهم أو عايز يعمل معاهم بيزينس) فهو فعلا بيثرى أى موضوع يشترك فيه و جميعنا بنستنى رأيه فى أى حوار. منذ أشتركت فى المنتدى و أنا باستفيد جدا من كل مشاركة للمهندس أسامة موسى (و ربنا فعلا يزيده لقاء الخير الذى يعمله مع أعضاء المنتدى) و هو لا يعرفنى و لا أنا أعرفه مطلقا. و أعتقد أنه مش هينفع أخش منتدى فولكس أذا تركه المهندس أسامة الذى يعطى من وقته الكثير لأثراء منتدى فولكس و يستحق فعلا اللقب الذى اطلقه عليه أعضاء المنتدى (كبير الفولكساوية)، و هو حد يقدر يزعل الكبير!!!
رجاء من أدارة المنتدى تهدئة اللوم للمهندس أسامة لأنى متضايقة قوى من التشدد معه بهذه الطريقة (و أعتقد أن الكثير من رواد المنتدى برضه متضايقين).
و أكرر ثانية أنه لا توجد أى سابق معرفة مع المهندس اسامة بل هو أحترام لرجل فعلا أثرى المنتدى بأراء قيمة ولا يتفع على الأطلاق التشدد معه بهذه الطربقة (مع خالص أحترامى لأدارة المنتدى و قوانينه).



[info]العضوة الفاضلة

الإدارة لم تصرح بإنها ترفض وجود م/ أسامة
المشرف قام فقط بنبيه على مخالفته للقواعد
الإلتزام بقواعد المنتدى لا يعنى ان الإدارة لا تريده فى المنتدى

إذا اراد م/ اسامة مساعدة الأعضاء فهو يستطيع عن طريق الرد عليهم بمعلوماته
و إذا أراد ان عمل إعلان خاص به يستطيع مراسلة الإدارة لتظبيط هذا الإعلان

مشـــــرف عام - 2 [/info]