كاوتش الجيتا انفجر

[TeMoON]

وانا لسة ماشى بالعربية فى امان الله من القاهرة لشرم الشيخ وكنت لسة ما كملتش 700 كيلو مرة واحدة لقيت نئرة ظهرت ادامى مرة واحدة فا اخدتها ولما اخدتها مرة واحدة لقيت الجنط على الارض والكاوتش انفجر فاطبعا نزلت الاستبن وغيرتة ومشيت على الاستبن بس ارخم حاجة فى العربية بجد ان الاستبن اخرة 80 كيلو فا مشيت حوالى 250 كيلو من القاهرة لشرم الشيخ على 90 كم لحد ما كنت هفرئع وخليت واحد قريبى اشترالى فردة جديدة مكانها وطبعا اشترى الفردة وبعتهالى والحمد لله بقت كويسة بس الفردة بكام (1200) جنية فا الحمد لله انها جات على اد كدا وقولت احسن ما كانت جات فى الصاج هو صحيح المبلغ كتير شوية بس لو على اد فردة الكاوتش الحمد لله انها جات على كدا والحمد لله انها كدا اخدت العين

[asemx1]

حمدلله على سلامتك الاول والى يتصلح بفلوس احسن من اى حاجه
هيا البلد دى الله يخرب بيتها لازم تتصلح من اول وجديد

[chester16583]

اهم حاجه طبعا انك بخير و ما حصلش حاجه طظ فى الفلوس اهم حاجه انك بخير بجد
خلى بالك دى ممكن تكون عين بس انت كنت ظابط الكاوتش على كام؟؟

[islamaboelnaga]

دى مشكله الجنط ال 17 فى مصر

[معتز]

الف سلامة...بس لية مع الاستبن 80 كم ساعة فقط

[ahit]

قدر الله و ما شاء فعل و ربنا يسترها معاك و معانا
مش المفروض الإستبن بيكون زى الكاوتش اللى راكب فى العربية؟؟؟؟؟

[original]

الحمد لله إنك بخير وفداك ألف فردة 17
المهم الحزام وشنطة الإسعافات وماتتكلمش فى الموبايل وماتمشيش فى المخالف..
للأسف مفيش قانون ممكن يعوضك مع إن الغلطة مش غلطتك والمفروض يبأا ليك زى ما بتدفع اللى عليك وطبعا النقرة دى إنتا بتدفع كتير عشان ماتبآش موجودة فى طريقك بس عادى ماتاخدش فى بالك..

[Fadi Ezzat]

اولا حمد اللة على سلامتك
بس انا مش عارف اية هيا النقرة دى
مش فاهم يعنى

[SAiF3S]

وانا لسة ماشى بالعربية فى امان الله من القاهرة لشرم الشيخ وكنت لسة ما كملتش 700 كيلو مرة واحدة لقيت نئرة ظهرت ادامى مرة واحدة فا اخدتها ولما اخدتها مرة واحدة لقيت الجنط على الارض والكاوتش انفجر فاطبعا نزلت الاستبن وغيرتة ومشيت على الاستبن بس ارخم حاجة فى العربية بجد ان الاستبن اخرة 80 كيلو فا مشيت حوالى 250 كيلو من القاهرة لشرم الشيخ على 90 كم لحد ما كنت هفرئع وخليت واحد قريبى اشترالى فردة جديدة مكانها وطبعا اشترى الفردة وبعتهالى والحمد لله بقت كويسة بس الفردة بكام (1200) جنية فا الحمد لله انها جات على اد كدا وقولت احسن ما كانت جات فى الصاج هو صحيح المبلغ كتير شوية بس لو على اد فردة الكاوتش الحمد لله انها جات على كدا والحمد لله انها كدا اخدت العين

