حد يعرف ال epc

[eltorky]

السلام عليكم ورحمة الله و بركاتة بالله عاليكم يا شباب أنا ضيف عاليكم من قسم متسوبيشي بس أخويا معاه عربية بولو 2001 و أمبارح مرة واحدة كدة نورت عندة في الطابلو لمبة الepc و أنا بصراحة أول مرة أشوفها منورة و هو أول مرة يشوفها برضوو فقالت أسئل بقي خبراء قسم الجولف و أكيد هما اللي هايفيدوني في الموضوع داة و كل عام و أنتم بخيرر و عيد سعيد

[chester16583]

Epc اختصار للكلمه دى
Electronic Pedal Control
دواسة التحكم الالكترونيه و مش عارف بصراحه يعنى ايه؟؟؟ اكيد مهندس اسامة هيفيدك اكتر
و احيانا ممكن اللمبه دى ممكن تنور لو البطاريه ضعيفه و الله اعلم .. اسئل اخوك البطاريه ايه اخبارها معاه
و ربنا يوفقك و تحل المشكله

[original]

شوف الموضوع ده إتناقش قبل كده:

http://www.nilemotors.net/Nile/92811-2001.html

[chester16583]

بتجيب من الاخر يا اوريجينال
الله ينور

[MOON5]

حل لمشكلة epc فى السيات او البولو

منذ ان اشتريت سيارتى سيات ابيزا 2000 كان عندى المشكله دى وبعد لف وكشف بالكومبيوتر اكتر من مرة ربنا وفقنى وعرفت ان سبب المشكله دى حساس اسمه حساس المنافول ودا بيكون مكانه جنب الموتور من ناحية الشمال لو انت واقف وفاتح الكبوت مباشرة وبتلاقيه حجمه بالظبط زى ريموت السيارة فى حدود عقلتى الاصبع بالظبط
ومن سؤالى عن الى بيسببه هذا الحساس هو عبارة عن خنقة هواء و بنزين بيخلى العربية تهنج وتقطع واحيانا تقف والموتور بيطل زى ماكان بيحصل معاي بالظبط
وبعد لف على هذه القطعة عرفت ان سعرها جديد حوالى 700ج فى توكيل الشهاب فى شارى دمش بمصر الجديدة وفى محل فى الحرفين كان بيقول 550ج ولما سئلت عرفت انها ممكن تكون استيراد بسعر اقل وفعلا لقتها بعد عناء كبير فى محل اسمه ايضا الشهاب استيراد الخارج بس فى الحرفين وكان بيتكلم فى 300ج و وبعد محايلة خلصتها على 250ج وعلى فكره ممكن تكون الى هاتشتريها بايظه وده الى حصل بالظبط ثم استبدلتها بواحده اخرى واشتغلت العربية واختفت اللمبه وحسيت بفرق فى المشى فعلا والحمد لله واى سؤال انا تحت امركم
ارجو من ادارة المنتدى التثبيت لان المشكله دى موجوده فى عربيات كتير ومحدش عارف مداها

[M.Mostafa80]

منذ ان اشتريت سيارتى سيات ابيزا 2000 كان عندى المشكله دى وبعد لف وكشف بالكومبيوتر اكتر من مرة ربنا وفقنى وعرفت ان سبب المشكله دى حساس اسمه حساس المنافول ودا بيكون مكانه جنب الموتور من ناحية الشمال لو انت واقف وفاتح الكبوت مباشرة وبتلاقيه حجمه بالظبط زى ريموت السيارة فى حدود عقلتى الاصبع بالظبط
ومن سؤالى عن الى بيسببه هذا الحساس هو عبارة عن خنقة هواء و بنزين بيخلى العربية تهنج وتقطع واحيانا تقف والموتور بيطل زى ماكان بيحصل معاي بالظبط
وبعد لف على هذه القطعة عرفت ان سعرها جديد حوالى 700ج فى توكيل الشهاب فى شارى دمش بمصر الجديدة وفى محل فى الحرفين كان بيقول 550ج ولما سئلت عرفت انها ممكن تكون استيراد بسعر اقل وفعلا لقتها بعد عناء كبير فى محل اسمه ايضا الشهاب استيراد الخارج بس فى الحرفين وكان بيتكلم فى 300ج و وبعد محايلة خلصتها على 250ج وعلى فكره ممكن تكون الى هاتشتريها بايظه وده الى حصل بالظبط ثم استبدلتها بواحده اخرى واشتغلت العربية واختفت اللمبه وحسيت بفرق فى المشى فعلا والحمد لله واى سؤال انا تحت امركم
ارجو من ادارة المنتدى التثبيت لان المشكله دى موجوده فى عربيات كتير ومحدش عارف مداها

أخى الكريم لقد زكرت هذه المعلومات سابقا فى موضوع مشابه وقد قمت بالرد عليك بها وقلت أن هذه الحروف ترمز الى كنترول بدال الفرامل ودى بتظهر لما بيبقى فيه لمبه محروقه او الكنترول نفسه باظ أو الفيوز الخاص بيه ضرب وأنت بردو مش عايز تقتنع مدام أنت مش مقتنع بكلامى ياريت ما تتوهش الناس بمعلومه سامحنى انى أقولك انها غلط وانا وأعوذ بالله من هذه الكلمه متأكد تمام التأكيد مما أذكره





أخى الكريم صاحب الموضوع زى ما قلتلك دى هتبقى يأما لمبه الأستوب محروقه يأما فى فيوز ضارب خاص بالبدال يأما الكنترول نفسه بتاع البدال ضرب ودا تقريبا سعرو فى حدود ال 100 لو لقدر الله ضرب

[vodanet]

كلامك صح يا استاذ مصطفى 100 ديه مكنه فرامل بى 50 جنيه الى بتوصل للمبه انك دايس فرامل هى نورت عندى فى البوينتر

[M.Mostafa80]

أحب أضيف كمان ان اللمبه دى ممكن تنور لو فى مشكله فى دواسه البنزين والبوابه لأنها فى الموديل دا كهرباء وبتعتمد على نفس الكنترول مع اختلاف فى وظائف كلا منهم