نفس النؤره دى فى شهر 6 وقعت فيها و النتيجه التصفيح الفيبر اللى تحت العربيه الرؤوس بتاعته اتكسرت وبقى يجرجر تحت العربيه لغايه الطور لما لقيت بنزينه ورفعت العربيه واتربطت بسلك .وبرضه مضطر اغير فيبر الناحيتين شمال ويمين وفى التوكيل 1200 جم لسه المقايسه معايا و معاملتهاش الظاهر النؤره دى تسعيره المرور عليها 1200 جم
الكاوتش اللى بينزل مع العربيه دانلوب سىء للغايه. انا اول مره اشوف كاوتش بيلم المسامير و الظلط اللى فى الشارع زيه الكاوتش ده ,عندى بقى منخل من كتر الخوابير ده بقى غير صوته العالى
بس ممكن فعلا يكون الهواء فيه زياده , ممكن تتاكد من النقطه دى انك تزود الكاوتش عند الراجل اللى ظبط عنده قبل ما تسافر و تقيس عند وحد تانى
و كمان انا اول مره اعرف ان الجيتا بتنزل بفرده استبن طوارئ شكلها غير جنوط العربيه
اهم حاجه حمد لله على السلامه وكلنا معرضين لاى مشكله من دى و مش كل حاجه العين و الحسد فى كمان القدر لانك لو حطيت فى دماغك الموضوع ده هتتعب جدا ومش هتبقى مبسوط بالعربيه يعنى العربيه هتبقى نقمه مش نعمه اقرا دعاء الركوب و السفر و توكل على الله وتذكر دائما قوله تعالى "قل لن يصيبنا الا ما كتب الله لنا"

[islamaboelnaga]

كاوتش الجيتا مش دانلوب الكاوتش sport continental و رالفرده دى كويسه جدا و ملهاش صوت خااااااااااالص

[SAiF3S]

كاوتش الجيتا مش دانلوب الكاوتش sport continental و رالفرده دى كويسه جدا و ملهاش صوت خااااااااااالص

فعلا عندك حق الجيتا امريكى الكاوتش الاستوك(الاصلى) بيبقى كونتينتال لكن الاوربى زى الباسات و الايوس و الشيروكو و غيره الكاوتش الاصلى دانلوب وفعلا الكونتينتال ماركه محترمه جدا ونادره الوجود فى مصر
ياترى انت عندك برضه فرده الاستبن طوارىء ولا جنط

[TOOLA]

ربنا يستر طريقك و يعوضك و فعلن قضى أخف من قضى, أنا أصدقائى بعد ماشافوا العربية الجمعة بعد الصلاة (بورا), الجمعة بليل خرطوم ضرب و المياه قلت و لولا ستر ربنا الماتور كان هيروح فيها (الحمد لله)

[amrhady]

معلش فداك - فعلا العجب ده مش موجود غير عندنا انا مشيت وسقت في بلاد في افريقيا تعتبر افقر مننا ورغم كده الطرق ممهده وناعمة جدا ومفيهاش مفاجئات !

دى مشكله الجنط ال 17 فى مصر

فعلا؟ استأذنك ممكن تشرح شوية علشان انا كنت ناوي اركب 17 (جولف 5)

[KHALED AYMAN]

الحمد لله انها جت على اد كده !!!
هو الاستبن عندك مش جنط زى باقى العربيه ؟؟
عندنا الاوكتافيا الاستبن بتاعها جنط زى باقى الاربع فرد !!
مقاس 16 !!!

فعلا عندك حق الجيتا امريكى الكاوتش الاستوك(الاصلى) بيبقى كونتينتال لكن الاوربى زى الباسات و الايوس و الشيروكو و غيره الكاوتش الاصلى دانلوب وفعلا الكونتينتال ماركه محترمه جدا ونادره الوجود فى مصر
ياترى انت عندك برضه فرده الاستبن طوارىء ولا جنط

الجيتا مكسيكى مش امريكى ..
و الكاوتش بيكون كونتيننتال زى ما حضرتك قولت و مش مكتو هو صناعه ايه !!
مكتوب تصميم المانى !!

[mohamed_hamdi]

كل ملاك الجيتا الخليجي و منهم العبد لله بيكتشفوا ان الجنط الاحتياطي 16 مش 17 زي الأربع فرد الأساسيين للعربية. الله أعلم اذا كان ده سرقة من المستورد في مصر ولا الوكيل السعودي ولا حاجة تانية. أعتقد ان أحد الأعضاء من ملاك الجيتا استيراد الوكيل بالضمان برضه الجنط الاحتياطي 16.